EXODUS 12 - Ottawa New Testament Penteteuch and Psalms 1874

¹ Jehovah dush oogeguhnoonaun enewh Mosesun kuhya Aaronun emah Egypt duhzhe uhkeeng, oo‐oo keënaud.

² Wuhowh kezis agoojing kegahnegannanemahwah anduhchewaud egewh kezisoog: me owh netum kekezisoomewah emah kekenoonoowining.

³ ¶ Guhnoonik kuhkenuh egewh muhyahwunjeëdejig Israelitug, oo‐oo dush enik, uhpe medahsoogoonuhgezid wuhowh kezis agoojing, papazhig tahoodahpenuhmahzoowug pazhig mahnishtahnesheensun, ayinoodawezewaud egoo, pazhig mahnishtahnesheens, me pazhig wegewaum:

⁴ Kïshpin dush oonzaum pungeshawuhgezewaud emah wegewauming cheäumwahwahpun enewh mahnishtahnesheensun, mahnoo ween kuhya enewh weej‐ahneshenahban, mahmuhwe pashoo ayahnid oowegewauming, oogahoodahpenahwaun, anduhchewaud egoo egewh bamahdezejig: anduhchewaud egewh enenewug debishkoo azhewesenewaud tuhuhgemahwug chedakedaumwahwaud dush enewh mahnishtahnesheensun.

⁵ Kemahnishtahnesheensemewah kahween ningooje tahmahkezese, tahnahbaühyuhahwe, tahningoopepoonuhgeze: emah uhyahwaud egewh mahnishtahneshug, gamah egewh mesahboozoog kegahoondenahwah:

⁶ Kegahkuhguhnuhwanemahwah dush nuhnaunzh egoo medahswe‐uhshe‐newoogoonuhgezid kezis: kuhkenuh dush egewh muhyahwunjeëdejig ahneshenahbag Israelitug oogahnesahwaun uhpe oonahgooshig.

⁷ Oogahoodahpenahnahwah dush ahnind ewh misque, oogahsuhswabeguhundahnahwah dush enewh neezh metigoon ayeduhwuheëe ishquaundaming paduhkedagin kuhya ewh ishpemiug, ishquaundaming bamedahquuhmoog emah wegewauming, emah kaduhzheaumwahwaud.

⁸ Oogahmejenahwah dush ewh weyaus, ewh tebikuk, uhbewahjegahdag ishkoodang, kuhya wambesejegahzoosig buhquazhegun; oogahduhgoo-mejenahwaun dush kuhya wahsuhgepoogwukkin nwahkushkukkin ketegauning wandenegahdagin.

⁹ Kagoo mejekagoon ashkenoowung, gamah kuhya kabahchegahdag, me suh atuh abwahjegahdag; ewh ooshtegwaun kuhya enewh ookahdun, kuhya ewh peenjenuh weyowing atanig.

¹⁰ Kah dush gagoo kegahishkoonunsenahwah cheühtag nuhnaunzh egoo kekezhabahwuhguk; ewh dush ashquunduhming atag nuhnaunzh egoo kekezhabahwuhguk, legahchah-gezahnahwah.

¹¹ ¶ Me dush oo‐oo kaëzheäumwag owh; kejepezooyag, uhyooyag kemuhkezinewaun kuhya tuhkoonuhmag kesuhkuhoonewah kenijewaung; kegahwaweebetaum kuhya cheaumwag; me suh ewh ookuhbekoosa‐wekoondewin Jehovah.

¹² Ningahshahbooshkaun mah ewh Egypt duhshe uhke noongoom tebikuk, ningahpuhketawaug dush kuhkenuh netumoonzhahnug emah Egypt duhzhe uhkeeng, owh enene kuhya dush egoo owh uhwuhkaun; kuhya kuhkenuh egewh Egypt duhzhe muhnedoog ningahtebahkoonaug: neen nindowh owh Jehovah.

¹³ Ewh dush misque kegahookekenuhwahjechegunenahwah emah wegewauming andahyag: uhpe dush wahbunduhmaun ewh misque, kegahaunzwakoonenim, kah dush ewh kooduggeëwawin kegahpuhgummishkahgoosenahwah chenishwuhnahjeëgooyag, uhpe puhketaühmaun ewh Egypt duhzhe uhke.

