EXODUS 17 - Ottawa New Testament Penteteuch and Psalms 1874

¹ Kuhkenuh dush egewh muhyahwunjeëdejig Israel oonejahnesun emah Sin buhgwuhduhkummig keöonjekoozewug, keëzhebuhbahmahdezewaud dush azhebuhbahmah-dezewahpun uhkoo, kahezhekuhgaundwanid egoo Jehovahun, kekuhbashewug dush Rephidiming: kah dush gagoo nebe duhgoosenoogoobun egewh ahnishenahbag kamenequawaud.

² Me dush egewh ahnishenahbag kenuhnebekemahwaud Mosesun, oo‐oo keënahwaud, Meenzheshenaum nebe chemenequayaung dush nah. Oo‐oo dush oogeëgoowaun Mosesun, Wagoonan wanjenuhnebekemeyag? wagoonan wanjekuhgwatebanemag Jehovah?

³ Egewh dush ahnishenahbag kekeeshkahbahgwawug emah; egewh dush ahnishenahbag oogenahnahpuhgaunzoomahwaun Mosesun, oo‐oo keënahwaud, Wagoonan suh ookahoonjesahgejewezheyaung emah Egypting, chekuhwahbah-gwaëvaung nenuhwind kuhya nenejahnesenahnig kuhya ninduhwuhkahnenahnig?

⁴ Moses dush oogepepahgemaun Jehovahun, oo‐oo keënaud, Ahneen kadooduhwugwah oogoo ahnishenahbag? me zhuhegwah gagah chebemwuhsenuhewaud.

⁵ Jehovah dush oo‐oo oogeënaun Mosesun, Uhnenegahneen emah uhyahwaud egewh ahnishenahbag, oodahpin kuhya ahnind egewh akewazeyewejig Israelitug; kemetigoonsim kuhya, ewh kahuhyooyun kepuhketaühmun ewh seebe, oodahpenun keninjeeng, mahjaun edush.

⁶ Benuh, ningahnebowh ewede anahsuhmeyun oogij-ahzhebik emah Horebing; kegahpuhketaäun dush ewh ahzhebik, me dush emah cheöonjejewung nebe, chemenequawaud dush egewh ahnishenahbag. Me dush ewh Moses kahezhechegad emah anahsuhmenid enewh akewazeyewenejin Israelitun.

⁷ Ewh dush emah oo‐oo kahezhewabuk, Massah oogeëzhenekahdaun, kuhya Meribah oonje kenuhnebekingwad Israel oonejahnesun, kuhya keguhgwatebanemahnid Jehovahun, oo‐oo keëkedoonid, Jehovah nuh duhneze oomah uhyahyung, gamah kuhya kah?

⁸ ¶ Me dush keduhgwishing Amalek, kemegahnaud dush Israelun emah Rephidiming.

⁹ Moses dush oo‐oo oogeënaun Joshuaün, Wuhwanahbum enenewug, uhwemegauzh dush Amalek: wahbung oogedahke ningahnebowh, ewh Kesha‐Muhnedoo oometigoonsim tuhkoonuhmaun neninjeeng.

¹⁰ Me suh Joshua keëzhechegad kahegood Mosesun, oogemegahnaun dush Amalekun: Moses dush, Aaron, kuhya Hur oogedahke keëzhahwug.

¹¹ Kepuhgummeähyahmuhgud dush uhpe Moses wambeninjeenid, Israel kemuhmaunzhetwaud: uhpe dush kuhya pagedeninjenid, Amalek kemuhmaunzhetwah.

¹² Moses dush ween ooninjeen kekoozegwunenewun; oogeödahpenahwaun dush ahsineen, ahnaumuhyeëe dush oogeühtuhmuhwahwaun kenuhmuhduhbenid dush emah; Aaron dush kuhya Hur oogeöombenuhmuhwahwaun ooninjene, pazhig oondaus enuhguhka, owh dush pazhig uhwus enuhguhka; ooninjeen dush pazhigwunoong keëzheöombenegahdanewun, nuhnaunzh egoo kepungeshemoonid keezisoon.

¹³ Joshua dush oogemuhmaunzheäun Amalekun kuhya enewh oodahnishenahbamene, ahzhuhwazhk keähyood.

¹⁴ Jehovah dush oo‐oo oogeënaun Mosesun, Oozhebeün oo‐oo muzzenuheguning chemequanduhming, kuhya weenduhmowh Joshua chenoondung: wawane mah ningahkahsewah Amalek chemequanemahsewind, emah oonje uhnaume‐kezhigoong.

¹⁵ Moses dush sahsahgewejegunahbik oojeöozhetoon, Jehovah‐nissi dush oogeëzhenekahdaun.

¹⁶ Oo‐oo mah keëkedoo, Jehovah mah kemushkuhwekekedoo ewh, Jehovah chemegahnaud Amalekun menik egoo kaneähneka‐bemahdezenid.