EXODUS 15 - Ottawa New Testament Penteteuch and Psalms 1874

¹ Me dush Moses kuhya Israel oonejahnesun kenuhguhmoo-tuhwahwaud oo‐oo nuhguhmoowin enewh Jehovahun, kuhya kekekedoowaud, oo‐oo keëkedoowaud. Ningahnuhgumootuhwah Jehovah, kekeche‐muhmaunzhetwah mah; enewh papazhigoogunzheen kuhya enewh bamoomahnepun oogebuhkoobewabenaun kechegummeeng.

² Jehovah nemushkuhwezewin ahwe, me kuhya owh naguhmootuhwug, nimbemahjeëwawin suh dush kuhya ahwe: me owh ne‐Kesha‐Muhnedoom, ningahwuhwazhetuhmuhwah dush emah kadaud; noosebun oo‐Kesha‐Muhnedoomun ningahwahwezhanemah dush.

³ Jehovah megahzoo‐wenenewe: Jehovah ezhenekahzoo.

⁴ Pharaohun ootetibedahbaunene kuhya ooshemahgunisheemene oogebuhkoobewabenaun kechegummeeng: enewh kuhya kahwuhwanahbuhmemind oodoogemahmene kenesahbahwawun emah Misquahgumme‐kechegummeeng.

⁵ Oogeühgwuhnuhoogoonahwah ewh kechegumme: ahsineeng keëzhegoonzahbewug.

⁶ Kekecheninj O Jehovah, peshegandahgwud oonje mushkahwezemuhguk: kekecheninj, keühyooyun, O Jehovah, kegeshahshahgooshkuhwaug egewh shaunganemikig.

⁷ Kekechepeshegandahgoozewining kegewabeshemaug egewh mahgahnekebuneeg: kegemahjenaunzhuhaun kenishkahdezewin, ewh kachahgahkezoogoowaud, debishkoo mushkoosewing.

⁸ Kenasayun kuhya, kemahwundoogummesawun enewh nebeen, keöoquesenoon enewh nebeen, kuhya kemushkuhwuhjewug tegoowug nahwuhgaum kechegummeeng.

⁹ Egewh shaunganjegajig oo‐oo keëkedoowug ningahnoosoonaöowa, ningahahdemeëwa, ningahmahduhooke enewh ooduhyeëmewaun egewh kamuhmaunzheïnjig; ningahnuhan-duhmeëdiz ewh menik kadooduhwugwah; ningahkechegoobetoon nindahzhuhwashkoom, oogahbuhnahjeëgoonahwah neninj.

¹⁰ Kegepoodahjega kenooding, oogeähgwuhnuhoogoonahwah ewh kechegumme: ushkekoomauning keëzhegoonzahbewug emah keche‐demeeg.

¹¹ Ahwanan anandahgoozid keen anandahgoozeyun, O Jehovah, menik anduhchewaud egewh muhnedoog? ahwanan anandahgoozid keen anandahgoozeyun kechetwahwandahgoozewining, kwatahmegwandahgoozeyun wuhwezhanduhmoowining, mamaundah‐wuhnookeyun?

¹² Kegesheebenaun kekecheninj, oogegoonegoonahwah ewh uhke.

¹³ Keshahwanjegawining kekesahgejewenaug egewh ahnishenahbag kahkeshpenuhnudjig: kegeëzhewenaug kemushkuhwezewining ewede kekechetwah‐wegewauming.

¹⁴ Egewh ahnishenahbag tuhnoondahgawug, tahsagezewug dush: kushkanduhmoowin oogahbuhgummishkahgoonahwah egewh anduhnuhkeejig Palestinaïng.

¹⁵ Me dush egewh Edom duhzhe oogemaug chemahmuhkahdanduhmoowaud; egewh mashkuhwezejig emah Moabing nuhningebenegoowin oogahpuhgummishkahgoonahwah; kuhkenuh egewh Canaan duhzhe ahnishenahbag tuhnuhningedaäwug.

