DEUTERONOMY 4 - Ottawa New Testament Penteteuch and Psalms 1874

¹ Bezindun suh dush, O Israel, enewh enahkoonegawinun kuhya tebahkoonegawinun, kakenooühmoonenuhgoog cheëzhechegayag, cheöonjebemahdezeyag kuhya cheühwedebanduhmag ewh uhke mahnenag owh Jehovah ooKesha‐Muhnedoomewaun koosewahbuneeg.

² Kahween gagoo uhwushema kegahuhtoosenahwah emuh ekedoowining ewh azhekuhgaunzoomenenuhgoog, kahween kuhya gagoo kegahoodahpenunsenahwah emuh, chekuhnuhwanduhmag ookuhgequawinun owh Jehovah keKesha‐Muhnedoomewah azhekuhgaunzoomenenuhgoog.

³ Kishkeenzhigoowaun uhyooyag kegewahbundahnahwah Jehovah kahezhechegad oonje enewh Baal‐peorun, kuhkenuh mah enewh enenewun kahnoopenuhnahnid Baal‐peorun Jehovah keKesha‐Muhnedoomewah oogenishwuhnahjeäun emuh anahsuhmeühyahyag.

⁴ Kenuhwah dush kahminjemenag Jehovah keKesha‐Muhnedoomewah kebemahdezim anduhcheyag noongoom.

⁵ Benuh kegekekenooühmoonim enahkoonegawinun kuhya tebahkoonegawinun, debishkoo suh goo owh Jehovah ninKesha‐Muhnedoom kahezhekuhgaunzoomid, cheëzhechegayag dush ewh emuh uhkeeng ewh awedebanduhmag.

⁶ Kuhnuhwanduhmook suh dush kuhya ezhechegayook; me suh oo‐oo kenebwahkahwinewah kuhya kenesedootum-moowinewah emuh anahsuhmewaud egewh uhnooj azheweenzoojig ahnishenahbag, kanoondungig kuhkenuh oonoo enahkoonegawinun, oo‐oo dush kaëkedoowaud, Kagate suh oogoo kachetwahwandahgoozejig ahnishenahbag nabwahkahjig kuhya natahnesedootungig ahnishenahbag ahwedooganug.

⁷ Ahwananug mah ahuishenahbag azhekechetwahwandahgoozewaud, pashoo cheëzheweejewegoowaud Kesha‐Muhnedoon, debishkoo owh Jehovah keKesha‐Muhnedoomenaun kuhkenuh azhenundwawanduhmuhwung?

⁸ Ahwananug kuhya ahnishenahbag azhekechetwahwandahgoozewaud, ayaungig enahkoonegawinun kuhya tebahkoonegawinun azhequuhyukwukkin debishkoo kuhkenuh oo‐oo enahkoonegawinun, pagedenuhmoonenuhgoog noongoom?

⁹ Aungwahmezin suh atuh, kuhya aunwahjeen chekuhnuhwanemud kejechaug, chewuhnanduhsewun dush enewh kahwahbunduhmun kishkeenzhigoon uhyooyun, kuhya emuh kedaïng cheöonjemahjahmuhgussenoogin menik kabemahdezeyun: kekenooühmowh dush kegwissug, kuhya oogwissewaun kegwissug, enewh;

¹⁰ Maminduhga ewh kezhigud uhpe kenebuhweyun anahsuhmeühyaud Jehovah keKesha‐Muhnedoom ewede Horebing, uhpe owh Jehovah oo‐oo kahezhid, Mahwunzoom egewh ahnishenahbag emuh uhyahyaun, ningahnoonduhmoonaug dush nindekedoowinun, chekekanduhmoowaud dush chekooshewaud menik kabemahdezewaud uhkeeng, chekekenooühmuhwahwaud kuhya oonejahnesewaun.

