DEUTERONOMY 7 - Ottawa New Testament Penteteuch and Psalms 1874

¹ Uhpe Jehovah ke‐Kesha‐Muhnedoom peendeguhnik ewede uhkeeng ewh awedebanduhmun, sahgejewabenaud dush nebewah babuhkaun azheweenzoonid ahnishenahban emuh anahsuhmeyun, enewh Hittitun, kuhya enewh Girgashitun, kuhya enewh Amoritun, kuhya enewh Canaanitun, kuhya enewh Perizzitun, kuhya enewh Hiviteun kuhya enewh Jebusitun, neezhwahswe buhkaun azheweenzoonejin ahnishenahban nuhwuj kacheühpetandahgoozenejin kuhya nuhwuj mashkuhwezenejin keen dush ween;

² Uhpe dush Jehovah ke‐Kesha‐Muhnedoom puhgedenuhmook enewh; kegahpuhketawaug, kuhya wuhweenga kegahnishwuhnahjeäug; kahween gagoo kegahezhemushkuhwewah-weenduhmuhwahseeg, kahween kuhya kegahshahwanemahseeg:

³ Kahween kuhya kegahwedegamahseeg; kedaunun kahween kegahmenemahseen oogwissun, kahween kuhya kegahoodahpenuhmuhwahse kegwis enewh oodaunun.

⁴ Oogahquakenahwaun mah kegwissun magwah noopenuhnid, chebuhmetuhwaud dush bakahnezenejin muhnedoon: me suh dush chenishkanemenag Jehovah, kuhya chuhyuhsekah chenishwuhnahjeënag.

⁵ Oo‐oo suh atuh keguhuhyindooduhwahwaug; kegahbuhnahjetuhmuhwahwaug oosahsahgewejegun‐ahbikoomewaun, kuhya kegahpegooshemahwaug oomuzzeneneemewaun, kuhya kegahkuhwuhwahwaug oometigoomewaun, kuhya kegahchahgezwahwaug oomuzzeneneemewaun.

⁶ Kedahwim mah Pahnezenejin oodahnishenahbamun owh Jehovah ke‐Kesha‐Muhnedoomewah: Jehovah ke‐Kesha‐Muhnedoomewah kegewuhwanahbuhmegoowah kenuhwah tebenuhwa oodahnishenahbamun cheähweyag, menik anduhchewaud ahnishenahbag uhkeeng ayahjig.

⁷ Kahween Jehovah kegesahgeëgoosewah, kahween kuhya kegewuhwanahbuhmegoosewah, oonje kenuhwah nuhwuj bahtuhyenooyag ahnind dush ahnishenahbag; kenuhwah mah mahmuhwe kegepungeshawuggezim anduhchewaud ahnishenahbag:

⁸ Oonje suh goo atuh Jehovah kesahgeënag, kuhya keënandung chekuhnuhwandung ewh mushkuhwe‐keezhwawin kahezhemushkuhwe‐kuhnoonaud koosewahbuneen, Jehovah kegebesahgejewenegoowah mashkuhwezemuhgudenig ooninj uhyood, kuhya kegekeeshpenuhnegoowah emuh uhyahyagoo bun kahduhzhekoodugge‐uhnookeëgooyag, kekediskenenag ooninjeeng owh Pharaoh Egypt duhzhe keche‐oogemah.

⁹ Kekandun suh dush Jehovah ke‐Kesha‐Muhnedoom, ahwid Kesha‐Muhnedoo, natahdabwad Kesha‐Muhnedoo, kanuhwandung azhemushkuhwe‐wahweenduhmuhwaud kuhya katemahganemaud enewh suhyahgeëgoojin kuhya kanuhwanduhmenejin ookuhgequawinun nuhnauzh egoo medahswauk menik uhneähnekabemahdezenid;

¹⁰ Kuhya ahzhetuh‐tabuhuhmuhwaud mezheshuh enewh shaunganemegoojin wenishwuhnahjeäud: kahween tahbuhbakahdanduhse gagoo wedooduhwaud enewh shaunganemegoojin, mezheshuh nayaub oogahdebahuhmuhwaun.

¹¹ Kegahkuhnuhwandahnun suh dush enewh kuhgequawinun, kuhya enewh enahkoonegawinun, kuhya enewh tebahkoonegawinun, noongoom kezhiguk azhekuhgaunzoomenaun, cheëzhechegayun.

¹² ¶ Tahpuhgummeühyahmuhgud suh dush, kishpin bezinduhmag oonoo tebahkoonegawinun, kuhya kuhnuhwanduhmag, kuhya ezhechegayag, Jehovah ke‐Kesha‐Muhnedoom kegahkuhnuhwanduhmaug ewh wahweenduhmahgawin kuhya ewh ketemahganjegawin kahezhemushkuhwe‐wahweenduhmuhwaud koosebuneen:

¹³ Kegahsahgeïg dush, kuhya kegahshahwanemig, kuhya kegahbahtuhyenooïg: oogahshahwandaun kuhya azhemenewung kepuhyowh, kuhya azhemenewung keduhkeem, kemezemenansim, kuhya keshooweminahboom, kuhya kepemedam chebahtuhyenoowaud kedequa‐pezhekemug, kuhya kemahnishtahnishemug, emuh uhkeeng ewh kahmushkuhwe‐wahweenduhmuhwaud koosebuneen chemeenik.

