EPHESIANUN 3 - Ottawa New Testament Penteteuch and Psalms 1874

¹ Mesuh oo‐oo, neen Paul kabahquahegahzooyaun oonje Jesus Christ, oonje kenuhwah mayuggezeyag.

² Kishpin kenoonduhmoowagwan ewh Kesha‐Muhnedoo ooshahwanjegawin kahmeenegooyaun kenuhwah cheoondezeyag:

³ Emuh mezheshuh‐wahbunduhewawining ningeëzhekekanduhmooïk ewh kahmooduk kekanjegawin; kuhyet kahezhebeëgayaunbaun emuh punge ekedoowining,

⁴ Kenuhwah dush aginduhmagoon chenesittootummag azhekekanduhmaun ewh ookeemoodezewin Christ.

⁵ Kuhyet kahkekanduhmooähsewindwah egewh enenewug, noongoom dush azhekekanduhmooïndwah enewh ookechetwah Apostleëmun kuhya oodaunwahjega‐wenenemun Keche‐Oojechauoong;

⁶ Egewh dush mahyuggezejig cheweeje‐debandahsoowaud, kuhya chepazhikwunenig weyowemah, kuhya mahmahwe cheöodahpenuhmoowaud oowahweendahmahgawin emuh Christing oonje ewh minwahjemoowin:

⁷ Oo‐oo chebuhmeetuhmaun kahoonje‐ahnoonegooyaun menik kahmeezhid Kesha‐Muhnedoo ooshahwanjegawine‐weedookahgawin, apeechewemahgudenig oomushkahwezewin.

⁸ Maunduh shahwanjegawin ningemeenegoo, neen egoo mahyahmahwe noondaush ahpeetandahgoozid manoo‐ahnuhmeäud, chedebahjemootuhwugwah egewh mahyuggezejig enewh tuhyakekanjegahdasenoogin oowahnuhdezewinun Christ;

⁹ Kuhya chewahbunduhugwah kuhkenuh bamahdezejig azhewabuk ewh kekanjegawin uhpena mahyahje‐uhkeewung kahkahjegahdamahguk emuh Kesha‐Muhnedoong, owh kahahnoonaud enewh Christ Jesusun cheöozhetoonid kuhkenuh uhyeëen;

¹⁰ Egewh kezhegoong duhzhe wagemahwejig kuhya mashkahwezejig cheöonje‐kekanduhmoowaud emuh ahnuhmeähwining ookeche‐nebwahkahwin Kesha‐Muhnedoo,

¹¹ Ewh suh kahezhekahgega‐enahkoonegad emuh Christ Jesusing Tabanemenung:

¹² Owh suh wanje‐soonganemooyung kuhya wanje‐peendegunegooyung emuh swaungung ahpanemoowining dabwayanemung owh.

¹³ Ewh suh nenunduhwandum chekushkanduhsewag oonje nindahnemezewin kenuhwah wanje‐ahnemezeyaun, mesuh kenuhwah kewahwezhanduhmoowinewaun.

¹⁴ Me oo‐oo wanje‐oojecheengwuhnetuhwug oosun owh Tabanemenung Jesus Christ,

¹⁵ Ween wanje‐weenzoonid kuhkenuh oonejahnesun oomah uhkeeng kuhya ewede Keche‐kezhegoong ayahnejin,

¹⁶ Chepuggedenuhmoonag, debishkoo azhemeshenudenig oopezhegandahgoozewin peenjenuh chemushkahwezeegooyag Keche‐Ooojechaugwun oonje;

¹⁷ Christ cheduhnezid emuh kedaëwaung oonje dabwayanduhmoowin; kenuhwah dush soongekahbahweyag kuhya uhyeenjeëgooyag emuh sahgeëdewining,

¹⁸ Chenesittootumag mahmahwe kuhkenuh wawane anuhmeähjig anegookoodayahnig, kuhya aquahnig, kuhya aquinduhmahnig, kuhya apeetahnig;

¹⁹ Kuhya chekekanduhmag oosahgeëwawin Christ ewh suh tuhyakekandahgwussenook, cheöonje‐mooshkenashkah gooyag kuhkenuh oomooshkenashkahgoowin Kesha‐Muhnedoo.

²⁰ Umba suh dush wah‐owh kashkeäwezid chedoodoonung keche‐nebewah ahwahshema azhenunduhwanduhmung kuhya azhenahnahgahdahwanduhmung azheähyaug ewh mushkahwezewin anookeemahguk emuh peenjenuh keyowenaung.

²¹ Me suh owh kakeche‐pezhegandahgooïnd emuh oomahwunjeëdewinewaung egewh anuhmeähjig oonje Christ Jesus nuhmunj menik kaähneka‐bemahdezewahgwan egewh bamahdezejig emuh uhkeeng wekah kawuhyaquahsenoog. Amen.