EXODUS 16 - Ottawa New Testament Penteteuch and Psalms 1874

¹ Eliming dush keöonjek oozewug, kuhkenuh dush egewh muhyahwunjeëdejig, Israel oonejahnesun, keduhgwishenoog emah Sin buhgwuhduhkummig, nesuhwuheëe Eliming kuhya Sinaïng anduhgoog, madahswe‐ahshe‐nahnoogoonuhgezid keezis, naunzhookeeziswuhguk kahsahguhuhmoowaud emah Egypt duhzhe uhkeeng.

² Kuhkenuh dush egewh muhyahwunjeëdezoojig, Israel oonejahnesun, oogenahnahpuhgaunzoomahwaun Mosesun kuhya Aaronun emah buhgwuhduhkummig:

³ Israel dush oonejahnesun oo‐oo oogeënahne enewh, Pagish suh nebooyaungebun, nishwuhnahjeëyummingedebun Jehovah emah Egypt duhzhe uhkeeng, uhpe wahduhbemungidwahbun egewh weyause‐uhkikoog, uhpe kuhya kahdabeäumwungedebun buhquazhegun; kegebeëzhewezhemin mah oomah buhgwuhduhkummig, chekuhwuhnaundummeägwah kuhkenuh oogoo muhyahwunjeëdejig.

⁴ ¶ Me dush oo‐oo Jehovah kahenaud Mosesun, Benuh, ningahenahkoonega buhquazhegun ishpeming cheöonjepungeshing, debishkoo kamewungin, oonje; egewh dush ahnishenahbag tahsahguhuhmoog, koonemah dush menik andussookezhiguk oogahmahwunjeähwaun, chegooje‐kekanemugwah ewh webemoosawahgwan nintebahkoonegawining, gamah kuhya kah.

⁵ Tahpuhgummeähyahmuhgud dush uhpe ningoodwahsoo‐kezhiguk chewuhwazhetoowaud ewh paundeguhdoowaud; neezhing dush tuhduhchin ewh ween koo menik muhyahwunjetoowaud andussookezhiguk.

⁶ Moses dush kuhya Aaron oo‐oo oogeënahwaun kuhkenuh enewh Israel oonejahnesun. Uhpe oonahgooshig kegahkekandahnahwah ewh Jehovah kesahgejewenenag emah Egypt duhzhe uhkeeng;

⁷ Uhpe kuhya kekezhabahwuhguk kegahwahbundahnahwah Jehovah oopeshegandahgoozewin; oonoondaun mahween azhenahnahpuhgaunzoomag Jehovah: ahwananug dush ween nenuhwind kanahnahpuhgaunzoomeyaungebun?

⁸ Moses dush oo‐oo keëkedoo, Oo‐oo tahezhewabud, uhpe Jehovah menenag wanahgooshigin weyaus kamejeyag, kuhya kakezhabahwuhgukkin buhquazhegun chetabeseneyag; Jehovah mah oonoondaunun kekenahnahpuhgaunzoongawinewaun azhenahnahpuhgaunzoomag: ahwananug dush ween nenuhwind? kahween kenahnahpuhgaunzoomesemin, owh suh goo atuh Jehovah.

⁹ ¶ Moses dush oo‐oo oogeëzheguhnoonaun Aaronun, Oo‐oo ezhe kuhkenuh egewh muhyahwunjeëdejig, Israel oonejahnesun, Peëzhaug pashoo emah anahsuhmeed Jehovah: oogenoondaun mah kenahnahpuhgaunzoongawinewaun.

¹⁰ Kepuhgummeähyahmuhgud dush, magwah Aaron guhnoonaud kuhkenuh enewh muhyahwunjeëdenejin, Israel oonejahnesun, ewh keënahbenid buhgwuhduhkummig enuhguhkayah, benuh dush, Jehovah oopeshegandahgoozewin kenahgwudene emah ahnuhquuhdoong.

¹¹ ¶ Jehovah dush oogeguhnoonaun Mosesun, oo‐oo keënaud.

¹² Ningenoondaunun suh oonahnahpuhgaunzoongawinewaun Israel oonejahnesun: guhnoonzh, oo‐oo dush ezhe, Uhpe oonahgooshig kegahmejenahwah weyaus, uhpe kuhya kekezhabahwuhguk kegahtabeseneem aumwag buhquazhegun; kegahkekandahnahwah dush ewh ahweyaun Jehovah Ke‐Kesha‐Muhnedoomewah.

¹³ Kepuhgummeähyahmuhgud dush, uhpe wanahgooshig mushkoodasag kebejesawaud, keühgwuhnuhuhmoowaud dush ewh kuhbashewin: uhpe kuhya kakezhabahwuhguk kenahgwud ewh mindookud kewetahuheëe kuhbashewining.

¹⁴ Uhpe dush muhyahjahmuhguk ewh mindookud, benuh, emah buhgwuhduhkummig keühtamuhgud gagoo agahsemenuhguk wuhyahweyamenuhguk, debishkoo azheühgahseme-nuhguk ewh uhpe koo nageguhuhkummiguhdingin.

¹⁵ Uhpe dush Israel oonejahnesun wuhyahbunduhmoowaud, oo‐oo keühyedewug, Manna ahwun: kah mah ookekekandunsenahwah wagoodoogwanedoog uhyahwung. Oo‐oo dush Mosesun oogeëgoowaun, Me suh wuhowh buhquazhegun Jehovah kahmenenag cheäumwag.

¹⁶ ¶ Me suh oo‐oo Jehovah kahezhekuhgaunzoongad, Kenuhwah anduhcheyag mahwunjetooyook ewh, menik egoo chedabesayag, pazhig omer me pazhig enene, menik egoo anduhcheyag; anduhcheyag mahwunjetuhmuhwik egewh kewegewaumewaung andahjig.

