DEUTERONOMY 5 - Ottawa New Testament Penteteuch and Psalms 1874

¹ Moses dush oogenundoomaun kuhkenuh enewh Israelun, oo‐oo dush oogeënaun, Noonduhmook, O Israel, enewh enahkoonegawinun kuhya enewh tebahkoonegawinun wuhyahweenduhmaun ketuhwuhgahwaung noongoom kezhiguk, chekekanduhmag dush, kuhya chekuhnuhwanduhmag, kuhya cheëzhechegayag.

² Owh Jehovah keKesha‐Muhnedoomenaun kegemushkuh-wewahweenduhmahgoonaun ewede Horebing.

³ Jehovah kahween oo‐oo oogeëzhemushkuhwewahween-duhmuhwahseen koosenahnin, kenuhwind suh atuh, kuhkenuh oomah ayahyung bamahdezeyung noongoom kezhiguk.

⁴ Jehovah kegemechekuhnoonegoowah ewede wuhjewing nahwishkoodang oonje,

⁵ (Ningenebowh nesuhwuhyeëe emuh uhyaud Jehovah kuhya kenuhwah ewh uhpe, chewahbunduhenuhgoog Jehovah oodekedoowin: kegesagezim mah ewh ishkooda oonje, kah dush kegeoohgedahkewaseem;) oo‐oo keëkedood,

⁶ ¶ Neen nindowh Jehovah keKesha‐Muhnedoom, emuh Egypt duhzhe uhkeeng kahoonjesahgejewenik, emuh kahduhzhekoodugge‐ähnookeëgooyun.

⁷ Kahween bakahnezejig muhnedoog kegahuhyahwahseeg emuh anahsuhmeyaun.

⁸ Kahween keguhoozhetuhmahdezoose muzzenene, kamah kuhya gagoo azhenahgwuk ishpeming kezhigoong, kamuh kuhya uhkeeng nesuhyeëe, gamah kuhya nebekaung ahnaumuhkummig:

⁹ Kahween kegahshuhgushketuhwahseeg, kahween kuhya kegahbuhmetuhwahseeg: neen mah Jehovah uhyahweyaun keKesha‐Muhndoom kazhahwanjegashkid Kesha‐Muhnedoo nindowh, nuhnaunzekuhmuhwugwah oomujjeëzhewabezewinewah egewh wayoosemindjig enewh oonejahnesewaun nuhnauzh egoo nesing kuhya newing uhneähnekabemahdezewaud egewh shaunganemejig,

¹⁰ Shahwanemugwah dush ween nebewah dusswauk egewh suhyahgeëjig kuhya kanuhwandungig ninkuhgequawinun.

¹¹ Kahween wuhnishquauch kegahwahweendunseen oodezhenekahzoowin owh Jehovah keKesha‐Muhnedoom: kah mah Jehovah oogahmenooënanemahseen enewh wuhnishquauch kawahweenduhmenejin oodezhenekahzoowin.

¹² Kuhnuhwandun ewh ahnuhmeäkezhig chekechetwahwetooyun, debishkoo suh Jehovah keKesha‐Muhnedoom kahezhekuhgaunzoomik.

¹³ Ningoodwahsoogoon kegahuhnooke, cheëzheuhnookeyun kuhkenuh wahenuhnookeyun:

¹⁴ Ewh dush ween neezhwahsookezhig me ewh oodahnuhmeäkezhigoom owh Jehovah ke‐Kesha‐Muhnedoom: ewh uhpe kahween gagoo kegahenuhnookese, keen, kuhya kegwis, kuhya kedaun, kuhya kebuhmetahga‐weneneem, kuhya kebuhmeetahga‐equam kuhya keduhnooke‐pezhekeem kuhya kemamaungeshaïm, kuhya ahweyah keduhwuhkaun, kuhya owh mayuggezid paundegook; owh dush nah kebuhmetahga‐weneneem kuhya owh kebuhmetahgaquam cheünwabewaud debishkoo goo keen.

¹⁵ Mequandun kuhya kebuhmetahga‐weneneweyumbun ewede Egypt duhzhe uhkeeng, kuhya ewede keöonjesahgejewenik owh Jehovah ke‐Kesha‐Muhnedoom, uhyood ewh mashkuhwezemuhgudenig ooninj kuhya ewh oonik kahshebenung: me suh dush Jehovah ke‐Kesha‐Muhnedoom kahoonjekuhgaunzoomik chekuhnuhwanduhmun ewh ahnuhmeäkezhig.

¹⁶ ¶ Kechetwahwanim koos kuhya keguh, debishkoo kahezhekuhgaunzoomik Jehovah ke‐Kesha‐Muhnedoom; cheöonjekenwahtoong dush kekezhigoomun, cheminwahbuhmawezeyun kuhya, emah uhkeeng ewh mahnik Jehovah ke-Kesha‐Muhnedoom.

¹⁷ Kahween kegahneshewase.

