ENEWH TITUSUN 2 - Ottawa New Testament Penteteuch and Psalms 1874

¹ Keen dush kekedoon enewh uhyeëen dabandahgwukkin emuh quuhyuk kuhgequawining.

² Egewh uhkewanzeyug chenesahdezewaud, chenebwahkahwandahgoozewaud, agauj cheweekoojetoowaud oomah uhkeeng duhzhe uhyeëen, chequuhyuk‐wandahgoozewaud emuh dabwayanduhmoowining, emuh sahgeëdewining, emuh shuhsheebanduhmoowining.

³ Kuhya egewh mindemooyaüg kegahenaug cheëzhewabezewaud kaëzhewabezewahpun pahnezejig equawug, kahween tahkuhkenuhwishke‐bahtaungasewug, kahween oogahmenequasenahwah nebewah shoowemin‐ahboo, tahkekenooähmahgawug wanisheshingin kekenooähmahdewinun;

⁴ Chekekenooähmahwahwaud enewh ooshkenegequan chenebwahkahnid, chesahgeähnid enewh oonahbamene, chesahgeähnid enewh oonejahnesene.

⁵ Chenebwahkahnid, chepeenezenid, chepezaun‐ahyahnid emuh andahnid, chemenoo‐ezhewabezenid, chenuhittahwahnid tebenuhwa oonahbamene, chemujje‐duhzhinjegahdasenoonig oodekedoowin owh Kesha‐Muhnedoo.

⁶ Kuhya goo kegahenaug egewh ooshkenuhwag, chenebwahkahwaud.

⁷ Ahnooj edush enewh uhyeëen wahbunduhewan tebenuhwa keyow chekekenoowahbuhmegooyun ewh ahnookeetuhmun wanisheshingin ahnookeewinun emuh kekuhgequawining bahnahjetoosewun ewh dabwawin, chenebwahkahwandahgoozeyun, chenetuh‐dabwayun.

⁸ Cheminwandahgwuk kedekedoowin, kamujje‐duhzhinchegahdasenook; owh dush ween wahdookahzood emuh puhkaun ezhetwahwining cheähgujjed, kagoo ahyaunsig kamujje‐duhzheminagoobun.

⁹ Ahyaungwahmim egewh bameetahgajig chenuhittahwahwaud enewh tebenuhwa oodoogemahmewaun, kuhya cheminwanduhmeähwaud kuhkenuh enewh uhyeëen menik egoowaud enewh, cheähzhittamahsigwah;

¹⁰ Kahween tahkeemoodeesewug, oogahwahbundahewanahwaun kuhkenuh ahyaungwahmezewin; chepeshegandahgootoowaud ewh ookuhgequawin Kesha‐Muhnedoo Bamahjeënung oonje kuhkenuh oodezhechegawinewah.

¹¹ Ewh mahween ooshahwanjegawin owh Kesha‐Muhnedoo wanje‐bemahjeïndwah kuhkenuh enenewug, ahzhuh kepenahgwud,

¹² Oo‐oo ezhekekenooähmahgooyung cheähgoonwayanduhmung mujje‐ezhewabezewin, kuhya oomah uhkeeng duhzhe mujje‐nunduhwanduhmoowinun, chenebwahkah‐bemahdezeyung, kuhya quuhyuk chebemahdezeyung, kuhya chebuhmeetuhwung Kesha‐Muhnedoo oomah uhkeeng;

¹³ Nunduhwanduhmung ewh shawandahgwuk ahpanemoowin, kuhya ewh pashegandahgwudenig oopenahgoozewin owh Kache‐Kesha‐Muhnedoowid kuhya Bamahjeënung Jesus Christ,

¹⁴ Owh kahpuggedenedezood kenuhwind oonje, chewabenuhmoonung kuhkenuh mujje‐ezhewabezewinun, chepeeneäud enewh ween katebanemahjin oodahnishenahbamun, chekeche‐minwawezenid emuh menoo‐ahnookeewining.

¹⁵ Kuhgequan oonoo uhyeëen, kuhya ezhekuhgaundwan, kuhya nuhneebikim egewh maje‐ezhewabezejig emuh kuhkenuh kushkeäwezewining. Kahween ahweyah kegahneshebahpenoodahgoose.