¹⁷ Me dush ewh kahezhecheganid Israel oonejahnesun, kemahwunjechegawun dush, ahnind nebewah, ahnind dush nuhwuj punge.

¹⁸ Uhpe dush ewh omer tabuhegawaud, owh nebewah kahmahwunjetood kahween gagoo keïshkoosasenene, owh dush kuhya punge kahmahwunjetood kahween kenoondasase; anduhchewaud oogemahwunjetoonahwah menik egoo chetabesawaud.

¹⁹ Moses dush oo‐oo keëkedoo, Kagoo ween ahweyah ahnind oogahishkoonunseen nuhnaunzh egoo chekekezhabah-wuhgudenig.

²⁰ Kah dush egoo pooch oogebezinduhwahsewaun Mosesun; ahnind dush egewh oogeïshkoonahnahwah ahnind nuhnaunzh egoo kekekezhabahwuhgudenig, keöoquawunene dush, kuhya kemaunzhemahgwudene: Mosesun dush oogenishkanemegoowaun.

²¹ Oogemahwunjetoonahwah dush andussookekezhabahwuhguk, anduhchewaud menik egoo chetabesawaud: uhpe dush kazhahtanig, keningedamuhgudene.

²² ¶ Kepuhgummeähyahmuhgud dush, uhpe nangoodwahsoogoonuhguk kemahwunjeähwaud neezhing menik enewh buhquazhegunun, neezh omerun owh pazhig enene: kuhkenuh dush egewh wagemahkunduhwahjig enewh muhyahmuhwenoonejin oogenaunzekuhwahwaun kuhya oogeweenduhmuhwahwaun Mosesun.

²³ Oo‐oo dush oogeëgoowaun, Me suh oo‐oo akedood Jehovah, Wahbung suh oodaunwabewine‐kechetwahkezhigudoom Jehovah: keboozuhmook ewh wahkeboozuhmag noongoom, kuhya kuhbahtooyook ewh wahkuhbahtooyag; ewh dush ashkoosag ahtooyook ningooje nuhnaunzh egoo chewahbung.

²⁴ Oogeähtahsoonahwah dush nuhnaunzh egoo kewahbung, kahezhekuhgaunzoomegoowaud suh goo Mosesun: kah dush kemaunzhemahgwuhsenene, kahween kuhya keöokwawun-senene.

²⁵ Moses dush oo‐oo keëkedoo, Mejeyook ewh noongoom; noongoom kezhigud me mahween ewh oodahnuhmeäkezhiguddoom Jehovah: noongoom kahween kegahmekunsenahwah emah mushkoodang.

²⁶ Ningoodwahsoogoon suh kegahmahwunjetoonahwah; naunzhwahsoo‐kezhigukkin dush ween, me ewh ahnuhmeäkezhig, ewh uhpe kahween kuhnuhga punge tuhuhyahsenoon.

²⁷ ¶ Kepuhgummeähyahmuhgud dush ahnind egewh ahnishenahbag kesahguhuhmoowaud naunzhwahsoo‐kezhigudenig chemahwunjechegawaud, kah dush kuhnuhga punge oogemekunsenahwah.

²⁸ Jehovah dush oo‐oo oogeënaun Mosesun, Ahneen menik anandunsewag cheguhnuhwanduhmag ninkuhgequawinun kuhya nindenahkoonegawinun?

²⁹ Benuh, Jehovah gooshuh kegemenegoowah ewh ahnuhmeäkezhig, me dush ewh wanjemenenag ningoodwahsoo‐kezhiguk buhquazhegun menik chetabesayag neezhoogoon; anduhcheyag uhbeyook keduhbenahsoowinewaung, kagoo ween ahweyah emah anduhzheühyaud tuhoonjesahguhunse neezhwahso‐kezhiguk.

³⁰ Me suh egewh ahnishenahbag keäunwabewaud ewh uhpe keneezhwahsoo‐kezhigudenig.

³¹ Egewh dush Israeling dabandahgoozejig Manna oogeëzhenekahdahnahwah ewh; coriander menekauning dush keëzhenahgwud, kewahbishkah; ahmoo‐seenzebahquudoo buhquazhegaunsing kuhya keëpoogwud.

³² ¶ Moses dush oo‐oo keëkedoo, Me suh oo‐oo azhekuhgaundwad Jehovah, Mooshkenuhdoog omer tebuhegun ewh cheguhnahwanduhmoowindwah kenejahnesewaug kaneähnekabemahdezejig; chewahbuhmahwaud dush nah enewh buhquazhegunun kahushuhmenuhgoog emah buhgwuhduhkummig, uhpe suhyahgejewenenuhgoog emah Egypt duhzhe uhkeeng.

³³ Moses dush oo‐oo oogeënaun Aaronun, Oodahpenun menequahjegun, uhtoon dush emah omer tebuhegun mooshkin ewh Manna, uhtoon dush emah anahsuhmeühyaud Jehovah, cheguhnuhwanduhmuhwindwah kenejahnesewaug kaneähnekabemahdezejig.

³⁴ Kahezhekuhgaunzoomaud egoo Jehovah enewh Mosesun, me kahezheühtood Aaron ewh emah anahsuhmesing ewh Debahjemoowin, chekuhnuhwanjegahdag,

³⁵ Israel dush oonejahnesun oogemejenahwah manna nemeduhnuh dussoopepoon, nuhnaunzh egoo keöodetuhmoowaud ewh uhke emah anduhzheöodatoong; oogemejenahwah manna, nuhnauzh egoo keduhgwishenoowaud emah Canaan duhzhe uhkeeng.

³⁶ Medahswe omerun me ewh pazhig ephah.