EXODUS 14 - Ottawa New Testament Penteteuch and Psalms 1874

¹ Jehovah dush oogeguhnoonaun Mosesun, oo‐oo keënaud,

² Guhnoonzh suh Israel oonejahnesun, chequakegahbuhwewaud chekuhbashewaud dush emah anahsuhmesing Pihahiroth, nesuhwuhyeëe emah Migdoling kuhya kechegummeeng, debishkoo uhtag Baal‐zephon: emah anahsuhmesing kegahkuhbashin cheeg‐kechegumme.

³ Pharaoh mahween oo‐oo oogahenahjemaun enewh Israel oonejahnesun, Puhbahwuhneshenoog emah uhkeeng, kebahquuhegahzoowug emuh‐buhgwuhduhkummig.

⁴ Ningahmushkuhwedaäah dush Pharaoh, chenoosoonawaud dush; ningahkechetwahwanimegoo dush Pharaoh oonje, kuhya kuhkenuh enewh ooshemahgunesheemun; chekekanduhmoowaud dush egewh Egyptianug ewh neen Jehovah ahweyaun. Me dush ewh kahezhechegawaud.

⁵ ¶ Keweenduhmuhwah dush owh Egypt duhzhe keche‐oogemah ewh keöozhemoonid enewh ahnishenahban: Pharaoh dush kuhya enewh oobuhmeetahgunun oogenishkanemahwaun enewh ahnishenahban, oo‐oo dush keëkedoowaud, Wagoonan suh oo‐oo kahoonjeëzhechegayung, kepuhgedenung Israel cheähnooketoosenoowung.

⁶ Oogeöozheshemaun dush enewh ootetibedahbaunun, mahjewenaud dush oodahneshenahbamun:

⁷ Oogeöodahpenaun dush ningoodwahswauk kahwuhwanahbunjegahzoonejin tetibedahbaunun, kuhya kuhkenuh enewh tetibedahbaunun, Egypting ayahnejin, kuhya oogemaun kakuhnuhwanemahnid kuhkenuh enewh.

⁸ Jehovah dush oogemushkuhwedaääun Pharaohun Egypt duhzhe keche‐oogemaun, kenoosoonawahnid dush enewh Israel oonejahnesun: Israel dush oonejahnesun kesahguhuhmoon kewedookahgoonid enewh kache‐ishpandahgoozenejin.

⁹ Enewh dush ween Egyptiaun oogenoosoonaöogoowaun, kuhkenuh oopapazhigoogunzheemun kuhya ootetibedahbaunun Pharaoh, kuhya ooshemahgunishemun bamoomegoonejin papazhigoogunzheen, kuhya ooshemahnisheemun, oogeühdemegoowaun dush magwah kuhbashewaud cheeg‐kechegumme, cheguhyeëe Pihahiroth emah anahsuhmesing Baal‐zephon.

¹⁰ ¶ Uhpe dush Pharaohun pashoo puhuhyahnid, Israel oonejahnesun keöombishkeenzhegwanewug, benuh dush, enewh Egyptianun oogenoopenuhnegoowaun: kekeche‐sagezewug dush: Israel dush oonejahnesun oogepepahgemahwaun enewh Jehovahun.

¹¹ Oo‐oo dush oogeënahwaun Mosesun, Me nuh ewh keühyahsenoogin chebagummegoon Egypting, kahoonjemahjewezheyaung cheduhpenayaung dush buhgwuhduhkummig? wagoonan suh oo‐oo kahoonjedooduhweyaung, kesahgejewezheyaung emah Egypting?

¹² Kah nuh ween me oo‐oo kahegooyumbun ewede Egypting, oo‐oo keëkedooyaung, Pooneëshenaum, chebuhmeetuhwungidwah dush egewh Egyptianug? Ahwahshema mahween tahgeöonesheshin buhmeetuhwungidwahbun egewh Egyptianug, ewh dush ween chenebooyaungebun buhgwuhduhkummig.

¹³ ¶ Moses dush oo‐oo oogeënaun enewh ahnishenahban, Kagoo sagezekagoon, pezaunegahbuhweyook, wahbunduhmook dush Jehovah oobemahjeëwawin, ewh kawahbunduhenag noongoom, kezhiguk: egewh mah Egyptianug kahwahbuhmagoog noongoom, kahwekah menuhwah keguhwahbuhmahsewaug.

¹⁴ Jehovah kegahmegahzootuhmahgoowah, kegahpezaun‐uhyaun dush.

¹⁵ ¶ Jehovah dush oo‐oo oogeënaun Mosesun, Wagoonan wanjepepahgemeyun? guhnoonzh Israel oonejahnesun, negaun enuhguhka cheëzhemahjahwaud:

¹⁶ Oombenun dush ween kemetigoonsim, kuhya shebenekatun ewh kechegumme, nanahwenun dush: Israel dush oonejahnesun tuhbemoosawun emah pangwuhkummegaug nahwekechegummeeng.

