EXODUS 10 - Ottawa New Testament Penteteuch and Psalms 1874

¹ Jehovah dush oo‐oo oogeënaun Mosesun, Peendegowh owh Pharaoh: ningemushkuhwahtuhmuhwah mah ooda, kuhya oodaëne enewh oobuhmeetahgunun, chewahbunduhewayaun dush oonoo ninkekenuhwahjechegunun emah anahsuhmeed:

² Chedebahjemootuhwud dush kegwis, kuhya oogwissun kegwis, ewh kahezhechegayaun emah Egypting, kuhya enewh ninkekenuhwahjechegunun kahezhechegayaun emah anduhzhe‐uhyahwaud; chekekanduhmag ewh ahweyaun owh Jehovah.

³ Moses dush kuhya Aaron oogepeendeguhwahwaun Pharaohun, oo‐oo dush keënahwaud, Me suh oo‐oo akedood Jehovah oo‐Kesha‐Muhnedoomewaun egewh Hebrewug, Ahneen suh menik kaënanduhsewun cheduhbuhsanindezooyun emah anahsuhmeyaun? puhgedin nindahneshenahbamug, chebuhmetuhwewaud dush.

⁴ Kishpin dush ween enandunsewun chepuhgedenudwah nindahneshenahbamug, benuh, wahbung ningahezhenahzhuhwaug keche‐ahdesahwuhyasheyug emah keduhkeeming:

⁵ Oogahuhgwuhnuhahnahwah dush anegookookummegaug ewh uhke, chekushketoosegoobun dush egoo ahweyah chewahbundung ewh uhke; oogahkedaunahwah dush ewh ashkoonegahdag kahishkoonuhmahgooyag kesasagung, kuhya oogahkedaumwahwaun anduhchenid metigoon suhyahguhke-tuhmahgooyag emah ketegauning:

⁶ Tuhmooshkenawug kuhya emah kewegewauming, kuhya emah oowegewaumewaung kuhkenuh kebuhmeetahgunug, kuhya emah oowegewaumewaung kuhkenuh egewh Egyptianug; ewh kahezhewahbunjegasigwahbun koosebuneeg, kuhya oosewahbuneen koosebuneeg, ewh uhpe kezhiguk keühyahwaud emah uhkeeng, nuhnaunzh egoo noongoom. Kegwakegahbuhwe dush, kesahguhung emah uhyahnid Pharaohun.

⁷ Pharaoh dush oobuhmeetahgun oo‐oo oogeëgoon, Ahneen suh menik kawenuhgwahnenung wuhowh enene? puhgedin egewh ahneshenahbag, chebuhmeetuhwahwaud dush Jehovahun oo‐Kesha‐Muhnedoomewaun: kah nuh muhshe kekekanduhseen ewh neshwuhnahduk Egypt?

⁸ Menuhwah dush Moses kuhya Aaron kepeendeguhnahwug emah uhyahnid Pharaohun; oo‐oo dush oogeëgoowaun, mahjahyook, buhmeetuhwik Jehovah ke‐Kesha‐Muhnedoomewah: ahwananug dush egewh kamahjahwaud?

⁹ Moses dush oo‐oo keëkedoo, Ningahwejewahnahnig nindooshkenegemenahnig kuhya ninketezemenahnig, ningwissenahnig kuhya nindahnesenahnig, nemahnishtahneshemenahnig kuhya nimpezhekemenahnig ningahwejewahnahnig; neweähnuhmeä‐wekoongamin mah emah anahsuhmeed Jehovah.

¹⁰ Oo‐oo dush oogeëgoowaun, Mahnoo Jehovah kegahezhewejewegoowah, azhepuhgedenenuhgoog, kuhya egewh kedahbenoojeyemewaug: ahkuhwahbeyook; gagah mah zhuhegwuh kebuhgummishkahgoonahwah ewh mujje‐uhyeëwish.

¹¹ Kahween egoo ewh: mahjahyook suh dush kenuhwah aneneweyag, buhmeetuhwik dush owh Jehovah; me mahween ewh nanduhwanduhmagoobun. Kesahgejenahzhuhwahwug dush emah anahsuhmenid Pharaohun.

¹² ¶ Jehovah dush oo‐oo oogeënaun Mosesun, Shebenekatun ewh Egypt duhzhe uhke, egewh dush keche‐ahdesahwuhyasheyug chebeühyahwaud emah Egypt duhzhe uhkeeng, chekedaumoowaud kuhkenuh enewh nwahkushkukkin emah uhkeeng, kuhkenuh suh goo ewh kahishkoonegahdag kesasagung.

¹³ Moses dush oogeshebenekataun ewh Egypt duhzhe uhke tuhkoonung oometigoonsim, Jehovah dush keënahkoonega chewahbune‐noodinenig emah uhkeeng kuhba‐kezhig, kuhya kuhba tebik; uhpe dush wuhyahbung, egewh keche‐ahdesahwuhyasheyug oogebedahshemegoonahwah ewh wahbune‐noodin.

