EXODUS 19 - Ottawa New Testament Penteteuch and Psalms 1874

¹ Uhpe nasoo‐keeziswuhguk, kahsahguhuhmoowaud Israel oonejahnesun emah Egypt duhzhe uhkeeng nahsaub goo ewh kezhiguk keduhgwishenoog emah Sinai buhgwuhduhkummig.

² Rephidiming mah keöonjekoozewug, keduhgwishenoog dush emah Sinai buhgwuhduhkummig, kuhya dush kekuhbashewug emah buhgwuhduhkummig; me dush emah Israel kekuhbashid anahsuhmudenenig ewh wuhjewh.

³ Moses dush keöogedahkewa, kenaunzekuhwaud enewh Kesha‐Muhnedoon, Jehovahun dush oogepepahgemegoon emah wuhjewing, oo‐oo keëgood, Me suh oo‐oo kaënudwah egewh dabandahgooziejg emah Jacob oowegewauming, kuhya me oo‐oo kaweenduhmuhwudwah Israel oonejahnesun;

⁴ Kegewahbundahnahwah suh ewh kahuhyindooduhwugwah egewh Egyptianug, kuhya kahezheöombewenenuhgoog megeze ooningweguning, kuhya kahezheduhgwishemenuhgoog emah uhyahyaun.

⁵ Noongoom suh dush, kishpin ahbedik webezinduhweyag, kuhya weguhnuhwanduhmag newahweenduhmahgawin, me dush cheähweyag egewh maminduhga suhyahgeïndjig, nuhwuj chesahgeenenuhgoog egewh dush ween kuhkenuh ahnishenahbag uhnooj azheweenzoojig: kuhkenuh mah uhke nindebandaun.

⁶ Kegahahwim dush kuhya egewh wagemahwandahgoozejig sahsahgewejega‐wenenewug, kuhya egewh ahnishenahbag kachetwahwandahgoozejig. Me suh oonoo ekedoowinun kaënudwah Israel oonejahnesun.

⁷ ¶ Moses dush kepeëzhah, kenundoomaud dush enewh akewazeyewenid emuh uhyahnid enewh ahnishenahban kuhya kemezheshuhweseduhmuhwaud kuhkenuh oonoo ekedoowinun Jehovahun kahezhekuhgaunzoomegood.

⁸ Kuhkenuh dush egewh ahnishenahbag kemahmuhwe‐nuhquatuhmoog, oo‐oo keëkedoowaud, kuhkenuh suh Jehovah kahekedood ningahezhechegamin. Moses dush oogeweenduhmuhwaun Jehovahun enewh oodekedoowinene enewh ahneshenahban.

⁹ Jehovah dush oo‐oo oogeënaun Mosesun, Benuh, kebenaunzekoon emah pezuhgeeshkaunuhquuhdoong, egewh dush ahnishenahbag chenoondahgawand uhpe guhnoonenaun, kuhya chedabwatookwah kahgenig. Moses dush oogeweenduhmuhwaun Jehovahun enewh oodekedoowinene enewh ahnishenahban.

¹⁰ ¶ Jehovah dush oo‐oo oogeënaun Mosesun, Ezhaun egewh ahnishenahbag, peeneh dush noongoom kuhya wahbung, mahnoo kuhya oogahkezebeguhahnahwaun ooduhgwewinewaun.

¹¹ Mahnoo dush tuhoozheetahwug chepwah nesookezhigudenig: nesookezhiguk mahween Jehovah tuhbenaunzhe, emah anahsuhmenid kuhkenuh enewh ahnishenahban, emah Sinai wuhjewing.