¹⁸ Kahween kuhya kegahpeshegwahdezese.

¹⁹ Kahween kuhya kegahkemoodese.

²⁰ Kahween kuhya kegahkuhgenuhwishke‐bahtahmahse keejduhnuhkewamahgun.

²¹ Kahween kuhya kegahnunduhwanemahse keejduhnuhkewamahgun wewun, kahween kuhya kegahshoobeëgooseen keejduhnuhkewamahgun oowegewaum, ooketegaun, gamah oobuhmetahga‐wenenemun, gamah oobuhmetahgaquawun, oopezhekemun, gamah oomamaungeshaëmun, gamah gagoo dabandung keejduhnuhkewamahgun.

²² ¶ Oonoo ekedoowinun Jehovah kegeëgoowah kuhkenuh kenuhwah mahwunjeëdeyag ewede wuhjewing nahwishkoodang oonje, kuhya magwa‐pesuhgeeshtebik, kechekezhewad: kah dush uhwushema gagoo keëkegoose. Neezh dush tasahbikoong oogeöozhebeähnun, ningepuhgedenuhmaug dush enewh.

²³ Kepuhgummeühyahmuhgud dush, uhpe nwaunduhmag ewh inwawin wanzetahgwuk emuh nahwuhyeëe pesuhgeeshtebikuk, (ewh mah wuhjewh kesuhkedamuhgud,) pashoo kegebeëzhaum emah uhyahyaun, kuhkenuh suh goo egewh nahgahnezejig emuh kedenoodawezewinewaung, kuhya egewh keduhkewazeyemewaug;

²⁴ Oo‐oo dush kegeëkedoom, Benuh Jehovah ke‐Kesha‐Muhnedoomenaun kegewahbunduhegoonaun oopeshegandahgoozewin kuhya oodishpandahgoozewin, kegenoondahmin kuhya oodinwawin kahoonzetahgwuk emuh nahwishkoodang: kegewahbundahmin noongoom ewh Kesha‐Muhnedoo kuhkuhnoonaud enenewun, bemahdezenid dush.

²⁵ Wagoonan suh dush kaöonjenebooyaungebun? ningah-jahgezoogoomin gooshuh oo‐oo kecheïshkooda: kishpin menuhwah noonduhmaung oodinwawin Jehovah ke‐Kesha‐Muhnedoomenaun, me suh chenebooyaung.

²⁶ Ahwanan mah anduhchewaud egewh wahyausewejig, kahnoondung oodinwawinene enewh bamahdezenid Kesha‐Muhnedoon emuh nahwishkoodang oonjekekedoonid, debishkoo nenuhwind kahezhenoonduhmaung, kahbemahdezid dush?

²⁷ Pashoo suh keen ezhaun, bezindun dush kuhkenuh Jehovah ke‐Kesha‐Muhnedoomenaun kaëkedood: weenduhmuhweshekaung dush kuhknnuh kaënik owh Jehovah keKesha‐Muhnedoomenaun; ningahnoondahmin dush, ningahezhechegamin kuhya.

²⁸ Jehovah dush oogenoondahnun kedekedoowinewaun, uhpe kanoozheyag; Jehovah dush oo‐oo ningeïg, Ningenoondahnun oodekedoowinewaun oogoo ahnishenahbag, kahezhekuhnoonikwah: wawane suh keëkedoowug kuhkenuh kahezhekekedoowaud.

²⁹ Pagish ezhedaäwahpun, chekooshewahpun dush, kuhy chekuhnuhwanduhmoowahpun kuhkenuh ninkuhgequawinun moonzhug, cheminwahbuhmawezewahpun dush, kuhya enewh oonejahnesewaun kahgenig!

³⁰ Oo‐oo suh uhweëzhe, Nayaub ezhahyook kepuhpuhgewuhyahnegummigoowaung.

³¹ Keen dush ween, weejegahbuhwetuhweshin oomah, kegahweenduhmoon dush kuhkenuh enewh kuhgeqwawinun, kuhya enewh enahkoonegawinun, kuhya enewh tebahkoonegawinun, kakekenooühmuhwudwah, cheëzhechegawaud dush emuh uhkeeng ewh mahnugwah chedebanduhmoowaud.

³² Kegahkuhnuhwandahnahwaun suh dush cheëzhechegayag debishkoo Jehovah ke‐Kesha‐Muhnedoomewah kahezhekuhgaunzoomenag: kahween kegahpuhkaseem ewede ookechenekahmaung enuhguhkayah gamuh oonuhmunjenikahmaung enuhguhkayah.

³³ Kegahpemoosam emuh meekunaung anduhchingin kahezhekuhgaunzoomenag Jehovah ke‐Kesha‐Muhnedoomewah, chebemahdezeyag dush nah, kuhya cheminwahbuhmawezeyag, kuhya chekinwahtoong enewh kekezhigudoomewaun emuh uhkeeng ewh kadebanduhmag.