EPHESIANUN 4 - Ottawa New Testament Penteteuch and Psalms 1874

¹ Benuh neen kabahquahegahzooyaun owh Tabaningad oonje, kepahgoosanemenim chebemoosayag debishkoo enandahgwuk ewh kenundoomegoowinewah ewh azhenundoomegooyag.

² Emuh kuhkenuh dahbussanemoowining kuhya bakahdezewining kuhya zebishkahje‐kedahzoowining, sheebanduhmeëdeyag emuh sahgeëdewining;

³ Ahyaungwahmezeyook weguhnuhwanduhmag Keche‐Oojechaugoowine pazhigwandahgoozewin emuh pezaun‐bemahdezewine tuhkoobezoowining:

⁴ Pazhigwun suh weyowemah, pazhigoo owh Oojechaug, nahsaub azhenundoomegooyag emuh pazhik ahpanemoowining;

⁵ Pazhigoo Tabaningad, pazhigwun dabwayanduhmoowin, pazhigwun baptizooëwawin.

⁶ Pazhigoo Kesha‐Muhnedoo owh Wayoosemegood kuhkenuh, owh ahwahshema ashpandahgoozid dush ween kuhkenuh, kuhya ayahwid peenjenuh keyowewaung kenuhwah kuhkenuh.

⁷ Kuhkenuh menik anduhsheyung kegemeenegoomin ewh shahwanjegawinewedookahgoowin debishkoo menik azhemeegewad Christ.

⁸ Me suh oo‐oo wanje‐ekedood, Uhpe ishpeming kahezheöombishkaud, oogetuhkoonaun ewh tuhkoonegahzoowin, kuhya dush oogemeenaun enenewun enewh meegewawinun.

⁹ (Benuh dush, ewh ishpeming kezheöombishkaud, wagoonan dush ewh? kah nuh ween oo‐oo netum keëzhaud emuh ahnahmuhkummig?

¹⁰ Owh dush kahpenuhshid mesuh kuhya owh ishpeming keche‐wahsah kahëzhaud kezhegoong chemooshkenuhtood kuhkenuh ahnooj gagoon.)

¹¹ Ahnind oogemeenaun cheäpostleëwenid, kuhya ahnind cheäunwahjega‐wenenewenid, kuhya ahnind chekuhgequa‐wenenewenid, kuhya makuhdawekoonuhyawenid kuhya kekenooahmahganid.

¹² Ewh dush anuhmeähjig cheähpeche‐menoo‐ezhewabezeïndwah, cheöonje‐ahnookeetuhming ewh kuhgequawine‐buhmeetahgawin, chenetahwegenig ewh ooweyow Christ.

¹³ Nahnauzh egoo uhpe kuhkenuh nanahsaub azhedabwayanduhmung, kuhya nanahsaub azhekekanemung Kesha‐Muhnedoo Oogwissun, cheähpeche quuhyuk eneneweyung debishkoo kahahpeetezid oomooshkenashkahgawin owh Christ:

¹⁴ Menuhwah cheähbenoojewesewung, chequaquakebuhgezoosewung kuhya cheähyezheweenegoosewung kuhkenuh kuhgequawine noodin debe wandahnemudoogwan, oonje ewh ookuhkuhyanezewinewah egewh enenewug kuhya oowuhyazhingawinewaun, oonje ewh kahzoowaud chewuhyazhingawaud;

¹⁵ Ewh dabwawin debahdooduhmung emuh sahgeëdewining chenetuhwugeyung emuh Ooweyowing owh ooshtequaunemah ahyahwid emuh kuhkenuh uhyeëeng, me suh owh Christ:

¹⁶ Mesuh owh wanje‐nahbahkesechegahdag kuhya mushkahwesechegahdag ewh Weyoowemah oonje enuhnookeemahguk kuhkenuh enewh pukkawezewinun tebenuhwa oodahnookeewinewah, cheöonje‐mahjegemahguk weyowemah emuh sahgeëdewining.

¹⁷ Oo‐oo suh nindekid kuhya nindenahjim oonje owh Tabaningad, noongoom uhpena cheëzhewabezesewag nahsaub azhewabezewaud egewh ahnind mayuggezejig emuh kakebahdudenig enewh oodenanduhmoowinewaun.

¹⁸ Bahnahdudenig oonesittootumoowinewah, kuhya ahyaunsigwah ewh bemahdezewin Kesha‐Muhnedoo mahgewad apeech kekanjegasigwah kuhya apeech kuhkepeengwawaud emuh oodaëwaung:

¹⁹ Apeech kahmushkahwedaäwaud kepuggedenedezoowug emuh pezhigwahdezewining, ahpeche chemekinduhmoowaud kuhkenuh weenezewin.

²⁰ Kahween kenuhwah oo‐oo kegeëzhekekenooäh-mahgooseem oodenahdezewin owh Christ;

²¹ Kishpin kagate kahnoonduhwagwan, kuhya kahkekenooahmoonagwan, debishkoo azheähyaug dabwawin emuh Jesusing:

²² Chepoonetooyag, anandahgwukebun kuhyet kedezhewabezewinewah ewh kata enenewewin, ewh nashwahnahduk nahsaub azhewabuk natuh‐wuhyazhingamahgukkin mujje‐enanduhmooweshun;

²³ Kuhya cheäunjeëgooyag emuh kedenanduhmoowinewaung;

²⁴ Chepesekuhmag dush ewh ooshke enenewewin, kahoozhechegahdag nahsaub azhewabezid Kesha‐Muhnedoo emuh menoo‐ezhewabezewining kuhya emuh quuhyuk‐wahdezewining.

²⁵ Benuh dush wabenuhmook kuhkenuhwishkewin, kuhkenuh anduhsheyag ganoonindeyagoon dabwayook: mamashquaud muh ketebanindim.

²⁶ Nishkahdezeyook, kagoo kuhya mujje‐ezhewabeze-kagoon: Kagoo owh kezheke‐keezis tahpungeshemoose magwah nishkahdezeyag:

²⁷ Kagoo ween puggedenedezookagoon cheshahgoojeenag owh mujje‐muhnedoo.

²⁸ Owh dush kahkeemoodid kahween menuhwah tahkeemoodese; ahwahshema atuh tahahnooke, enewh ooneenjeen cheähyood, gagoo wanesheshing chemeenahpun enewh katemahgezenejin.

²⁹ Kagoo mujje‐kezhwawin tahoonjesinsenoon emuh kedoonewaung, cheöondezewaud atuh egewh bazindungig, chemeenindwah ewh shahwanjegawin.

³⁰ Kagoo dush nishkeähkagoon Ookeche‐Oojechaugwun Kesha‐Muhnedoo, owh kakenoowahjeënag peenish egoo shahwandahgoozewine kezheguk.

³¹ Wabenuhmook kuhkenuh ahquahdezewin, kuhya nishkahdezewin, kuhya nishkahje‐kezhwawin, kuhya oombegezewin, kuhya mujje‐kekedoowin, kuhya kuhkenuh sheenganindewin:

³² Kuhya muhmenoo‐doodahdeyook, nookedaäyook ahbwayanindeyook, debishkoo Kesha‐Muhnedoo kahezheahbwayanemenag oonje Christ.