EXODUS 11 - Ottawa New Testament Penteteuch and Psalms 1874

¹ Jehovah dush oo‐oo oogeënaun Mosesun, Kayahbe suh pazhig kooduggeëwawin ningahezhenahzhuhuhmuhwah owh Pharaoh, kuhya ewh Egypt; bahmah dush kegahpuhgedenegoowah oomah cheöonjemahjahyag: uhpe puhgedenenag, ahbedakummig kegahahpeje‐sahgejenahzhuhoogoowah.

² Guhnoonzh suh noongoom egewh ahneshenahbag, mahnoo dush anduhchewaud egewh enenewug oogahuhdahwuhmahwaun weejahneshenahbawaun, kuhya anduhchewaud equawug enewh weej‐ahneshenahbawaun, enewh shooneyah suhzagahchegunun, kuhya oozahwe‐shooneyah suhzagahchegunun.

³ Jehovah dush keënahkoonega enewh ahneshenahban cheminwanemegoonid enewh Egyptianun. Owh dush kuhya enene Moses kekeche‐ahpetandahgooze emah Egypt duhzhe uhkeeng, emah anahsuhmenid Pharaoh oobuhmeetahgunun, kuhya emah anahsuhmenid enewh ahneshenahban.

⁴ Moses dush oo‐oo keëkedoo, Me suh oo‐oo akedood Jehovah, Uhpe koonemah ahbetah‐tebikuk ningahezhah emah nahwuheëe Egypt:

⁵ Kuhkenuh dush egewh netumoozhahnug emah Egypt duhzhe uhkeeng tahneboowug, enewh oonetumoozhahnun owh Pharaoh namuhduhbid emah oodoogemahwuhbewining, nuhnaunzh egoo enewh oonetumoozhahnun owh buhmeetahga‐equa pwahtahgad; kuhya kuhkenuh oonetumoozhahnewaun uhwuhkaunug.

⁶ Tahkeche‐muhwim dush emah anegookookummegaug Egypt, ewh wekah nahsaub azhewabussenoogebun, kuhya dush egoo menuhwah nahsaub kaëzhewabussenoog.

⁷ Enewh dush ween anduhchenid Israel oonejahnesun, kahween kuhnuhga pazhig uhnemoosh oogahmegenahseen, enewh enenewun, gamah kuhya enewh uhwuhkaunun; chekekanduhmag dush ewh Jehovah pekenoong ahyindooduhwaud enewh Egyptianun kuhya enewh Israelun.

⁸ Kuhkenuh dush oogoo kebuhmeetahgunug ningahbenaunzekahgoog, cheshuhgushketuhwewaud dush, oo‐oo cheëkedoowaud. Mahjaun, kuhya kuhkenuh egewh ahneshenahbag nwahpenuhnikig: bahmah dush ningahmahjah. Kesahguhum dush emah uhyahnid Pharaohun, keche‐nishkahdezid.

⁹ Jehovah dush oo‐oo oogeënaun Mosesun, Kahween kegahbezindagoosewah Pharaoh; chebahtuhyenuhtoong dush nemuhmaundahwechegunun emah Egypt duhzhe uhkeeng.

¹⁰ Moses dush kuhya Aaron keëzhechegawug kuhkenuh oonoo muhmaundahwechegunun anahsuhmenid Pharaohun: Jehovah dush oogemushkuhwahtuhmuhwaun Pharaoh ooda, kepuhgedenahsenid dush Israel oonejahnesun cheöonjemahnid emah ooduhkeeming.