¹⁴ Oo‐oo dush kezhigid kegahmequandahnahwah koo; kuhya kegahkuhnuhwandahnahwah cheähnuhmeä‐wekoondeyag emah anahsuhmeed Jehovah menik kaneähneka‐bemahdezeyag; kegahkuhnuhwandahnahwah ewh kahenahkoonegahdag kahgenig cheähnuhmeä‐wewekoondeyag ewh uhpe.

¹⁵ Neenzhwahsoogoon kegahaumwahwah owh wambesejegahzoosig buhquazhegun; ewh goo netum kezhiguk kegahekoonahnahwah ewh oombesejegun emah kewegewaumewaung; ahwagwan mah amwahgwan enewh wambesejegahzoonid buhquazhegunun, uhpe nangoo‐kezhiguk nuhnaunzh egoo neenzhwahsoo‐kezhiguk, owh enene tahnishwuhnahjeäh chedebandahgoozesig dush Israeling.

¹⁶ Uhpe dush ningoo‐kezhiguk tahahnuhmeä‐mahwunjeëdim, uhpe kuhya neenzhwahsoogoonuhguk kegahahnuhmeä‐mahwunjeëdim: kahween gagoo kegahenuhnookeseem ewh uhpe, ewh atuh goo anduhcheyag wahmejeyag, me atuh ewh kaënuhnookeyag.

¹⁷ Kegahguhnuhwandahnahwah dush ewh wambesejegahzoosig buhquazhegune‐ahnuhmeä‐wekoondewin; oo‐oo mahween kezhiguk ningesahgejewenaug keshemahguneshemewaug emah Egypt duhzhe uhkeeng: me suh dush ewh kaöonjeguhnuhwanduhmag oo‐oo kezhigud menik kaneähnekabemahdezeyag kahgenig.

¹⁸ ¶ Uhpe ningookeziswuhguk, medahswe‐uhshe‐newoogoonuhgezid owh kezis uhpe oonahgooshig, kegahaumwahwah owh wambesejegahzood buhquazhegun, nuhnaunzh egoo neeshtuhnuh‐uhshe‐pazhigoonuhgezid owh kezis uhpe oonahgooshig.

¹⁹ Neenzhwahsoogoon kahween tuhuhyahsenoon oombesejegun kewegewaumewaung: ahwagwan mah mahjegwan ewh wambesejegahdag, owh enene tahnishwuhnahjeäh chedebandahgoozesig dush emah uhyahnid enewh muhyahwunjeëdenid Israel oonejahnesun, mayuggezegwan gamah kuhya kahduhzhenegegwan emah uhkeeng.

²⁰ Kahween kegahmejesenahwah gagoo wambesejegahdag; kuhkenuh kewegewaumewaung kegahaumwahwah owh wambesejegahzood buhquazhegun.

²¹ ¶ Me dush Moses kenundoomaud kuhkenuh enewh akewazeyewenid Israel oonejahnesun oo‐oo dush keënaud, Oodahpenik, oodahpenuhmahzooyook pazhig mahnishtahnesheens ayinoodawezeyag egoo, nesik dush owh kuhbikoosamahnishtahnesheens.

²² Kegahoodahpenahnahwah dush ningooding ooquuhpedag ewh hyssop, kegahgindahbegenahnahwah dush emah misqueeng oonahguning atag, kuhya kegahsuhswabeguhundahnahwah ewh ishpeming, ishquaundaming bamedahquuhmoog kuhya enewh neenzh metigoon ayeduhwuheëe ishquaundaming paduhkedagin, ewh misque uhyooyag oonahguning atag; kah dush ahweyah kenuhwah anduhcheyag tuhsahguhunze emah ishquaundamewung kewegewaumewaung nuhnaunzh egoo chewahbung.

²³ Jehovah mah tuhbemeühyah chepuhketawaud enewh Egyptianun; uhpe dush wahbundung ewh misque emah metigoong ewh pamedahquuhmoog, ishpeming ishquaundaming kuhya emah metigoong enewh neenzh ayeduhwuhe e ishquaundaming paduhkedagin, Jehovah ooguhaunzwashkaun ewh ishquaundam, kah dush oogahpuhgedenuhmahwahseen enewh nashwuhnahjeëwanejin chepeendeganid emah kewegewaumewaung chepuhketaöonenag.

