DEUTERONOMY 34 - Ottawa New Testament Penteteuch and Psalms 1874

¹ Moses dush emuh Moab mushkoodang keöonjemahjah emuh dush Nebo wuhjewing keëzhaud, wuhgedahke Pisgahing, debishkoo Jerichoing ayaug. Jehovah dush oogewahbunduhaun kuhkenuh ewh Gilead uhke, nuhnaunzh egoo Daning,

² Kuhya kuhkenuh Naphtali, kuhya ewh Ephraim uhke, kuhya Manasseh, kuhya kuhkenuh ewh Judah uhke, nuhnaunzh egoo ewede kechegummeeng ishquahyeëe ayaug,

³ Kuhya shahwunoong, kuhya ewh mushkooda emuh tuhwuhdenaug Jericho, ewh oodanuh emuh netahwegewaud palmenuhgahwunzheeg, nuhnaunzh egoo Zoaring.

⁴ Jehovah dush oo‐oo oogeënaun, Me suh oo‐oo uhke kahmushkuhwe‐wahweenduhmuhwugwahbun Abraham, Isaac, kuhya Jacob, oo‐oo keëkedooyaun, Ningahmeenaug ewh kenejahnesug: kedenanemin chewahbunduhmun kishkeenzhigoon uhyooyun, kah dush ween kegahahzhuhwuhoose ewede.

⁵ Owh suh dush Moses oobuhmeetahgunun Jehovah keneboo emuh Moab uhkeeng, kahekedood egoo Jehovah.

⁶ Oogepuhgedanemaun dush emuh duhwuhdenaug Moab uhkeeng, debishkoo Bethpeoring; kah dush ween ahweyah enene ookekandunseen oochebagummig nuhnaunzh egoo noongoom kezhiguk.

⁷ ¶ Moses dush keningoodwauk‐uhshe‐neeshtuhnuh‐dussoo‐pepoonuhgeze uhpe nabood: kahween kebegesuhwahbese, kahween kuhya oomushkuhwezewin oogenuhguhnegooseen.

⁸ ¶ Israel dush oonejahnesun oogemuhwemahwaun enewh Mosesun emuh Moab mushkoodang nesemeduhnuh dussoogoon: me suh keïshquahsagin enewh kezhigudoon kemuhwemind owh Moses.

⁹ ¶ Owh dush Joshua oogwissun owh Nun oogemooshkenashkahgoon ewh nebwahkahwine‐oojechaugoomaun; Mosesun mah oogeühtuhmahgoobuneen ooninjene emuh ooshtegwauning: Israel kuhya oonejahnesun oogebezindahgoon, kuhya keëzhechegawun debishkoo Jehovah kahezhekuhgaun zoomahpun enewh Mosesun.

¹⁰ ¶ Kah dush oonje puhsegwese aunwahchega‐wenene emuh Israeling debishkoo owh Moses, enewh Jehovah kahkekanemahjin kemechekuhnuhwahbundewaud,

¹¹ Kuhkenuh emuh kekenuhwahjecheguning kuhya muhmaundahwecheguning, enewh Jehovahun kahuhnoonegood cheëzhechegad emuh Egypt uhkeeng oonje enewh Pharaohun, kuhya kuhkenuh enewh oobuhmeetahgunun, kuhya kuhkenuh ewh ooduhkeem.

¹² Kuhya kuhkenuh emuh mushkuhwenekawining, kuhya kuhkenuh emuh kechesageëwawining Moses kahwahbunduhewad anahsuhmeühyahnid kuhkenuh Israelun. FINIS. TORONTO: PRINTED BY LOVELL AND GIBSON, YONGE STREET.