¹⁴ Egewh dush keche‐ahdesahwuhyasheyug keboonewug emah anegookookummegaug ewh Egypt, keühyahwaud dush emah anegookookummegaug Egypt: kekootahmegwandahgoozewug chepwahuhyahwaud egewh, kahween enandahgoogoozesebuneeg keche‐ahdesahwuhyasheyug wenuhwah kahenandahgoozewaud, kahween dush kuhya tahenandahgoozesewug egewh kaneühyahjig.

¹⁵ Oogeühgwuhnuhahnahwah mah kuhkenuh ewh uhke, kemuhkuhda‐wahbuhmenahgwuk dush ewh uhke; oogekedaunahwaun mah anduhchingin enewh nwahkushkukkin emah uhkeeng, kuhya kuhkenuh azhemenewewaud egewh metigoog kahishkoonegahdagin kesasagung: kah dush keühyahsenoon gagoo wezhahwushkoobuhgaug emah metigoong, gamah kuhya emah uhyahgin enewh nwahkushkuhkin ketegauning, emah anegookookummegaug Egypt.

¹⁶ ¶ Me dush Pharaoh waweeb kenundoomaud Mosesun kuhya Aaronun: oo‐oo dush keëkedoo, Ningemujje‐dooduhwah Jehovah ke‐Kesha‐Muhnedoomewah, kuhya dush kenuhwah.

¹⁷ Umba suh dush ahbwayanemeshin, kepuhgoosanemin, kahezhemujje‐ëzhechegayaun noongoom egoo atuh ningooding, kuhya ahnuhmeatowh Jehovah ke‐Kesha‐Muhnedoom, cheëkoonuhmuhwid oo‐oo atuh neboowin.

¹⁸ Kesahguhum dush emah ahyahnid Pharaohun, keähnuhmeätuhwaud dush Jehovahun.

¹⁹ Jehovah dush keënahkoonega chekootaume‐gahbeühne-noodenenig, ewh dush kahöonjewabahshewaud egewh keche‐ahdesahwuhyasheyug, keühpungeshenoowaud emah Misquahgumme‐Kechegummeeng; kahween kuhnuhga pazhig keche‐ahdesahwuhyashe keühyahse emah anegookookummegaug Egypt.

²⁰ Jehovah dush ween oogemushkuhwahtuhmuhwaun Pharaoh ooda, ewh dush keënanduhsenig chepuhgedenaud Israel oonejahnesun.

²¹ Jehovah dush oo‐oo oogeënaun Mosesun, Shebenekanin ishpeming enuhkayah, chekushke‐tebikuk dush emah Egypt duhzhe uhkeeng, ewh goo tebikud, kamoonzhetoongebun.

²² Moses dush keshebenekane ishpeming enuhkayah; kekeche‐pesuhgeshtebikud dush emah anegookookummegaug Egypt nessoogoon:

²³ Kahween kewahbundesewug, kahween kuhya ahweyah keöonjepuhsegwese emah anduhzhe‐uhyahpun nessoogoon: egewh dush ween Israel oonejahnesun kewahsayahne emah oowegewaumewaung.

²⁴ ¶ Pharaoh dush oogenundoomaun Mosesun, oo‐oo dush keënaud, Mahjahyook, buhmeetuhwik Jehovah; mahnoo atuh egewh kemahnishtahneshemewaug kuhya kepeshekemewaug tuhuhbewug: mahnoo kuhya egewh kedahbenoojeyëmewaug kegahwejewegoowaug.

²⁵ Moses dush oo‐oo keëkedoo, Kegahmeenzhemin suh kuhya sahsahgewejegunun kuhya chahgeda‐sahsahgewejegunun, chesahsahgewenungid dush Jehovah nin Kesha‐Muhnedoomenaun.

²⁶ Ninduhwuhkaunenahnig kuhya ningahwejewegoonahnig; kahween kuhnuhga pazhig ooshkunzhemah ishquayaung tahnuhguhdunseem; ningahoodahpenahnahnig mah ahnind egewh cheöonje‐buhmeetuhwungid Jehovah nin‐Kesha‐Muhnedoomenaun; kah kuhya ninkekanduhsemin ewh kaühyahmoowaungan cheöonjebuhmeetuhwungid Jehovah, bahmah goo atuh ketuhgwishenaung ewede.

²⁷ ¶ Jehovah dush ween oogemushkuhwahtuhmuhwaun Pharaoh ooda, kepuhgedenahsenid dush enewh.

²⁸ Pharaoh dush oo‐oo oogeënaun, Ekoogaun emah uhyahyaun, aungwahmezin, kagoo dush menuhwah wekah wahbundungan nindangwuhy: ewh mah kezhiguk uhpe wahbunduhmun, kegahnib.

²⁹ Moses dush oo‐oo keëkedoo, Wawane sub kegekekid, Kah wekah menuhwah ningahwahbunduhseen kedangwuhy.