¹⁴ Keen mahmuhwe kegahshahwandahgooz anduhchewaud ahnishenahbag: kahween tahuhyahse enene gamah kuhya equa wanejahnesesig emuh uhyahyun, gamah kuhya emuh uhyahwaud keduhwuhkaunug.

¹⁵ Jehovah kuhya kegahnkoonuhmaug kuhkenuh ahkoozewin, kahween kuhya kegahuhtuhmahgoose kuhnuhga pazhig enewh mujje‐enahpenawinun Egypting ayaugin, kekanduhmun; oogahuhtuhmuhwaun suh atuh kuhkenuh enewh shaunganemikwah.

¹⁶ Kegahjahgenuhnaug kuhya kuhkenuh egewh ahnishekahbag Jehovah ke‐Kesha‐Muhnedoom kapuhgedenuhmook; kahween kegahketemahgahbuhmahseeg: kahween kuhya kegahbuhmetuhwahseeg oomuhnedoomewaun; me gooshuh oo‐oo kaöonjenuhgwahnegooyun.

¹⁷ Kishpin suh oo‐oo ekedooyun kedaïng, Oogoo ahnishenahbag nuhwuj bahtuhyenoowug neen dush ween; ahneen nuh kaëzhekushketooyaun chemuhkuhmugwah ooduhkeemewah?

¹⁸ Kahween kegahkoosahseeg: kegahmequandaun suh wawane Jehovah ke‐Kesha‐Muhnedoom kahdooduhwaud Pharaohun, kuhya kuhkenuh ewh Egypt;

¹⁹ Enewh keche‐kuhgwatebaningawinun kahwahbunduhmun kishkeenzhigoon uhyooyun, kuhya enewh kekenuhwahjechegunun, kuhya enewh muhmaundahwechegunun, kuhya ewh mashkuhwezemuhguk ooninj, kuhya ewh oonik kahshebenuhming, kahoonjesahgejewenik Jehovah ke‐Kesha‐Muhnedoom: me suh oo‐oo Jehovah ke‐Kesha‐Muhnedoom kadooduhwaud kuhkenuh enewh ahnishenahban quasudjig.

²⁰ Kuhya dush Jehovah ke‐Kesha‐Muhnedoom oogahezhenezhuhwaun mujje‐ahmoon emuh uhyahwaud, nuhnauzh egoo egewh kahishkoonuhnindjig, kuhya kuhyahzootookig, kenishwuhnahjeïndwah.

²¹ Kahween kegahkoosahseeg: owh mah Jehovah ke-Kesha‐Muhnedoom keweejegoowah, Kesha‐Muhnedoo mashkuhwezeed kuhya quatahmegwandahgoozid.

²² Jehovah dush ke‐Kesha‐Muhnedoom oogahuhpeeche-nuhnaun enewh ahnishenahban anahsuhmeyun papunge chenesaud: kahween keche‐waweeb kegahjahgenuhnahseeg, koonemah suh ashkum tahbahtuhyenoowug egewh uhwaseyug emuh uhkeeng ayahjig emuh uhyahyun.

²³ Jehovah suh ke‐Kesha‐Muhnedoom kegahpuhgedenuhmaug enewh, oogahkechebuhnahjeäun dush, peenish egoo nishwahnahdezewaud.

²⁴ Kegahpuhgedenuhmaug kuhya keninjeeng enewh ookecheoogemahmewaun, kegahbuhnahjetuhmuhwaug dush oodenoozoowinewah uhnaume‐kezhigoong: kahween ahweyah oogahkushketooseen chenebuhwid anahsuhmeyun, peenish egoo kenishwuhnahjeüdwah.

²⁵ Kegahchahgezuhmuhwahwang oomuzzeneneemewaun azhenahgoozenid oomuhnedoomewaun: kahween kegahnunduhwanduhseen ewh shooneyah gamah ewh oozahwe‐shooneyah kagishkuhmoowaud, kahween kuhya kegahoodahpenuhmahzoose, chenuhgwahnegoosewun dush: owh mah Jehovah ke‐Kesha‐Muhnedoom ooguhgwahnesuhgandaun ewh.

²⁶ Kahween kuhya ewh kagwahnesuhgandahgwuk kegahpeendegudooseen andahyun, chekuhgwahnesuhgandahgoozesewun dush debishkoo ewh: kegahkechesheengandaun suh kuhya kegahkuhgwahnesuhgandaun; kuhgwahnesuhgandahgwud mah.