DEUTERONOMY 9 - Ottawa New Testament Penteteuch and Psalms 1874

¹ Noondun, O Israel: Kegahahzhuhwuhaun ewh Jordan noongoom kezhiguk, cheühwedebanemudwah ahnishenahbag uhnooj azheweenzoojig nuhwuj kacheühpetandahgoozejig kuhya nuhwuj mashkuhwezejig keen dush ween, oodanuhwun machaugin kuhya wuhyahkahegahdagin peenish egoo kezhigoong,

² Ahnishenahbag kachetwahwandahgoozejig kuhya kanoozejig, oonejahnesewaun egewh Anakimug, kakanemudjig kuhya oo‐oo kahenetuhmun debahjemindwah, Ahwanan kakushketoopun chenebuhwid emuh anahsuhmenid Anak oonejahnesun!

³ Kekandun suh dush noongoom kezhiguk, Jehovah ke-Kesha‐Muhnedoom ahwid owh uhyahzhuhwuhung anahsuhmeyun; nindegoo ishkoodang ewh chuhyahgahkezoowamuhguk oogahezhenishwuhnahjeäun, oogahmahmauzheäun kuhya emuh anahsuhmeengwayun; me suh dush chesahgejenauzhuhwudwah, kuhya waweeb chenishwuhnahjeüdwah, debishkoo suh goo kahenik Jehovah.

⁴ Kagoo kekedookan emuh kedaïng, ahzhe Jehovah keKesha‐Muhnedoom kesahgejewabenaud emuh anahsuhmeyun, oo‐oo cheëkedooyun, Nequuhyukezhewabezewin Jehovah ningeöonjepeendeguhnig chedebanduhmaun oo‐oo uhke: oonje suh atuh oomujjeëzhewabezewinewah oogoo ahnishenahbag Jehovah oosahgejenauzhuhwaun anahsuhmeyun.

⁵ Kahween ewh kequuhyukezhewabezewin, gamuh ewh azhemenooezhewabezemuhguk keda, kedoonjeëzhahse chedebanduhmun ooduhkeemewah: oonje suh atuh oomujjeëzhewabezewinewah oogoo ahnishenahbag Jehovah keKesha‐Muhnedoom oosahgejenauzhuhwaun anahsuhmeyun, kuhya chedebishkoosedood ewh ekedoowin Jehovah kahezhemushkuhwe‐wahweenduhmuhwaud koosebuneen, Abrahamun, Isaacun, kuhya Jacobun.

⁶ Kekandun suh dush Jehovah keKesha‐Muhnedoom meenesenook oo‐oo wanezheshing uhke chedebanduhmun oonje ewh kequuhyukezhewabezewin; mashkuhwindebajig ahnishenahbag mah kedahwim.

⁷ ¶ Mequandun, kagoo suh wuhnandunkan, kahezhenishkeüd Jehovah keKesha‐Muhnedoom emuh buhgwuhduhkummig: ewh kezhiguk Egypting duhzhe uhkeeng kahoonjemahjahyun, nuhnauzh egoo keduhgwishenag oomah, kegemegahnahwah Jehovah.

⁸ Ewede kuhya Horebing kegenishkeähwah Jehovah, kenishkanemenag dush Jehovah wenishwuhnahjeënag.

⁹ Uhpe wagedahkewayaun ewede wuhjewing weöodahpenuhmaun enewh tasahbikoon, enewh suh goo tasahbikoon dabandahgwukkin emuh wahweenduhmahgawining ewh kahoozhetuhmoonag, nemeduhnuh dussoogoon kuhya nemeduhnuh dussootebik ningeduhniz emah wuhjewing, kahween ningeäumwahse buhquazhegun kahween kuhya ningemenequaseen nebe;

¹⁰ Jehovah dush ningeënenuhmaug neezh tasahbikoon Kesha‐Muhnedoo kahoozhebeüngin ooninj keühyood; emuh dush keöozhebeëgadawun kuhkenuh enewh ekedoowinun, Jehovah kahenenag emuh wuhjewing nahwishkoodang oonje, ewh kezhiguk kemahwunjeëding.

¹¹ Kepuhgummeühyahmuhgud dush uhpe kabekoosagin nemeduhnuh dussoogoon kuhya nemeduhnuh dussootebik, Jehovah ningemeenig enewh neezh tasahbikoon, enewh suh goo wahweenduhmahgawine‐tasahbikoon.

¹² Jehovah dush oo‐oo ningeïg, Puhsegween, waweeb oomah oonjenesahkewan; kebuhnahjeëdezoowug mah kedahnishenahbamug Egypting kahoonjesahgejewenudjig; webuh kepuhkawug emuh meekunaung ewh kahezhekuhgaunzoomugwahbun; keöozhetuhmahzoowug muzzeneneen kahningahbekezwahwahjin.