¹¹ Pashoo dush kegebeëzhaum kuhya uhnaum‐wuhjewing kegenebuhwim; ewh dush wuhjewh kejahgedamuhgud nuhnaunzh egoo nahookezhig, kekushketebikud bakish, kuhya keningwahnuhquud, kuhya kekechebesuhkeeshtebikud.

¹² Jehovah dush emuh nahwishkoodang kegeöoonjekuhnoonegoowah: kegenoondahnahwaun enewh ekedoowinun, kah dush gagoo kegeëzhenuhseem; me atuh kenoonduhmag inwawin.

¹³ Kegeweenduhmahgoowah dush ewh oowahweenduhmahgawin, kahkuhgaunzoomenag cheëzhechegayag, medahswe kuhgequawinun suh goo; oogeöozhebeähnun dush neezh tasahbikoong.

¹⁴ ¶ Jehovah dush ewh uhpe ningekuhgaunzoomegoobun chekekenooühmoonuhgoog enahkoonegawinun kuhya tebahkoonegawinun, cheëzhechegayag dush emuh uhkeeng ewh awedebanduhmag.

¹⁵ Aungwahmenedezooyook suh dush; kah mah gagoo kegeëzhenuhseem ewh kezhiguk uhpe Jehovah kanoonenag Horebing nahwishkoodang oonje:

¹⁶ Chebuhnahjeëdezoosewag dush, kuhya cheöozheähsewag mazenekoojegahzood muzzenene, nahsaub gagoo azhenahgwuk azhenahgoozid enene gamah kuhya equa,

¹⁷ Azhenahgoozid ahweyah uhwase uhkeeng ayaud azhenahgoozid ahweyah waningwegunid penase kezhigoong pabahmesad,

¹⁸ Azhenahgoozid ahweyah pabahmoodad uhkeeng, azhenahgoozid ahweyah gegoo nebekaung ayaud uhnaumuhkummig:

¹⁹ Kuhya kezhigoong cheëzheöombenuhsewun kishkeenzhigoon, uhpe dush wahbuhmud keezis, kuhya tebik‐keezis, kuhya egewh uhnungoog, kuhkenuh suh goo egewh buhyahtuhyenoojig kezhigoong, chegaundenegoosewun cheähnuhmeätuhwudwah, kuhya chebuhmeetuhwudwah, enewh Jehovah keKesha‐Muhnedoom mahnahjin kuhkenuh uhnooj azheweenzoonejin ahnishenahban uhnaume‐kezhigoong.

²⁰ Jehovah dush kegeöodahpenegoowah, kuhya pewahbikoo‐ningahpekezeguning kegeöonjesahgejewenegoowah, Egypting suh goo, cheähweyag oodahnishenahbamun dabandahsood, debishkoo suh goo noongoom azheühyahyag.

²¹ Jehovah dush kuhya ningenishkanemig kenuhwah oonje kemushkahweke‐kedoo dush cheähzhuhwuhunsewun Jordan, kuhya chepeendegasewaun emuh wanezheshing uhkeeng, ewh Jehovah keKesha‐Muhnedoome mahnik chedebanduhmun;

²² Ningahnib suh emuh uhkeeng, kahween suh ningahahzhuhwuhunseen ewh Jordan; kenuhwah dush ween kegahahzhuhwuhoom, kuhya kegahdebandahnahwah ewh wanezheshing uhke.

²³ Aungwaumezeyook, chewuhnandahsewag ewh oowahweenduhmahgawin Jehovah keKesha‐Muhnedoomewah, kahoozhetuhmoonag, kuhya cheöozhetuhmahzoosewag mazenekoojegahzood muzzenene, gamah kuhya gagoo azhenahgwuk, Jehovah keKesha‐Muhnedoom kahkenuhuhmook.

²⁴ Owh mah Jehovah keKesha‐Muhnedoom chuhyahgahkezoowamuhguk ishkooda ahwe, Kesha‐Muhnedoo suh goo kazhahwanjegashkid.