²⁴ Kegahguhnuhwandahnahwah dush oo‐oo anahkoonegahdag cheguhnuhwanduhmag, keen kuhya egewh kegwissug kahkenig.

²⁵ Tuhpuhgummeühyahmuhgud dush, uhpe tuhgwishenag emah uhkeeng, ewh kameenenag Jehovah, kahezhewahweenduhmahgad egoo, cheguhnuhwanduhmag oo‐oo ezhetwahwin.

²⁶ Tahpuhgummeühyahmuhgud dush, uhpe kenejahnesewaug oo‐oo enenagwah, Ahneen andooduhmag oo‐oo ezhetwahwin.

²⁷ Oo‐oo cheënagwah, Me suh ewh sahsahgewejegun, ookuhbekoosa‐weekoongawin Jehovah, owh kahaunzwakung enewh oowegewaumewaun Israel oonejahnesun emah Egypting, uhpe paketawaud enewh Egyptianun, kuhya bamahjetood newegewaumenahnin Egewh dush ahneshenahbag kenuhwuhgequanewug kuhya keshuhgushketahwug.

²⁸ Egewh dush Israel oonejahnesun kemahjahwug, keëzhechegawaud dush, kahezhekuhgaunzoomaud Jehovah enewh Mosesun kuhya Aaronun, me suh ewh kahezhechegawaud.

²⁹ ¶ Kepuhgummeühyahmuhgud dush, uhpe uhyahbetah‐tebikuk, Jehovah kepuhketawaud kuhkenuh netumoozhahnun emah Egypt duhzhe uhkeeng, oonetumoonzhahnun owh Pharaoh namuhduhbid emah oodoogemahwuhbewining, nuhnaunzh egoo enewh oonetumoonzhahnun owh kabahquuhegahzood emah kebahquuhoode‐wegummegoong: kuhya kuhkenuh enewh oonetumoonzhahnewaun pezhekewug.

³⁰ Pharaoh dush keöonishkah nebah‐tebik, ween kuhya kuhkenuh enewh oobuhmeetahgunun, kuhya kuhkenuh egewh Egyptianug: kekeche‐muhwim dush emah Egypting; kah mah keühyahsenoon gagoo wegewaum, emah kahuhyahsig ahweyah nabood.

³¹ ¶ Oogenundoomaun dush Mosesun kuhya Aaronun nebah‐tebik, oo‐oo dush keënaud, Puhsegweeg, emah oonje-mahjahyook anduhzheühyahwaud nindahnishenahbamug, kenuhwah kuhya dush egoo Israel oonejahnesun; mahjahyook edush, buhmeetuhwik Jehovah, kahekedooyag egoo.

³² Oodahpenik kuhya kemahnishtahneshemewaug kuhya kepezhekemewaug, kahekedooyag egoo, mahjaug edush; kuhya dush ahnuhmeätuhmuhweshig.

³³ Egewh dush Egyptianug oogewaweebemahwaun enewh ahneshenahban, cheöonjesahgejenahzhuhwahwaud waweeb emah uhkeeng; oo‐oo mah keëkedoowug, Kuhkenuh kegahneboomin.

³⁴ Egewh dush ahneshenahbag oogeöodahpenahwaun oobuhquazhegunemewaun kahoonuhdenahwahjin, chebwah oombesejegahzoonid, enewh ween oodoonuhdenega‐ahtoobaun-ansemewaun duhgwuhpedanewun emah ooduhgwewinewaung, kebemoonduhmoowaud.

³⁵ Egewh dush Israel oonejahnesun keëzhechegawug, nahsaub kahekedoonid Mosesun; oogeühdahwuhmahwaun dush enewh Egyptianun, shooneyah‐suhzagahchegunun, kuhyaoozahwe‐shooneyah‐suhzagahchegunun kuhya uhgwewin:

³⁶ Jehovah dush keënahkoonega enewh ahneshenahban chemenwanemegoonid enewh Egyptianun, keühweëgoonid dush kahezhemuhnazewaud. Oogeöodahpenuhmuhwahwaun dush enewh Egyptianun ooduhyeëemene.