¹⁶ Nuhningebenegoowin kuhya sagezewin oogahuhpugguhzekahgoonahwah; kemushkuhwenekawin tahoonjepezaun ühyahwug debishkoo absineeng; nuhnaunzh egoo ahzhuhwuhoowaud kedahnishenahbamug, O Jehovah, nuhnaunzh egoo ahzhuhwuhoowaud egewh ahnishenahbag, kahkishpenuhnudjig.

¹⁷ Kegahpeendegunaug, kegahpuhduhkeäug dush emah wuhjewing, kedebandahsoowining, emah, O Jehovah, kahoozhetuhmahzooyun cheduhnuhkeeyun, emah kechetwah‐wegewauming, ewh kahmushkuhwesetooyun, O Jehovah.

¹⁸ Jehovah tuhkeche‐oogemahwe kahgenig kuhya kahgenig.

¹⁹ Pharaoh mah oopapazhigoogunzheemun kuhya ootetibedahbaunun kuhya ooshemahgunisheemun papazhigoogunzheen bamoomegoonejin keënahwuhnedewun kechegummeeng, Jehovah dush oogeëzhenaunzhuhuhmuhwaun enewh kechegummeeng duhzhe nebeen; Israel dush ween oonejahnesun emah pangwuhkummegahnig kepemoosawun, nahwuhgaum kechegummeeng.

²⁰ ¶ Miriam dush owh aunwahchegaqwa, Aaron ooduhwamaun, oogeöodahpenaun tawaëgunun ooninjeeng; oogenoopenuhnegoon dush kuhkenuh enewh equawun tawaëgunun tuhkoonahnid kuhya nemenid.

²¹ Miriam dush oo‐oo oogeëzhenuhquatuhwaun, Nuhguhmootuhwik Jehovah, kekeche‐muhmaunzhetwah mah; enewh papazhegoogunzheen kuhya enewh bamoomaunepun oogepuhkoobewabenaun kechegummeeng.

²² Me suh Moses emah Misquahgumme‐kechegummeeng keöonjemahjewenaud enewh Israelitun, keëzhahwug dush emah Shur buhgwuhduhkummig; nesoogoon dush kebemoosawug buhgwuhduhkummig, kah dush oogemekunsewah nebe.

²³ ¶ Uhpe dush tagwishenoowaud Marahing, kahween oogekushketoosenahwah chemenequawaud enewh Marah duhzhe nebeen, kewesuhgahgummenoon mah: me dush ewh kahoonjeëzhenekahdag Marah.

²⁴ Egewh dush ahnishenahbag Mosesun oogenahnahpuhgaunzoomahwaun, oo‐oo keënahwaud, Wagoonan kamenequayaung?

²⁵ Oogepepahgemaun dush Jehovahun; Jehovahun dush oogewahbunduhegoon metigoon, uhpe dush oonoo kahpuhkoo-bewabenaud emah nebeeng, enewh nebeen keweeshkoobahgummenoon me emah keöozhetuhmuhwaud enahkoonegawin kuhya oonahkoonegawin, me kuhya emah kegoojeäud.

²⁶ Oo‐oo dush keëkedoo, Kishpin wawane bezinduhmun oodinwawin owh Jehovah ke‐Kesha‐Muhnedoom, kuhya ezhechegayun ewh wanesheshing emah anahsuhmeed, kuhya bezinduhmun ookuhgequawinun, kuhya guhnuhwanduhmun kuhkenuh oodenahkoonegawinun, kahween kuhnuhga pazhig enewh ahkoozewinun keguhezhenahzhuhuhmoosenoon, kahezhenahzhuhuhmuhwugwah egewh Egyptianug: neen mahween Jehovah nindowh nanaunduhweïk.

²⁷ ¶ Keduhgwishenoog dush Eliming, emah anduhgoogin medahswe ahshe neenzh oonduhebaunun, kuhya neenzhwahsemeduhnuh palmenuhgahwunzheeg: kekuhbashewug dush emah cheguheëe anduhgoog nebeen.