²⁵ ¶ Uhpe oonejahneseyun, kuhya oonejahnesewaud koozheshayug kenwazh kuhya keühyahyun emuh uhkeeng, buhnahjeëdezooyag dush, oozheäg kuhya muzzenene, gamah gagoo azhenahgwuk, mujjeëzhechegayag dush emuh anahsuhmeed Jehovah keKesha‐Muhnedoomewah, chenishkeäg;

²⁶ Nebepahgindaun ishpeming kuhya uhke noongoom kezhiguk chedebahjemegooyag, ewh webuh chejahgenayag emuh uhkeeng ewh awedebanduhmag ahzhuhwuhuhmag ewh Jordan; kahween kenwazh kegahuhyahseem ewede, kegahwuhweengabuhnahdezim suh goo.

²⁷ Jehovah dush kegahsuswashkahgoowah emuh uhyahwaud uhnooj azheweenzoojig ahnishenahbag, kegahpungeshawuhgezim menik kaïshkoonayag emah uhyahwaud muhyug ahnishenahbag, ewede kaëzhewenenag Jehovah.

²⁸ Me dush emuh chebuhmeetuhwagwah muhnedoog, enenewun kahoozheëgoowahjin, metig kuhya uhsin, wuhyahbesegoog, kuhya nwaundahgasegoog, kuhya wahsenesegoog, kuhya manaunjegasegoog.

²⁹ Kishpin dush ween ewede nunduhwahbuhmud owh Jehovah keKesha‐Muhnedoom, kegahmekuhwah kishpin nunduhwahbuhmud anegookoodaäyun kuhya anegookoojechaugooweyun.

³⁰ Uhpe kooduggezeyun, kuhkenuh dush oonoo buhgummishkahgooyun, wekah goo bahmah, kishpin quakegahbuhwetuhwud Jehovah keKesha‐Muhnedoom, kuhya nuhetuhmun oodekedoowin;

³¹ (Owh mah Jehovah keKesha‐Muhnedoom shawanjegad Kesha‐Muhnedoo ahwe;) kahween kegahnuhguhnegoose, kahween kuhya kegahnishwuhnahjeëgoose, kahween kuhya oogahwuhnandunseem ewh wahweenduhmahgawin kahezhewahweenduhmuhwahpun koosewahbuneen.

³² Enushka suh kuhgwajindun enewh kezhigudoon kahkuhbekoosagin, kahuhyahgin chebwahuhyahyun, ewh goo kezhigud uhpe Kesha‐Muhnedoo wazheäud enenewun uhkeeng, kuhgwadwan kuhya oopemaühyeëe kezhigoong nuhnaunzh egoo ewede nuhpauj enuhka, chegeühyahmuhgudoogwan gagoo anandahgwuk nahsaub oo‐oo kacheühpetandahgwuk, gamah chegedebahdooduhming nahsaub oo‐oo anandahgwuk?

³³ Wekah nuh koo ahnishenahbag oogenoonduhwahwahbuneen Kesha‐Muhnedoon kahkekedoonid emuh nahwishkoodang, debishkoo keen kahenetuhmun, bemahdezewaud dush?

³⁴ Gamah nuh Kesha‐Muhnedoo oogewekoojetoon cheühweöodahpenaud ahnishenahban ayahnid magwauhyeëe uhyahwaud bakahnezejig ahnishenahbag, uhyood kuhgwajeëwawinun, kekenuhwahjechegunun, kuhya muhmaundahwuh-nookewinun, kuhya megahdewin, kuhya oomushkuhwenekawin, kuhya oonik kahshebenung, kuhya keche‐sageëwawinun, nahsaub egoo kuhkenuh Jehovah keKesha‐Muhnedoomewah kahuhyindoodoonag Egypting anahsuhmeyag?

³⁵ Keen kegewahbunduhegoo, chekekanduhmun Jehovah ahwid Kesha‐Muhnedoo; kahween ahweyah bakahnezid uhyahse ween atuh.

³⁶ Ishpeming kegeöonjenoonduhmoonig, chekekenooühmook; uhkeeng kuhya kegewahbunduhig ookecheïshkoodam; kegenoondahnun dush oodekedoowinun kahekedood nahwishkooda.