³⁷ ¶ Israel dush oonejahnesun Raamsesing‐keöonjemah-jahwun, Succothing dush keëzhekoozenid, koonemah ningoodwahswauk duhching medauswauk duhchegwahbun egewh pamoosajig anenewejïg; egewh ween ahbenoojeyug kahween keduhgwuhgemahsewug.

³⁸ Oogewejewegoowaun dush kuhya ahneshenahban ahnooj‐azheweenzoonejin; kuhya mahnishtahneshun, kuhya pezhekewun, keche nebewah suh goo uhwuhkaunun.

³⁹ Oogekeezhezwahwaun dush buhquazhegaunsun wambesejegahzoosenejin, keühwahwaud enewh buhquazhegunun kahoonuhdenahwahjin, kahoonjewenahwaud Egypting, kah mah oombesejegahzoosegoobun; kesahgejenahzhuhwahwug mah emah Egypting, kekushketoosegwah dush emah cheühyahwaud, kah kuhya kezhah kejebahquahzoosegwahbun.

⁴⁰ ¶ Menik suh dush ningooje kahbuhbahduhnuhkewaud Israel oonejahnesun, egewh kahduhnuhkejig Egypting, me ewh newauk uhshe nessemeduhnuh dussoopeboon.

⁴¹ Kepuhgummeähyahmuhgud dush uhpe kahkuhbekoosagin enewh newauk uhshe nesemeduhnuh dussoopeboon, ewh goo kezhigud kepuhgummeühyahmuhgud, ewh kuhkenuh ooshemahguneshemun Jehovah kesahguhmenid emah Egypt duhzhe uhkeeng.

⁴² Me ewh tebik kaguhnuhwandahmingebun emah anahsuhmeed Jehovah, oonje kesahgejewenaud emah Egypt duhzhe uhkeeng: me ewh oo‐oo ootebikudoom Jehovah kaguhnuhwanduhmoowaud kuhkenuh Israel oonejahnesun menik kaneähneka‐bemahdezewaud.

⁴³ ¶ Jehovah dush oo‐oo oogeënaun Mosesun kuhya Aaronun, Me suh oo‐oo anahkoonegahdag ewh kuhbekoosa‐weekoondewin Kahween ahweyah mayuggezid oogahmejeseen.

⁴⁴ Anduhchewaud dush ween buhmeetahga‐enenewug kaushpenuhninjig, uhpe kah kahkekenuhwahje‐keezhkezhwudwah, me suh dush chemejewaud.

⁴⁵ Owh muhyuggezid kuhya anoonind buhmeetahgun kahween oogahmejeseen.

⁴⁶ Pazhig wegewauming tuhmejim; kahween kuhnuhga-punge ewh weyaus kegahsahgejewedooseen emah wegewauming; kahween kuhya kuhnuhga pazhig ookun kegahbookooguhnaunduhsenahwah.

⁴⁷ Kuhkenuh egewh muhyahwunjeëdejig Israel oonejahnesun oogahguhnuhwandahnahwah.

⁴⁸ Kishpin dush owh mayuggezid weej‐duhnuhkeemik, enandung dush cheguhnuhwandung ewh kuhbekoosa‐weekoondewin emah anahsuhmenid Jehovahun, mahnoo kuhkenuh oondenenemun tuhkekenuhwahjekeeshkezhegahzoowun, me dush pashoo chepeëzhaud kuhya cheguhnuhwandung; debishkoo dush tahenandahgooze anandahgoozid owh nahgid emah uhkeeng: kah mah owh kakenuhwahje‐keeshkezhegahzoojig oogahmeejeseen.

⁴⁹ Tuhpazhigwun ewh enahkoonegawin kapuhgedenuhmahwind owh nahgid emah anduhnuhkeyag, kuhya owh mayuggezid wauj‐duhnuhkeemenag.

⁵⁰ Me suh oo kahezhechegawaud kuhkenuh Israel oonejahnesun; kahezhekuhgaunzoomaud egoo Jehovah enewh Mosesun kuhya Aaronun, me ewh kahezhechegawaud.

⁵¹ Kepuhgummeähyahmuhgud dush ewh goo kezheguk, Jehovah kesahgejewenaud Israel oonejahnesun emah Egypt duhzhe uhkeeng, menik egoo anduhchenid ooshemahguneshmene.