EPHESIANUN 2 - Ottawa New Testament Penteteuch and Psalms 1874

¹ Kegeähbejebahegoowah dush kuhya kenuhwah nabooyagoobun emuh bahtahzewining kuhya emuh mujje‐ezhewabezewining;

² Kuhyet kahezhebemoosayag, debishkoo azhewabuk oomah uhkeeng, debishkoo azhewabezid owh wagemahkundung ewh kushkeäwezewin emuh mezhah‐kezhegoong atag, owh muhnedoo noongoom anookeed peenjenuh emuh Ooweyowening enewh kagaunzuhtuhmenejin.

³ Mahmahwe kuhya kenuhwind kuhyet kegeëzhewabezeminahbun emuh azhemujje‐nunduhwanduhmoomahguk keweyausenaun, debishkoosetooyungoobun enewh weyausewine nunduhwanduhmoowinun, kuhya kedenanduhmoowinenahnin; andahgwuk dush kenuhwind tebenuhwa kedenahdezewinenahnin, kegeöonejahnesemegoonaun ewh nishkahdezewin, debishkoo goo pakaunezejig.

⁴ Kesha‐Muhnedoo dush, owh wuhyahnuhdezid emuh shahwanjegawining, apeech kekeche‐sahgeënung.

⁵ Uhpe nebooyungoobun emuh mujje‐ezhewabezewining, kegeähbejebahegoomin mahmahwe owh Christ, (ewh shahwanjegawin kedoonje‐bemahjeëgoom;

⁶ Kuhya kegeöombenegoomin mahmahwe, kuhya mahmahwe kegenuhmuhduhbeëgoomin emuh kezhegoong duhzhe duhnuhkeewining oonje Christ Jesus:

⁷ Chewahbundahaud enewh kaähneka‐bemahdezenejin azhebahtuhyeënudenig ooshahwanjegawin azheshahwanemenung oonje owh Christ Jesus.

⁸ Shahwanjegawin muh kedoonje‐bemahjeëgoom oonje ewh dabwayanduhmoowin; kah dush kenuhwah tebenuhwa kedoondenuhmahdezooseem ewh, kemeenegoowah suh owh Kesha‐Muhnedoo:

⁹ Kahween emuh ahnookeewining oonjeemahgussenoon, koonemah ahweyah tahgeöonje‐muhmequahzoo.

¹⁰ Kenuhwind muh keduhwemin ewh oodahnookeewin, keöozheënung emuh Christ Jesusing cheöonje‐menoo‐ezhewabezeyung, kuhyet kahenahkoonegagoobunan Kesha‐Muhnedoo chebemoosayung emuh.

¹¹ Benuh dush, mequanduhmook, kenuhwah kuhyet kemahyuggezeyag emuh weyausemaung, kakenoowahje‐kish kezhegahzoosigoog kahezheweenenagwah egewh kakenoowahje‐kishkezhegahzoojig emuh ooweyowewaung, ooneenjemaung ahyoong.

¹² Ewh uhpe kahween kegeähyahwahsewah Christ, kah dush kegedebandahgoozeseem emuh Israëling, kah dush kegekekanduhsenahwah enewh wahweendahmahgawine-kekindewinun, keähyaunsewag ahpanemoowin, kuhya keähyahwahsewag Kesha‐Muhnedoo oomah uhkeeng:

¹³ Noongoom dush oonje Christ Jesus kenuhwah kuhyet wahsah kahahyahyagoobun, pashoo kepeenegoom oonje ewh oomisqueem Christ.

¹⁴ Mesuh owh ahyahwid kepezaunanemegoowinenaun, kahpazhigootood nuhyazh, kuhya kahnesahkoobetood ewh wahkahegun nesuhwuhyeëe kahkebishkahgooyungoobun;

¹⁵ Keüngootood ewh sheenganindewin emuh ooweyausing, me suh ewh kuhgequawine tebahkoonegawin; ween cheöonje‐pazhegoonid nuhyazh cheäunje‐enenewenid dush, me suh kähezheöozhetood pezaunanindewin.

¹⁶ Nuhyazh dush chepoonanemegoowaud enewh Kesha‐Muhnedoon emuh pazhik weyowemaung oonje ewh ahzhedayahtik, me ewh kahoonje‐netood ewh sheenganindewin:

¹⁷ Kuhya kepeëzhah, kedebahjemootuhmoonenag ewh pezaunewawin kenuhwah wahsuh kahahyahyag, kuhya enewh pashoo kahahyahnejin.

¹⁸ Mesuh ween wanje‐puggedenuhmahgooyung chenaunzekahwung owh Wayoosemind oonje owh puhyazhegood Keche‐Oojechaug.

¹⁹ Kah suh dush kayahbe kemahyuggezeseem, kah kuhya pukkaun kedezheweenzooseem, keweejekewaëmahwaug suh ween egewh quuhyuk‐anuhmeähjig, kuhya kedebandahgoozeem emuh oowegewauming Kesha‐Muhnedoo;

²⁰ Kuhya keminjemooshemegoom emuh oominjemoosechegawinewaung egewh Apostleüg kuhya aunwahjega‐wenenewug, Jesus Christ dush ween tebenuhwa ahyahwid kache‐negaunandahgoozid natumahbikesing ahsin;

²¹ Ween wanje quuhyukoosechegahdag kuhkenuh mahmahwe ooshegawin gaguhpe dush kezhechegahda pazhegwudenig oodahnuhmeä‐weguhmigoom owh Tabaningad cheähwung:

²² Ween nahsaub wanje‐minjemooshemegooyag debishkoo oowegewaumun Kesha‐Muhnedoo oonje owh Keche‐Oojechaug.