³⁷ Oonje suh kesahgeäud koosebuneen, oogewuhwanahbuhmaun oonejahnesene kahnebemahdezenid, Egypting dush kegeöonjesahgejewenig anahsuhmeed ookechemushkuhwezewining;

³⁸ Chesahgejenahzhuhwaud ahnishenahban uhnooj azheweenzoonejin emuh anahsuhmeyun nuhwuj kacheühpetandahgoozejig kuhya nuhwuj mashkuhwezejig keen dush ween, chepeendeguhnenaun, chemenenaun ooduhkeemewah chedebanduhmun, debishkoo suh goo noongoom azhewabuk.

³⁹ Kekandun suh dush noongoom, kuhya nahnahguhduhwandun emuh kedaïng, ewh Jehovah ahwid Kesha‐Muhnedoo ewede kezhigoong ishpeming, kuhya uhkeeng duhbuhsheesh: kahween ahweyah bakahnezid uhyahse.

⁴⁰ Kegahkuhnuhwandahnun suh dush enewh oodenahkoonegawinun, kuhya ookuhgequawinun, noongoom azhekuhgaunzoomenaun, cheminwahbuhmawezeyun dush nah, keen kuhya kenejahnesug kanebemahdezejig keïshquahbemahdezeyun, kenwazh dush kuhya chebemahdezeyun emuh uhkeeng, ewh mahnik Jehovah keKesha‐Muhnedoom kahgenig.

⁴¹ ¶ Me dush Moses puhkaun keënahkoonung neswe oodanuhwun oondaus‐enuhkagaum Jordan ewede mookuhung keezis enuhguhkayah:

⁴² Owh dush nashewad emuh cheëzhenezhemood, owh kapechenesaud weejahnishenahban, kuhya kuhyet kahsheenganemahsig; chebemahdezid dush ezhenezhemood pazhig oonoo oodanuhwun:

⁴³ Me suh oonoo, Bezer emuh buhgwuhduhkummig emuh oomushkoodamewaung egewh Reubenitug; kuhya Ramoth emuh Gileading, emuh uhyahwaud egewh Gaditug; kuhya Golan emuh Bashaning, emuh uhyahwaud egewh Manassitug.

⁴⁴ ¶ Me suh kuhya oo‐oo enahkoonegawin Moses kahpuhgedenuhmuhwaud Israel oonejahnesun:

⁴⁵ Me suh oonoo debahjemoowinun, kuhya enahkoonegawinun, kuhya debahkoonegawinun, Moses kahenaud Israel oonejahnesun, ahzhe Egypting kahoonjesahguhuhmoowaud,

⁴⁶ Oondaus‐enuhkagaum Jordan, emuh duhwuhdenaug debishkoo Beth‐peoring, emuh ooduhkeeming Sihon egewh Amoritug ookecheöogemahmewaun, kahduhnuhkeed Heshboning, enewh kahpuhketawahwahjin Moses kuhya Israel oonejahnesun, ahzhe Egypting kahoonjesahguhuhmoowaud:

⁴⁷ Oogedebandahnahwah dush ooduhkeemene, kuhya ooduhkeem Og Bashaning duhzhe kecheöogemah, neenzh wagemahkunduhwahwahpuneeg enewh Amoritun, oondaus‐enuhkagaum Jordan ayahpuneeg ewede mookuhung keezis enuhkayah;

⁴⁸ Ewede Aroer oonje, ewh cheegsebe Arnoning ayaug, nuhnaunzh egoo ewede wuhjewing Sion, me ewh Hermon,

⁴⁹ Kuhya kuhkenuh ewh mushkooda oondaus‐enuhkagaum Jordan wahbunoong enuhguhkayah, nuhnaunzh egoo ewede mushkooda‐kechegummeeng, duhbuhsheesh emuh muhmooke-jewung ewh Pisgah.