¹² Kegahkekenuhwahjetuhmuhwaug dush egewh ahnishenahbag ewh uhke kewetahuhyeëe emah kaähkooëzhahwaud, oo‐oo cheënudwah, Aungwahmezig, cheöogedahkewasewag wuhjewing, gamah kuhya chetaungishkunsewag: ahwagwan tuhyaungishkuhmoogwan kagate egoo tuhnesah:

¹³ Kahween ahweyah oogahtaungenunseen, kagate dush ween egoo tahpemwuhsenuhah, gamah kuhya tahbuhzhebuhwah; uhyahwewegwan ahwuhkaun gamah kuhya enene, kahween tahbemahdezese: uhpe ewh poodahjegun kenwazh muhdwawag, tahpeoogedahkewawug emah wuhjewing.

¹⁴ ¶ Moses dush wuhjewing keöonjenesahkewa keëzhaud dush enewh ahnishenahban kuhya kepeeneäud enewh ahnishenahban; oogekezebegenahnahwaun dush enewh ooduhgwewinewaun.

¹⁵ Oo‐oo dush oogeënaun enewh ahnishenahban, Oozheetahyook chepwah nesookezhiguk: kagoo ween pashoo naunzekuhwahkagoon keweedegamahgunewaug.

¹⁶ ¶ Kepuhgummeähyahmuhgud dush uhpe nasookezhiguk kakezhabahwuhguk, uhnemekeeg kenoondahgoozewaud kuhya kewahwahsuhmoowaud, kuhya pezuhgeeshkaunuhquud keühgoodag oogij wuhjewing, kuhya kegahgwahnesuhgwawamuhguk ewh poodahjegun; me dush egoo kahezhenuhningish-kahwaud kuhkenuh egewh ahnishenahbag kuhbashewining kahuhyahjig.

¹⁷ Moses dush emah kuhbashewining oogeöonjesahgejewenaun enewh ahnishenahban chenuhquashkuhwahnid Kesha‐Muhnedoon; kenebuhwewug dush nesahke wahjewing.

¹⁸ Kekeche‐puhquana dush emah Sinai wuhjewing, Jehovah mah kenaunzhe emah gegezid ishkooda: keöombahbuhta dush debishkoo azhewabuk paqwanagin ningahbekezeguning, kuhkenuh kuhya ewh wuhjewh kekeche‐nuhningishkahmuhgud.

¹⁹ Uhpe dush kenwazh madwawamuhguk ewh poodahjegun, kuhya ashkum ashkum kazhewamuhguk, Moses kekekedoo, Kesha‐Muhnedoon dush oogenuhquatahgoon kekekedoonid.

²⁰ Jehovah dush kepenaunzhe Sinai wuhjewing, oogiduhjewh: Jehovah dush oogiduhjewh oogeëzhenundoomaun Mosesun; Moses dush keöogedahkewa.

²¹ Jehovah dush oo‐oo oogeënaun Mosesun, Nesahkewan, aungwahmim egewh ahneshenahbag pashoo chenaunzekuhwahsigwah Jehovahun chewahbunjegawaud, nebewah dush egewh cheneboosigwah.

²² Mahnoo kuhya egewh sahsahgewejega‐wenenewug, pashoo nuhyaunzekuhwahjig Jehovahun, tuhpeeneëdezoowug, cheühpuhguhzekahgoosigwah dush Jehovahun.

²³ Moses dush oo‐oo oogeënaun Jehovahun, egewh ahnishshenahbag kahween oodahkushketoosenahwah Sinai wuhjewing cheëzheöogedahkewawaud: kegeäungwahmemin mah, oo‐oo keëkedooyun, kekenuhwahjetoon ewh wuhjewh kewetahuhyeëe, kuhya peenetoon.

²⁴ Jehovahun dush oo‐oo oogeëgoon, Mahjaun, nesahkewan, kegahbeöogedahkewa dush, keen, kuhya Aaron kapeweeje-wik: kagoo dush ween egewh sahsahgewejega‐wenenewug kuhya egewh ahnishenahbag ketwan oogahbenaunzekuhwahsewaun Jehovahun, cheühpuhguhzekahgoosigwah dush.

²⁵ Me ewh dush Moses kenesahkewad keëzhaud dush enewh ahnishenahban, kuhya keguhnoonaud.