DEUTERONOMY 6 - Ottawa New Testament Penteteuch and Psalms 1874

¹ Me suh oonoo kuhgequawinun, enahkoonegawinun, kuhya tebahkoonegawinun, Jehovah ke‐Kesha‐Muhnedoomewah kahkuhgaundwad chekekinooühmahgooyag, cheëzhechegayag dush ewede uhkeeng ewh awedebanduhmag:

² Chekoosud Jehovah ke‐Kesha‐Muhnedoom, chekuhnuhwanduhmun kuhkenuh oodenahkoonegawinun kuhya ookuhgequawinun, azhekuhgaunzoomenaun, keen, kuhya kegwis kuhya kegwis oogwissun, kuhkenuh kekezhigudoomun menik kabemahdezeyun.

³ ¶ Noondun suh dush, O Israel, kuhya aungwahmezin cheëzhechegayun; cheminwahbuhmawezeyun dush, kuhya ashkum chekechebahtuhyenooyag, debishkoo suh Jehovah oo‐kesha‐Muhnedoomewaun koosebuneeg kahezhewahweenduhmook, ewede uhkeeng anduhnejewung doodooshahboo kuhya ahmoo‐seenzebahquud.

⁴ Noondun, O Israel: Owh Jehovah ke‐Kesha‐Muhnedoomenaun pazhig Jehovah ahwe:

⁵ Kegahsahgeäh suh Jehovah ke‐Kesha‐Muhnedoom anegookoodaäyun, kuhya anegookoojechaugooweyun, kuhya apeecheweyun.

⁶ Oonoo kuhya ekedoowinun, noongoom kezhiguk azhekuhgaunzoomenaun, emuh kedaïng tahuhyahwun:

⁷ Kegahkekenooühmuhwaug dush wawane kenejahnesug oonoo kuhya kegahduhzhindahnun uhpe nanahmuhduhbeyunin emuh andahyun, uhpe kuhya papahmoosayunin emuh meekunaung, uhpe kuhya kaweshemooyunin, uhpe kuhya wanishkahyunin.

⁸ Kegahminjemuhpedoonun kuhya emuh keninjeeng kaöonjekekenuhwahjetooyun, nesuhwuhyeëe kuhya emuh uhyahgin kishkeenzhigoon tahminjemesinoon.

⁹ Kegahoozhebeähnun kuhya emuh wanjeähswahquuhegahdag kewegewaum, kuhya emuh kedishquaundaming.

¹⁰ Tuhpuhgummeühyahmuhgud dush, uhpe owh Jehovah ke‐Kesha‐Muhnedoom kepeendegunik emuh uhkeeng kahmushkuhwe‐wahweenduhmuhwaud koosebuneen, Abrahamun, Isaacun, kuhya Jacobun, chemeenik oodanuhwun machaugin kuhya quanaujewungin, keen kahoozhetoosewun,

¹¹ Kuhya wegewaumun kuhkenuh uhnooj gagoo wanezheshing emuh mwaushkenag, keen kahmooshkenuhdoosewun, kuhya oonduhebaunun kahwahnekahduhming, keen kahwahnekahdunsewun, shoowemine‐ketegaunun kuhya ooliveühgahwunzhe‐metigoog, kahketegaunahsewudwah; uhpe keweseneyun kuhya kedabeseneyun;

¹² Aungwahmezin chewuhnanemahsewud Jehovah, emuh Egypt duhzhe uhkeeng kahoonjesahgejewenik, emuh kahduhzhekooduggeühnookeyun.

¹³ Kegahkoosah suh Jehovah ke‐Kesha‐Muhnedoom, kuhya kegahbuhmetuhwah, kuhya kegahmushkuhwe‐keezhwa oodenoozoowin uhyooyun.

¹⁴ Kahween kegahnoopenuhnahsewaug bakahnezejig muhnedoog, oomuhnedoomewaun egewh ahnishenahbag kewetahuhyeëe uhyahyag ayahjig;

¹⁵ (Owh mah Jehovah ke‐Kesha‐Muhnedoom kazhahwanjegashkid Kesha‐Muhnedoo ahwe emah uhyahyag) chenishkanemesenook dush Jehovah ke‐Kesha‐Muhnedoom, kuhya chegahseöosenoowag emuh oodangwuhyewung ewh uhke.

¹⁶ ¶ Kahween kegahkuhgwadebanemahsewah Jehovah ke‐Kesha‐Muhnedoomewah, debishkoo kahezhekuhgwade-banemag ewede Massahing.

¹⁷ Wawane suh kegahkuhnuhwandahnahwaun ooguhge-quawinun owh Jehovah ke‐Kesha‐Muhnedoomewah, kuhya enewh oodebahjemoowinun, kuhya oodenahkoonegawinun, kahezhekuhgaunzoomik.

¹⁸ Kegahezhechega dush ewh quayukwandahgwuk kuhya wanezheshing emah anahsuhmeed Jehovah: cheminwahbuhmawezeyun dush, kuhya cheahwedebanduhmun ewh wanezheshinguhke Jehovah kahmushkuhwe‐wahweenduhmuhwaud koosebuneen,

¹⁹ Chesahgejewabenaud kuhkenuh egewh shaunganemikig emuh anahsuhmeyun, debishkoo suh goo Jehovah kahekedood.

²⁰ Uhpe dush kegwis bahwah uhpe kuhgwajemik, oo‐oo enik, Ahneen suh anandahgwukkin enewh debahjemoowinun, kuhya enewh enahkoonegawinun, kuhya enewh tebahkoonegawinun, Jehovah ke‐Kesha‐Muhnedoomenaun kahezhekuhgaunzoomik?

²¹ Me dush oo‐oo cheënud owh kegwis, Pharaoh ningeühwuhkaunegoomenahbun Egypting; Jehovah dush Egypting ningeöonjesahgejewenegoonaun mashkuhwezemuhgudenig ooninj uhyood:

²² Jehovah dush oogewahbunduhewanun kekenuhwahjechegunun kuhya muhmaundahwechegunun quatahmegwandahgwukkin kuhya majeühyeëewishewungin, ewede Egypting, oonje enewh Pharaoh, kuhya kuhkenuh enewh dabandahgoozenid oowegewauming, anahsuhmeyaung:

²³ Emuh dush ningeöonjesahgejewenegoonaun, chepeendiguhzheyungid dush chemeezheyungid ewh uhke kahmushkuhwewahweenduhmuhwaud noosenahnin.

²⁴ Jehovah dush ningekuhgaunzoomegoonaun cheëzhechegayaung kuhkenuh oonoo enahkoonegawinun, chekoosungid Jehovah ke‐Kesha‐Muhnedoomenaun, kaöonjemenwahbuh-mawezeyaung dush kahgenig, chebemahjeëyungid, debishkoo suh goo noongoom kezhiguk azhewabuk.

²⁵ Kegahdabeëdezoomin dush, kishpin aungwahmezeyung cheëzhechegayung kuhkenuh oonoo kuhgequawinun anahsuhmeed Jehovah ke‐Kesha‐Mudnedoomenaun, debishkoo kahezhekuhgaunzoomenung.