DEUTERONOMY 8 - Ottawa New Testament Penteteuch and Psalms 1874

¹ Kuhkenuh enewh kuhgequawinun noongoom kezhiguk azhekuhgaunzoomenaun kegahaungwahmezim cheëzhechegayag, chebemahdezeyag dush nah, kuhya chebahtuhyenooyag, kuhya cheühwedebanduhmag ewh uhke Jehovah kahmushkuhwe‐wahweenduhmuhwaud koosewahbuneen.

² Kegahmequandaun kuhya kuhkenuh ewh meekun emuh kahbeëzhewenik Jehovah ke‐Kesha‐Muhnedoom emuh buhgwuhduhkummig nemeduhnuh dussoopepoon, weduhbusseïk, kuhya wekuhgwakekanemik, wekekandung ewh atag kedaïng, chewekuhnuhwanduhmoowunan ookuhgequawinun, gamah kuhya kah.

³ Kegeduhbusseïg dush, kuhya kegepuhgedenig chepuhkuhdayun, kegeühshuhmig dush manna, ewh kahkekanduhsewun, kah kuhya koosebuneeg oogekekanduhsenahwahbun; chekekanduhmoonik dush enewh buhquazhegunun atuh oonje-bemahdezesig owh enene, anduchingin suh goo enewh ekedoowinun emuh Jehovah oodooning wanjesahguhuhmoomuhgukkin oonjebemahdeze owh enene.

⁴ Kahween kekataühyeëewunsenoon keduhgwewin kahuhgweyun, kahween kuhya kegebahgezidase, oonoo nemeduhnuh dussoopepoon.

⁵ Kegahnahnahguhduhwandaun suh kuhya emah kedaïng, ewh debishkoo enene azhepuhshunzhawaud oogwissun, me ewh Jehovah keKesha‐Muhnedoom azhepuhshunzhaöok.

⁶ Kegahkuhnuhwandahnun suh dush ookuhgequawinun owh Jehovah keKesha‐Muhnedoom, chebemoosayun emuh oomeekunaung, kuhya chekoosud.

⁷ Owh mah Jehovah keKesha‐Muhnedoom kedezhewenig wanezheshing uhkeeng, uhke emuh anduhgoogin sebeweshayun, enewh emuh mookejewung kuhya wahzebeyaunsun wanjejewungin emuh duhwuhdenaug kuhya wuhjewing;

⁸ Uhke emuh netahweging mezeminanse, kuhya muhnoo-min, kuhya shooweminuhgahwunzheeg, kuhya figoominuhgahwunzheeg, kuhya pomegranatug; uhke emuh duhgoomuhguk oliveühgahwunzhe‐pemeda, kuhya ahmoo‐seezebahquud;

⁹ Uhke emuh cheäumwud buhquazhegun wekah owh chemuhnazesewun, kahween gagoo kegahmuhnazeseen emuh; uhke enewh uhsineen emuh atagin pahwahbikoowungin, kedahkushketoon kuhya chemoonuhmun oozahwahbik emuh wuhjewing.

¹⁰ Uhpe keweseneyun kuhya kedabeseneyun, kegahmenoo‐kuhnoonah owh Jehovah keKesha‐Muhnedoom oonje ewh wanezheshing uhke kahmeenik.

¹¹ Aungwahmezin chewuhwanemahsewud Jehovah ke-Kesha‐Muhnedoom, ewh kuhnuhwandunsewun ookuhgequawinun, kuhya ootebahkoonegawinun, kuhya oodenahkoonegawinun, azhekuhgaunzoomenaun noongoom kezhiguk:

¹² Koonemah gooshuh keweseyun kuhya kedabeseneyun, kuhya keöozhetooyun quanaujewungin wegewaumun, kedahyun dush emuh:

¹³ Uhpe kuhya kepezhekemug kuhya kemahnishtahnishemug pahtuhyenoowaud, uhpe kuhya keshooneyaum kuhya kedoozahwe‐shooneyaum pahtuhyenuk, kuhya kuhkenuh gagoo ayahmun meshenuk;

¹⁴ Me dush cheöombenegahdag keda, kegahwuhwanemah dush Jehovah keKesha‐Muhnedoom, Egypt duhzhe uhkeeng kahoonjesahgejewenik, emuh kahduhzhekooduggeähnookeëgooyunbun;

¹⁵ Kahshahboowenik emuh kechebuhgwuhduhkummig ewh quatahmegwuk, emuh keühyahwaud ishkooda‐kenabigoog, kuhya mujje‐kenabigoonsug, kuhya kebuhbenakummegeda, kahween emah nebe keühyahsenoon; emuh pewahnuhgoouhsineeng kahoondenuhmook nebe;

¹⁶ Kahuhshuhmik manna emuh buhgwuhduhkummig, ewh kahkekandunzigwah koosebuneeg, cheduhbusseïk, kuhya chekuhgwakekanemik, chemenoodoodook bahmah ishquauj;

¹⁷ Oo‐oo dush ekedooyun kedaïng, Nemushkuhwezewin kuhya azhemushkuhwezemuhguk neninj ningekushketuhmahgoon oo‐oo wahnuhdezewin.

¹⁸ Kegahmequanemah suh Jehovah keKesha‐Muhnedoom: me mah owh mahnik mushkuhwezewin cheühyahmun wahnuhdezewin, chemushkuhwesedood dush oowahweenduhmahgawin kahezhemushkuhwe‐wahweenduhmuhwaud koosebuneen, debishkoo suh goo noongoom kezhiguk azhewabuk.

¹⁹ Tahpuhgummeühyahmuhgud dush, kishpin egoo wuhnanemud Jehovah keKesha‐Muhnedoom, noopenuhnudwah dush bakahnezejig muhnedoog, buhmetahwudwah kuhya, ahnuhmeätuhwudwah kuhya, kechewawane keweenduhmoonim noongoom kezhiguk ewh ahbedik chebuhnahdezeyag.

²⁰ Kegahezhebuhnahdezim debishkoo egewh ahnishenahbag Jehovah nashwuhnahjeähjin anahsuhmeengwayag; oonje suh wenuhetuneewag oodinwawin owh Jehovah keKesha‐Muhnedoomewah.