EPHESIANUN 5 - Ottawa New Testament Penteteuch and Psalms 1874

¹ Kekenoowahbuhmik edush Kesha‐Muhnedoo, debishkoo suhyahgeïndjig wanejahnesemindjig;

² Kuhya bemoosayook emuh sahgeëdewining, debishkoo kahezhesahgeënung Christ, kuhya kepuhgedenedezood kenuhwind oonje, kemeegewad weyow wanesheshing tebundoowin, kuhya sahsahgewejegun Kesha‐Muhnedoo kaminwandung.

³ Ewh dush pezhigwahdezewin, kuhya ahnooj weenezewin, kuhya oonzaum‐anduhmoowin, kahween ahbeting tahduhzhinjegahdasenoon emuh anduhzhe ahyahyag, me suh ewh kaëzhewabezewahpun egewh anuhmeähjig;

⁴ Kahween tahduhgoomahgussenoon weenezewin, kuhkebahje‐kezhwawin, kuhya bahbahpinwawin, kah muh oonoo oonesheshinsenoon; ahwahshema suh oonesheshin mahmooyahwawin.

⁵ Oo‐oo muh kekekandahnahwah, kahween ahweyah pazhigwahdezid, kah kuhya ahweyah wahnezid, kah kuhya ahweyah kanunduhwandung pakahnezenejin ooduhyeemene, muhnedookawining enandahgwudene oodezhewabezewin, kuhnuhga ootebanduhseen Kesha‐Muhnedoo kuhya Christ oodoogemahwewinewah.

⁶ Kagoo ahweyah kegahwuhyazhemegoosewah oonje enewh kuhkebahje‐ekedoowinun: me suh oonoo uhyeëen wanje‐oodissegoowaud oonishkahdezewin Kesha‐Muhnedoo egewh kagaunzetungig wanejahnesemindjig.

⁷ Kagoo suh dush weedookahwahkagoon egewh.

⁸ Kuhyet mahween emuh puhsuhgish‐tebekudoong kegeähyaum, noongoom dush emuh wahsayahzewining kedahyaum Tabaningad oonje: bemoosayook debishkoo egewh wanejahnesemegoojig ewh wahsayahzewin:

⁹ (Owh muh Oojechaugoomah ezhemeenewe emuh kuhkenuh oonesheshewining kuhya quuhyuk‐ezhewabezewining kuhya dabwawining;)

¹⁰ Chenundahkekanduhmag ewh manwandung owh Tabaningad.

¹¹ Kagoo dush weedookahzookagoon emuh puhsuhgishtebik‐ahnookeewining mahnewunsenoogin, ahwahshema suh tahgeöonesheshin wahbunduhewayag azhemahnahduk.

¹² Ahgudandahgwukkummig cheweenduhmingebun enewh uhyeëen keemooj azhechegawaud.

¹³ Kuhkenuh suh mazheshuhwesechegahdagin wahbunjegahdanoon oonje ewh wahsayahzewin: wagoodoogwan muh wanje‐wahbunjegahdagwan me ewh wahsayahzewin.

¹⁴ Mesuh oo‐oo wanje‐ekedood, Kooshkoosin keen nabahyun, emuh neboowining oonje oonishkaun, Christ edush kegahmeenik wahsayahzewin.

¹⁵ Aungwahmezeyook suh dush quuhyuk chebemoosayag, kahween debishkoo egewh kakebahdezejig, debishkoo atuh nabwahkahjig.

¹⁶ Nayaub kishpinetooyook enewh kezhegudoon, mujje‐ezhewabudoon muh enewh kezhegudoon.

¹⁷ Kagoo suh kenuhwah kuhkebahdezekagoon, nesittootuhmook atuh oodenanduhmoowin owh Tabaningad.

¹⁸ Kagoo kuhya oonje‐kewushquabekagoon shoowemin‐ahboo, me suh wanjesing ewh nishwahnahjechegawin; me atuh chemooshkenashkoonenag owh Keche‐Oojechaug;

¹⁹ Cheguhnoonindeyag emuh Psalming kuhya emuh ahnuhmeäwine‐nuhguhmoowining, chenuhguhmooyag kuhya cheminwawatoomahwag owh Tabaningad emuh kedaëwaung;

²⁰ Chemahmooyahwahmag Kesha‐Muhnedoo kahgenig oonje kuhkenuh uhyeëen, kuhya owh Wayoosemind emuh oodezhenekahzoowining Tabanemenung Jesus Christ;

²¹ Mamashquaud puggedenedezooyag, koosag Kesha‐Muhnedoo.

²² Wewemahdoog tahbusse‐puggedanindezooyook chenuhittahwagwah tebenuhwa kenahbamewaug, debishkoo azhenuhittahwagwah owh Tabaningad.

²³ Me mahween enene nahgahnezekunduhwaud enewh wewun, debishkoo Christ azhenegahnezekunduhwaud enewh anuhmeähnejin: kuhya dush ween oobemahjetoon ewh weyowemah.

²⁴ Benuh dush debishkoo egewh anuhmeähjig azhetahbusse‐puggedanindezoowaud chenuhittahwahwaud Christun, mesuh egewh wewemaug kaëzhetahbusse‐puggedanindezoowaud chenuhittuhwahwaud enewh tebenuhwa oonahbamewaun ahnooj gagoo.

²⁵ Kenuhwah wahweyag sahgeïk keweedegamahgunewaug, debishkoo Christ kahezhesahgetood ewh oodahnuhmeähwin, ween dush tebenuhwa kenebootung;

²⁶ Cheöonje‐menoo‐ezhewabezetood kuhya chepeenetood ewh kesebegenung nebe ahyood oonje ewh ekedoowin.

²⁷ Chemeenedezood ewh kache‐pezhegandahgwuk ahnuhmeähwin kuhnuhga punge wahnussenook kuhya chebuhbiskishinsenook, kah kuhya ningood ezhemahnahdus-senook oonoo dowah; cheöonje‐peenuk kuhya chemujje-ezhewabussenook.

²⁸ Enenewug oogahezhesahgeähwaun ooweedegamahgunewaun debishkoo tebenuhwa weyowewaun. Owh suhyahgeäud enewh wewun oosahgetoon tebenuhwa weyow.

²⁹ Kah suh wekah ahweyah oogesheenganduhseen tebenuhwa weyaus; ooduhshundaun dush kuhya ooguhnuhwandaun, debishkoo owh Tabaningad andoodung ewh ahnuhmeähwin:

³⁰ Kedebandahgoozemin muh ooweyowing kuhya emuh weyausing kuhya emuh ookuning.

³¹ Me suh oo‐oo enene kaöonje‐nuhguhnaud enewh oosun kuhya enewh oogeen, cheweejewaud enewh wewun, nuhyazh edush tahpazhigwunene ooweyausewaun.

³² Keche‐mahmaundahwud oo‐oo uhyeëe: ninduhzhemah suh Christ kuhya oodahnuhmeähwin.

³³ Mahnoo suh dush kuhkenuh anduhsheyag mamwach kegahezhesahgeähwaug kewewewaug debishkoo azhesahgeëdezooyag; kuhya owh wanahbamid equa tahahyaung-wahmeze chesahgeäud enewh oonahbamun.