ENEWH TITUSUN 3 - Ottawa New Testament Penteteuch and Psalms 1874

¹ Mequanduhme chenuhittuhmoowaud enewh oogemah‐wandahgoozewinun kuhya enewh kushkeawezewinun, chedabwatahwahwaud enewh tebahkoonega‐wenenewun, chekezheetahwaud ewh chemeekinduhmoowaud kuhkenuh enewh wanesheshingin ahnookeewinun,

² Chemujje‐duhzhemahsigwah ahweyah, chenetuh‐megahzoosigwah, chebakahdezewaud atuh, wahbundahahwaud kuhkenuh enenewun ewh bakahdezewin.

³ Kuhya kenuhwind mahween kuhyet kegekuhkebahdezemin, kegekuhgaunzetahmin, kegewuhyazhemegoomin, kegebuhmeetahnahnin ahnooj mujje‐nunduhwanduhmoowinun kuhya oonahnegoozewineshun, emuh shinganindewining, kuhya keshahwanindewining kegeëzhebemahdezemin, kegeshingandahgoozemin kuhya kegesheenganindemin.

⁴ Uhpe dush kahpenahgwudenig ooshahwanjegawin kuhya oosahgeëwawin Kesha‐Muhnedoo Bamahjeënung kahezesahgeäud enewh enenewun,

⁵ Kahween oonje menoo‐ezhewabezewine ahnookewinun kahezhechegayung, oonje atuh tebenuhwa ooshahwanje wining kegebemahjeëgoonaun, oonje kekeseebegenegooyung ewh aunje‐neegewine‐keseebegenegoowin kuhya oodaunje-ewawining owh Pahnezid Oojechaug;

⁶ Ewh suh kahpekeche‐seegenuhmoonenung oonje owh Jesus Christ Bamahjeënung;

⁷ Ewh quuhyuk‐ezhewabezeëgoozeyung oonje ooshahwanjegawin, chedebandahsooyung nahsaub anandahgwuk ewh kahgega‐bemahdezewine‐ahpanemoowin.

⁸ Dabwamahgud oo‐oo ekedoowin; nindenandum dush moonzhug chedebahdoodahmun, egewh kahdabwayanemahjig enewh Kesha‐Muhnedoon cheähyaungwahmezewaud chemekinduhmoowaud wanesheshingin ahnookeewinun. Oonesheshinoon suh oonoo uhyeëen kuhya oonoo ahwunoon kaöonje‐oondezewaud enenewug.

⁹ Mewetun dush enewh kuhkebahje‐kuhgwadwawinun, kuhya enewh ahneka‐bemahdezewine‐debahjemoowinun, kuhya ahgoonwatahdewinun, kuhya kekaundewinun oonje ewh tebahkoonegawin; kah muh ningood enahbuttussenoon, kuhya kuhkebahdudoon.

¹⁰ Owh enene wahdookahzood emuh mujje‐kuhgequawining kegahwabenah, keguhnoonud ahbeting kuhya neezhing;

¹¹ Kekanemud oo‐oo doowah ahzhuh keche‐nishwahnahdezid, kuhya mujje‐ezhechegad ahnahween kekanindezood chemujje‐ezhechegad.

¹² Uhpe dush mahjenahzhahahmoonaun Artemas gamuh Tychicus, waweeb penaunzahkahweshin emuh Nicopolising; ewede gooshah newabandum chepepoonesheyaun,

¹³ Wawane weedookow Zenas owh tebahkoonega‐wenene kuhya Apollos, gagoo chemuhnazesigwah wepahbahmahdezewaud.

¹⁴ Egewh dush wahdookoonungoog tahezhekekenooäh-mahgoozewug cheähnookeetuhmoowaud wanesheshingin ahnookeewinun kamenoo‐enahbuhdukkin, cheähnezheetunsigwah wemekoogewaud.

¹⁵ Kuhkenuh egewh wahjewejig kedahnuhmikahgoog. Ahnuhmikow kuhkenuh egewh suhyahgeëyummingejig oonje ewh dabwayanduhmoowin. Kegahshahwandahgoozeem kenuhwah kuhkenuh. Amen.