EXODUS 1 - Ottawa New Testament Penteteuch and Psalms 1874

¹ Mesuh oonoo oodezhenekahzoowinewaun Israel oonejahnesun kahpeendegajig emah Egypting; anduhchewaud egewh enenewug kuhya oodenoodawezewinewaun oogebewejewahwaun enewh Jacobun.

² Reuben, Simeon, Levi, kuhya Judah,

³ Issachar, Zebulun, kuhya Benjamin,

⁴ Dan, kuhya Naphtali, Gad, kuhya Asher.

⁵ Kuhkenuh dush egewh bamahdezejig kahoonejahnesemegoowahjin enewh Jacobun keneenzhwahsemeduhnuhwawug; Joseph mahween ahyahbun emah Egypting.

⁶ Joseph dush keneboo, kuhya kuhkenuh enewh wekahnesun, kuhya kuhkenuh egewh ewh uhpe bamahdezepuneeg.

⁷ ¶ Israel dush oonejahnesun ashkum kebahtuhyenoowun kuhya ashkum kekechemeshenoowun kuhya ashkum kekeche‐mushkuhwezewun; oogemooshkenashkahnahwah dush ewh uhke.

⁸ Oogemahjeöogemahkundaun dush bakahnezid keche‐oogemah ewh Egypt, kahkekanemahsig enewh Josephun.

⁹ Oo‐oo dush oogeënaun enewh oodahnishenahbamun, Be nuh, egewh ahnishenahbag oonejahnesun owh Israel uhwahshema bahtuhyenoowug kuhya uhwahshema mushkuhwezewug kenuhwind dush ween:

¹⁰ Umba suhnoo, nebwahkahdah kadooduhwungwah; ashkum chebahtuhyenoosigwah puhguhmeuhyahmuhguk dush ewh uhpe wemegahding, koonemah oodahwedookuhwahwaun kuhya wenuhwah enewh kabemegahzoonepun chemegahnenungwahbun dush, oodahnuhguhdahnahwah dush ewh uhke.

¹¹ Medush keühnoonahwaud uhnooke‐oogemaun cheöogemahkunduhwahnid enewh, chekooduhgeëmind dush emah ooduhnookewinening, oogeöozhetuhmuhwahwaun dush enewh Pharaohun uhsunjegoo‐oodanuhwun, Pithom kuhya Raamses.

¹² Ewh dush ashkum kekoooduhgeähwaud enewh, ashkum kebahtuhyenoowun kuhya ashkum kekeche‐mushkuhwezewun. Oogekushkanduhmeëgoowaun dush enewh Israel oonejahnesun.

¹³ Egewh dush Egyptianug oogesuhnuhge uhnookeähwaun Israel oonejahnesun.

¹⁴ Oogekeche‐kooduhge‐ühnookeähwaun dush gewahbahbe-gunekanid, kuhya kemisqwuhsinekanid, kuhya kuhkenuh kahezheuhnookenid emah ketegauning: kuhkenuh kahezheähnookeähwaud, oogesuhnuhge‐ühnookeähwaun.

¹⁵ ¶ Owh dush Egypt duhzhe keche‐oogemah oogeguhnoonaun enewh Hebrew‐gahtenewaquan, pazhig Shiphrah kahezhenekahnemind, kuhya enewh pazhig Puah kahezhenekahnemind:

¹⁶ Oo‐oo dush keëkedoo, Uhpe kuhyahtenuhmuhwagwah egewh Hebrew‐equawug, kuhya uhpe wuhyahbemagwah shuhyegwuh wenegeähwuhsoowaud: kishpin ahyaud quewezans, mesuh chenesag; kishpin dush ween equazans mesuh chebemahdezid.

¹⁷ Egewh dush ween gahtenewaquag oogekoosahwaun Kesha‐Muhnedoon, kah dush keëzhechegasewug kahezhekuhgaunzoomegoowaud enewh Egypt duhzhe keche‐oogemaun, oogebemahjeähwaun suh goo enewh quewezansun.

¹⁸ Owh dush Egypt duhzhe keche‐oogemah oogenundoomaun enewh gahtenewaquan, oo‐oo dush keënaud, Wagoonan suh oo‐oo kahoonjeëzhechegayag, kebemahjeägwah dush egewh kwewezansug?

¹⁹ Egewh dush gahtenewaquag oo‐oo oogeënahwaun enewh Pharaohun; Kahmah egewh Hebrew‐equawug ezheühyahsewug azheühyahwaud egewh Egypt duhzhe equawug: kenebenegeähwuhsoowug mah, ahzhe dush koo negeähwuhsoowug chebwah peendegahgoowaud enewh gahtenewaquan.

²⁰ Kesha‐Muhnedoo dush oogemenoo‐dooduhwaun enewh gahtenewaquan: egewh dush ahnishenahbag ashkum kebahtuhyenoowug, kuhya ashkum kekeche‐mushkuhwezewug.

²¹ Kepuhguhmeühyahmahgud dush, oonje enewh gahtenewaquan kekoosegood Kesha‐Muhnedoo, ewh keöozhetuhmuhwaud wegewaumun

²² Pharaoh dush oogeäungwahmemaun kuhkenuh enewh oodahnishenahbamun, oo‐oo keënaud, Anduhchewaud egewh quewezansug nahgejig, keguhbuhkoobewabenahwaug emah sebeeng, anduhchewaud dush ween egewh equazansug kegahbemahjeähwaug.