EXODUS 2 - Ottawa New Testament Penteteuch and Psalms 1874

¹ Keühyah dush pazhig enene dabandahgoozid emah oodenoodawezewining owh Levi, kahwedegamaud oodahnene enewh Leviün.

² Owh dush equa keünjegoo, kenegeäud dush quewezansun; uhpe dush wuhyahbuhmaud quuhnaujewenid, oogekahnaun nesoo‐keezis.

³ Uhpe dush kashketoosig nuhwuj kenooazh chekahnaud, oogeöozhetuhmuhwaun uhsahguhnushkoo‐chemaunans, oogezhezhoobeänn dush keuhwaud wahbegunun kuhya pegewhun, oogeühsaun dush enewh ahbenoojeyun emah; oogepuhgedenaun dush ewh emah magwa‐ühsahguhnushkookaug chegebeeg.

⁴ Oomesayun dush wahsuh nebuhwebuneen wekekanduhmenid wahezhewabezegwan.

⁵ ¶ Pharaoh dush oodahnun uhguhmeeng keëzhahwun wekezebegenid emah sebeeng: oobuhmeetahga‐equamun kuhya keühnepemoosawun chegesebe: uhpe dush wuhyahbundung ewh chemaunans emah magwa‐ühsahguhnushkookaug, oogeühnoonaun oobuhmeetahga‐equamun chenahdenid.

⁶ Uhpe dush kahbahkenung, oogewahbuhmaun enewh ahbenoojeyun: benuh dush enewh ahbenoojeyun kemuhwewun. Oogekedemahganemaun dush, oo‐oo dush keëkedoo, Mesuh wuhowh pazhig egewh Hebrewug oonejahnesewaun.

⁷ Medush oomesayun oo‐oo kahenahnid enewh Pharaoh oodahnun, Ninguhuhwenundoomah nuh keen oonje pazhig egewh Hebrew‐equawug kanoonahwuhsood, chenoonaud oonoo ahbenoojeyun keen oonje?

⁸ Pharaoh dush oodahnun oo‐oo oogeënaun, Ezhaun. Owh dush ooshkenegequa oogeähwenundoomaun enewh oogeen owh ahbenooje.

⁹ Pharaoh dush oodahnun oo‐oo oogeënaun, Mahjeweezh wuh‐owh ahbenooje, neen dush oonjenoonzh, keguhdebuhuhmoon dush. Owh dush equa oogeöodahpenaun enewh ahbenoojeyun, kuhya oogenoonaun.

¹⁰ Kenetahwegewun dush enewh ahbenoojeyun, medush kebeduhmuhwaud Pharaoh oodahnun medush owh kahoogwissid enewh. Moses dush oogeëzhenekahnaun: oo‐oo dush keëkedoo, Nebeeng mah ningeöonjeöodahpenah.

¹¹ ¶ Kepuhgummeähyahmuhgud dush ewh uhpe, uhpe Moses kahzhegid, keëzhaud enewh wekahnesun, kuhya kewahbunduhmuhwaud oosuhnuhge‐ühnookewinene: oogewahbuhmaun dush pazhig Egypt duhzhe enenewun puhketawahnid pazhig Hebrew‐enenewun pazhig egoo wekahnesun.

¹² Keënahbe dush oo‐mah enuhkuhka, kuhya ewede enuhkuhka uhpe dush wuhyahbuhmahsig uhweyah enenewun, oogenesaun enewh Egypt duhzhe enenewun, oogekahnaun dush emah nagowekahnig.

¹³ Uhpe dush suhyahguhung naunzhoo‐kezhigudenig, benuh, neenzh enewh Hebrewun kemegahdewun: oo‐oo dush oogeënaun enewh kahmujje‐doodahganejin, Wagoonan suh wanjepuhketawud owh keejahnishenahba?

¹⁴ Oo‐oo dush keëkedoowun, Ahwanan kahenahkoonik cheöogemahkunduhweyaung kuhya chetebahkooneyaung? kewenish enuh, debishkoo kahezhenesud owh Egypt duhzhe enene? Moses dush kesageze, oo‐oo dush keëkedoo, Kagate nungwuhnuh oo‐oo kekanjegahda.

¹⁵ Uhpe dush Pharaoh nwaundung oo‐oo oogenunduhwandaun chenesaud Mosesun; Moses dush oogeöozhemaun Pharaohun, keduhnuhke dush emah Midian duhzhe uhkeeng: kewuhwanuhbe dush pashoo pazhig oonduhebauning.

¹⁶ Owh dush Midian duhzhe sahsahgewejega‐wenene keneenzhwahchewun oodahnun: kebenahduhebewug dush oogoowh kuhya oogemooshkenabuhdoonahwaun enewh ahtoobaunun chemenuhahwaud oosewaun oomahnishtahneshemene.

¹⁷ Enewh dush mahnishtahnishe‐wenenewun oogebemahje-naunzhahoogoowaun: Moses dush kebuhsegwe kewedookuhwaud, kuhya kemenuhaud enewh oomahnishtahnishemene.

¹⁸ Uhpe dush wadesahwaud Renelun enewh oosewaun, oo‐oo oogeëgoowaun, Ahneen suh webuh azhetuhgwishenag noongoom?

¹⁹ Oo‐oo dush keëkedoowug, Pazhig Egypt duhzhe enene ningekediskenegoonaun emah ooneenjewaung egewh mahnishtahnishe‐wenenewug, kuhya dush ningeöondenuhmahgoonaun nebe emah oonduhebauning menik chetabesayaung, kuhya oogemenuhaun enewh mahnishtahnishun.

²⁰ Oo‐oo dush oogeënaun enewh oodaunun, Ahneende dush wuhowh? wagoonan suh kahoonjenuhguhnag owh enene? nundoomik cheäumwaud dush nah buhquazhegunun.

²¹ Moses dush kenuhandum chewedegamaud enewh enenewun: oogemeenaun dush Mosesun enewh oodahnun Zipporahun.

²² Oogenegetuhmahgoon dush quewezansun, Gershom dush oogeëzhenekahnaun: oo‐oo mah keëkedoo, Ningemuhyuhgiz muhyugge uhkeeng.

²³ ¶ Kepuhgummeähyahmuhgud dush, goomahpe, ewh kenebood owh Egypt duhzhe keche‐oogemah: Israel dush oonejahnesun oosuhnuhgeühnookewinewah keöonjemuhmahdwawug, kekooduggetahgoozewug kuhya, ewh dush ookooduhgetahgoozewinewah oogeöodissegoon Kesha‐Muhnedoo oonje oosuhnuhgeühnookewinewah.

²⁴ Kesha‐Muhnedoo dush oogenoondaun ooketemahgetahgoozewinewah, Kesha‐Muhnedoo dush oogemequandaun kahezhewahweenduhmuhwahpun enewh Abrahamun, Isaacun, kuhya Jacobun.

²⁵ Kesha‐Muhnedoo dush oogeguhnuhwahbuhmaun Israel oonejahnesun, Kesha‐Muhnedoo dush oogekechetwahwanemaun.