¹³ Menuhwah dush egoo Jehovah ningekuhnoonig, oo‐oo keezhid, Ningewahbuhmaug oogoo ahnishenahbag, benuh dush, egewh mashkuhwindebajig ahnishenahbag ahwewug:

¹⁴ Pooneëshin, chenishwuhnahjeügwah dush, kuhya chekahseühmugwug oodezhenekazoowinewah ahnaume‐kezhigoong: ningahenahkoonaug dush kenejahnesug nuhwuj chemushkuhwezewaud kuhya nuhwuj chekechetwahwandahgoozewaud wenuhwah dush ween.

¹⁵ Me suh kahezhequakegahbuhweyaun ningenesahkewa dush emah wuhjewing, ewh dush wuhjewh kesuhkettamuhgud: enewh dush neezh wahweenduhmahgawine‐tasahbikoon nuhyazh neninjeeng ninduhkoonahnahbuneen.

¹⁶ Ningeënaub dush, benuh kegemujjedooduhwahwahbun Jehovah keKesha‐Muhnedoomewah, kegeöozheähwahbun suh pezhekeens kahningahbekezwag: waweeb kegepuhkamwahbun emah meekunaung ewh Jehovah kahezhekuhgaunzoomenagoobun.

¹⁷ Ningeöodahpenahnun dush enewh neezh tasahbikoon ningeuhpuhgedahnun dush nuhyazh neninjeeng tahkoonuhmaumbaun, ningebahsesedoonun kuhya anahsuhmeyag.

¹⁸ Ningepungeshin dush anahsuhmeed Jehovah debishkoo goo netum, nemeduhnuh dussoogoon kuhya nemeduhnuh dussootebik: kahween Ningeäumwahse buhquazhegun, kahween kuhya ningemenequaseen nebe, oonje kuhkenuh enewh kebahtahzewinewaun kahezhebahtahzeyag anahsuhmeed Jehovah, chenishkeäg.

¹⁹ Ningekootaun mah oonishkahdezewin kuhya ookootahmegoogedahzoowin, Jehovah kahezhenishkanemenag chenishwuhnahjeënag. Jehovah dush ewh uhpe kuhya ningebezindaug.

²⁰ Jehovah dush kahuhpechenishkanemaud enewh Aaronun, me goo wenishwuhnahjeähpun: ningeähnuhmeätuhmuhwah dush kuhya Aaron ewh uhpe.

²¹ Ningeöodahpenaun dush kebahtahzewinewah, owh pezhekeens kahoozheägoobun, ningechahgizwah dush, ningepootahgahnah kuhya, ningebeseboonah kuhya wawane, kaguhpe goo weyuhgussaïng keëzhebesezid: ningeühpuhgedaun dush ewh weyuhgussa emuh sebeweshaïng wuhjewing kahoonjejewung.

²² Kuhya ewede Taberahing kuhya ewede Massahing kuhya ewede Kibroth Hattaävahing kegenishkeähwah Jehovah.

²³ Uhpe kuhya Jehovah ewede Kadesh‐Barneaïng kahoonje-mahjenaunzhuhoonag, oo‐oo keënenag, Uhwedebanduhmook ewh uhke kahmeenenuhgoog: kegemegahdahnahwah dush ookuhgequawin owh Jehovah keKesha‐Muhnedoomewah, kah dush kegedabwatuhwahsewah, kah kuhya kegebezindunsenahwah oodinwawin.

²⁴ Akookekanemenuhgoog kebemegahnahwah Jehovah.

²⁵ Me suh kahezhepungeshinaun anahsuhmeed Jehovah nemeduhnuh dussoogoon kuhya nemeduhnuh dussootebik, netum suh goo kahezhepungeshinaun; keëkedoobun mah Jehovah chenishwuhnahjeënag.

²⁶ Ningeähnuhmeätuhwah suh dush Jehovah, oo‐oo keënug, O Jehovah Kesha‐Muhnedoo, kagoo nishwuhnahjeähkan kedahnishenabamug kuhya ewh kedebandahsoowin, ewh kahkeeshpenuhdooyun kekechetwahwandahgoozewin oonje, ewh Egypting kahoonjesahgejewedooyun mashkuhwezemuhguk keninj keühyooyun.

²⁷ Mequanim kebuhmetahgunug, Abraham, Isaac, kuhya Jacob; kagoo ween kuhnuhwahbundunkan ookuhgaunzetuhmoowinewah oogoo ahnishenahbag, gamah kuhya oomujjeëzhewabezewinewah, gamah kuhya oobahtahzewinewah.

²⁸ Cheëkedoosigwah dush egewh anduhnuhkejig emuh uhkeeng kahoonjesahgejewezheyaung, Ewh Jehovah kebwahnuhwetood chepeendeguhnaud emuh uhkeeng ewh kahwahweenduhmuhwahpun, kuhya ewh kesheenganemaud, me ewh kahoonjesahgejewenaud chenesaud emuh buhgwuhduhkummig.

²⁹ Ahwewug dush ween egoo kedahnishenahbamug kuhya kedebandahsoowin, ewh kahsahgejewetooyun kekechemushkuhwezewin uhyooyun kuhya kenik kahshebenuhmun.