EPHESIANUN 6 - Ottawa New Testament Penteteuch and Psalms 1874

¹ Ahbenoojeëdoog nuhittahwik keketezemewaug oonje owh Tabaningad: me suh ewh wanesheshing.

² Kechetwahwanim koos kuhya keguh; (mesuh ewh natumesing kuhgequawin wanje‐wahweendahmahgang gagoo.)

³ Cheöonje‐menoo‐ahyahyun, kuhya kenooäzh chebemahdezeyun oomah uhkeeng.

⁴ Kenuhwah dush oosemahdoog kagoo nishkeähkagoon kenejahnesewaug: ezhenetahwuggeïk emuh oonetuhwuggeëwawining kuhya emuh ookuhgequawining Tabaningad.

⁵ Buhmeetahgunewedoog, nuhittuhwik egewh tabanemenagoog emuh weyausemaung, emuh sagezewining, kuhya emuh nuhningishkahwining, emuh quuhyuk oodaëmaung, debishkoo oonje Christ.

⁶ Kahween emuh ooshkinzhegoo‐buhmeetahgawining, debishkoo egewh manwanduhmeähjig enewh enenewun, debishkoo atuh egewh bameetahwahjig enewh Christun, dooduhmag oodenanduhmoowin Kesha‐Muhnedoo emuh oonje kedaëwaung;

⁷ Emuh minwanduhmoowining chemenoo‐buhmeetahgayag debishkoo buhmeetahwag owh Tabaningad, kah dush ween egewh enenewug;

⁸ Kekanduhmag wagoodoogwan wanesheshing andooduhmoogwan ahweyah, me suh ewh kaëzhemeenegood enewh Tabaninganejin, kishpin buhmeetahga‐wenenewegwan gamuh dabanindezoogwan.

⁹ Kenuhwah dush oogemahwedoog, nahsaub doodahwik chenishkahje‐guhnoonahsewagwah: kekanduhmag kuhya kenuhwah kedoogemahmewah kuhya wenuhwah oodoogemahwewaun ahyaud ewede keche‐kezhegoong; kahween dush pekinnoong oodenanemahseen enewh bamahdezenejin.

¹⁰ Ishquauj, nejekewaëdoog, mushkahwezeyook oonje Tabaningad, kuhya azhemushkahwezemahgudenig oomushkahwezewin.

¹¹ Pesekuhmook ewh kuhkenuh oodushwewin owh Kesha‐Muhnedoo, chekushkeäwezeyag cheshahgoojetooyag enewh ookuhkuhyanezewinun owh mujje‐muhnedoo.

¹² Kah mahween kekuhgwajewahnedunsemin ewh weyausemah kuhya misque, me atuh oogemahwewinun, kuhya mushkahwezewinun kuhya egewh magwa puhsuhgish‐tebik wagemahkundahgajig oomah uhkeeng, kuhya oomujje‐ezhewabezewinewaun egewh mujje‐Muhnedoog emuh mezhuh‐kezhegoong ayahjig.

¹³ Benuh dush oodahpenuhmahzooyook kuhkenuh oodushwewin owh Kesha‐Muhnedoo, ewh dush chekushketooyag chenuhnahqueyag uhpe maje‐kezhegukkin, kuhya kuhkenuh kahezhechegayag, chenebahweyag.

¹⁴ Nebahwik dush, kechepezooyag ewh dabwawin, kekahkegunewaung ahyoog ewh quuhyuk‐ezhewabezewin;

¹⁵ Kuhya emuh kesittahwaung cheähyooyag ewh kezheetahwin anduhgoomahguk emuh pezaunewawine minwahjemoowining.

¹⁶ Ahwahshema dush kuhkenuh oonoo, oodahpenuhmook dabwayanduhmoowine puhkahahquaun, cheöonje‐kushketooyag cheähtahahmag kuhkenuh oodishkoota ookinwahkoonemun owh mujje‐ahyahahwish.

¹⁷ Kuhya dush oodahpenuhmook ewh bemahjeëwawine wewuhquaun, kuhya oodahzhuhwashkoom owh Keche‐Oojechaug, me suh ewh oodekedoowin owh Kesha‐Muhnedoo:

¹⁸ Moonzhug cheähnuhmeähyag emuh kuhkenuh ahnuhmeähwining kuhya nundoodahmahgawining emuh Keche‐Oojechaugoong, kuhya emuh ahkahwahbeyook emuh kuhkenuh aunwahjewining, cheähnuhmeätuhmahwagwah kuhkenuh anuhmeähjig;

¹⁹ Kuhya neen, cheähnuhmeätuhweyag ewh kekedoowin chemeenegooyaun, wawane chenesahkoonuhmaun nindoon kuhnuhga sagezesewaun, chewahbunduhewayaun ewh minwahjemoowine keemoodezewin.

²⁰ (Me suh wanje‐kebahquahegahzooyaun kuhgequa‐weneneweyaun) cheöonje‐ezhekekedooyaunbaun soongeda-ayaun debishkoo kaëzhekekedooyaunbaun.

²¹ Kenuhwah dush chekekanemeyag azheähyahyaun, kuhya azhebemahdezeyaun, kuhkenuh gagoo kegahweendahmahgoowah Tychicus suhyahgeïnd kejekewaënaun kuhya ayaungwahmezid kuhgequa‐wenene oonje owh Tabaningad:

²² Mesuh oo‐oo kahoonje‐ezhenahzhahmoonenuhgoog cheöonje‐kekanemeyag azheähyahyaung kuhya chemenoo‐daäënag.

²³ Pezaunewawin oogahahyahnahwah egewh wejekewaëmaug, kuhya sahgeëdewin mahmahwe ewh dabwayanduhmoowin oonje owh Kesha‐Muhnedoo Wayoosemind kuhya owh Tabaningad Jesus Christ.

²⁴ Tahshahwandahgoozewug kuhkenuh egewh suhyahgeähjig enewh Tabanemenung Jesus Christ emuh sahgeëwawining wekah‐kabahnahdussenook. Amen.