¹⁷ Benuh dush neen ningahmushkuhwedaääug egewh Egyptianug, chenoosoonawahwaun dush: ningahkechetwahwanemëgoo dush Pharaoh oonje, kuhkenuh ooshemahgunisheemun, ootetibedahbaunun, kuhya ooshemahgunisheemun papazhigoogunzheen bamoomegoonejin.

¹⁸ Egewh dush Egyptianug oogahkekandahnahwah ewh neen Jehovah ahweyaun, uhpe kekechetwahwanemëgooyaun Pharaoh oonje, ootetibedahbaunun, kuhya ooshemahgunisheemun papazhegoogunzheen bamoomegoonejin.

¹⁹ ¶ Kesha‐Muhnedoo dush oodanganemun, negaun aneëzhahnepun emah ookuhbashewenenening, Israel, puhkaun ningooje keëzhahwun, oobequuhnahnening enuhguhka keëzhahnid; ewh dush padukkesing ahnuhquud emah enuhguhka anahsuhmeengwawaud keöonjemahjahmuhgud, nebuhwuhkeda dush oobequuhnahwaung enuhguhka:

²⁰ Keühyahmuhgud dush nesuhwuheëe ookuhbashewinewaung egewh Egyptianug kuhya ookuhbashewinewah egewh Israelitug; mahkuhdawahnuhquuk dush kuhya kashetebikah-buhmenahgwuk oogeëzhenahnahwah egewh Egyptianug; oogewahsashkahgoonahwah dush ween egewh Israelitug tabekudenig: kah suh dush pashoo kewahbundesewug kuhbatebik.

²¹ Moses dush oogeshebenekataun ewh kechegumme; Jehovah dush keënahkoonega chekeche‐wahbune‐noodenenig kuhbatebik cheähzhagummejewunenig dush ewh kechegumme, me dush kekushketood chepangwuhkummegahnig emah kechegummeeng, enewh kuhya nebeen kenanahwenaum.

²² Israel dush oonejahnesun keëzhahwun nahwekechegummeeng emah pangwuhkummegahnig kebemoosanid: enewh dush nebeen oogeöowahkahkeëgunenahwaun emah ookechenekahwaung kuhya oonuhmunjenekahwaung.

²³ ¶ Egewh dush Egyptianug kenoosoonaöowawug, kuhya oogenoopenuhnahwaun nuhnaunzh egoo emah nahwekechegummeeng, kuhkenuh suh goo Pharaoh oopapazhigoogunzheemun, ootetibedahbaunun, kuhya ooshemahgunisheemun papazhigoogunzheen bamoomegoonejin.

²⁴ Kepuhgummeähyahmuhgud dush, emah pahduhkeda-gishkooda kuhya ahnuhquud keöonzahbuhmaud enewh waquenoonejin Egyptianun, kemegooshkahjeäud dush enewh waquenoonejin Egyptianun,

²⁵ Kuhya kekeche‐goosetuhmuhwaud enewh wuhyahweyayahgin wanjetetebesanig ootetibedahbaunene, kebajedahbah-negoonid dush: oo‐oo dush keëkedoonid enewh Egyptianun, Oozhemahdah Israel; Jehovah mah oomegahzootuhmuhwaun, megahnaud enewh Egyptianun.

²⁶ ¶ Jehovah dush oo‐oo oogeënaun Mosesun, Shebenekatun ewh kechegumme, nayaub chepekewajewungin enewh nebeen cheähgwuhuuhoondwah dush egewh Egyptianug, enewh ootetibedahbaunewaun, kuhya ooshemahgunisheemewaun papazhigoogunzheen bamoomegoonejin.

²⁷ Moses dush oogeshebenekataun ewh kechegumme, ewh dush kechegumme nayaub kebekewajewun azhemushkuhwe-jewungebun uhpe wuhyahbung; egewh dush Egyptianun nahwuhgaum kechegummeeng.

²⁸ Enewh dush nebeen kepekewajewunoon, keühgwuhnuhoondwah dush egewh tetibedahbaunug, kuhya egewh shemahgunishug papazhigoogunzheen bamoomegoowahjin, kuhya kuhkenuh ooshemahgunisheemun Pharaoh kahnoosoo-nawahnid enewh kechegummeeng; kahween kuhnuhga pazhig anduhchewaud keühyahse.

²⁹ Israel dush ween oonejahnesun emah pangwuhkummegaug kebemoosawun nahwuhgaum kechegummeeng; enewh dush nebeen debishkoo wahkaheguning oogeähyahnahwah emah ookechenekahwaung kuhya oonuhmunjenekahwaung.

³⁰ Me suh oo‐oo Jehovah kahezhebemahjeäud enewh Israelun ewh kezhiguk keëkoonaud emah ooninjeening enewh nun Egyptig; Israel dush oogewahbuhmaun enewh Egyptianun naboonid tetebawh kechegummeeng.

³¹ Israel dush oogewahbundaun ewh keche‐ahnookewin, kahdooduhwahnid Jehovahun enewh Egyptiaun; egewh dush ahnishenahbag oogekoosahwaun Jehovahun, kuhya oogedabwayanemahwaun Jehovahun, kuhya enewh oobuhmeetahgunene Mosesun.