DEUTERONOMY 33 - Ottawa New Testament Penteteuch and Psalms 1874

¹ Me suh kuhya oo‐oo shahwanjegawin, Moses Kesha‐Muhnedoo oodenenemun kahezheshahwanemaud Israel oonejahnesun chebwahnebood.

² Oo‐oo dush keëkedoo, Jehovah Sinaïng keöonjebah, Seiring kuhya keöonjepuhsegwe keëzhaud dush enewh: emuh Paran wuhjewing keöonjesahgahta, nebewuh kuhya medahswauk enewh kachetwahwandahgoozenejin oogebeweejewegoon emuh ookecheninjeeng keöonzekahmuhgudene oodishkooda‐tebahkoonegawinewah.

³ Aahe, Oogesahgeäun enewh ahnishenahban; kuhkenuh enewh kachetwahwandahgoozenejin dabanemahjin keninjeeng uhyahwun: kenuhmuhduhbewug kuhya kesidaung; anduhchewaud oogahoodahpenahnahwaun kedekedoowinun.

⁴ Moses ningekuhgaunzoomegoonaun tebahkoonegawin, ewh suh goo oodebandahsoowinewah Jacob oadahnishenahbamun.

⁵ Kekecheöogemahwe suh Ieshuruning, uhpe muhyahwunjeïndwah oonegaunezeemewaun egewh ahnishenahbag kuhya kuhkenuh Israel oodahnishenahbamun.

⁶ ¶ Mahnoo Reuben tahbemahdeze, kagoo suh tahneboose; kagoo kuhya tahpungeshawuhgezesewun oodooshkenegeemun.

⁷ Me suh oo‐oo Judah ooshahwanemegoowin: oo‐oo dush keëkedoo, Bezindun, Jehovah, oodinwawin owh Judah, ezhewizh dush emuh uhyahnid oodahnishenahbamun: mahnoo tahdabesamuhgudene azheühnooketahzood ooninjeen uhyood; weedookowh kuhya oonje enewh mahgahnegoojin.

⁸ ¶ Oo‐oo dush Leviün oogeënahjemaun, Mahnoo keThum-mimim kuhya keUrimim ooguhweejewahwaun enewh kedeneneemun kachetwahwandahgoozenejin, owh suh goo kahkuhgwahjeüd ewede Massahing, kuhya kahmegahnud ewede Meribah nebeeng.

⁹ Oo‐oo kahenaud enewh oosun kuhya oogeen, Kahween ningewahbuhmahse; kahween kuhya oogewahwenahseen wekahnesun, kahween kuhya oogekekanemahseen enewh tebenuhwa oonejahnesun: oogekuhnuhwandahnahwah mah kedekedoowin, kuhya oogekuhnuhwandahnahmah kewahweenduhmahgawin.

¹⁰ Oogahkenooühmuhwahwaun Jacobun enewh ketebahkoonegawinun, kuhya Israelun ewh kedenahkoonegawin: oogahuhtoonahwah menoomahgwahkezegun emuh anahsuhmeyun, kuhya ewh manzewachahgedag sahsahgewejegun emuh kesahsahgewejegunahbikoong.

¹¹ Shahwandun, Jehovah, ewh ootebenuhwawezewin, kuhya oodahpenuhmowh azheühnookemuhgudenig ooninjeen; puhketa oomesudahwaung egewh quuhyaushquuhnooduhwahjig enewh, kuhya egewh shaunganemahjig enewh, chepuhsegwesigwah dush.

¹² ¶ Benjaminun dush oogeënahjemaun, Enewh suhyahgeähjin Jehovah oogahweejduhnuhkemegoon chemenookuhnuhwanememind dush; Jehovah kuhya oogahuhgwuhnuhwaun kuhba‐kezhig, tahdahwun dush nesuhwuhyeëe oodenemaunguning.

¹³ ¶ Josephun dush oo‐oo oogeënahjemaun, Mahnoo Jehovah oogahshahwandaun ooduhkeem, oonje enewh wanezheshingin kezhigoong wanjebahmuhgukkin, oonje ewh mindookud, oonje kuhya nebe wahsuh uhnaumuhkummig bamejewung,

¹⁴ Kuhya oonje enewh wanezheshingin menewinnn keezisoong wanjeühyaugin, kuhya enewh wanezheshingin tebik‐keezisoong wanjemahjegingin,

¹⁵ Oonje kuhya enewh nahgahnandahgwukkin kata‐wuhjewing wenden gahnagin, kuhya oonje enewh wanezheshingin wandenegahdagin emuh kahgega wuhjewing,

¹⁶ Kuhya oonje enewh wanezheshingin uhkeeng ayahgin kuhya azhemooshkenag ewh, kuhya oonje ewh oominwaningawin owh kahnahgoozid emuh magwakoob: mahnoo shahwandahgoozewin tahbenaunzhesane Joseph ooshtegwauning, owh kahpuhkagahbuhweind magwah weejewahpun wekahnesun.

¹⁷ Oopeshegandahgoozewin me debishkoo anandahgwudenig anandahgoozenid oonetumoonzhaunene oopezhekeemun, enewh kuhya oodashkunun me debishkoo enewh oodashkunewaun egewh uhwaseyug puhyazhegoonid oodashkunewaun: enewh uhwaud oogahezhewabishkuhwaun enewh ahnishenahban ewede wuhyaquahkummigahnig: egewh suh ahwewug nebewuh duhching medahching medahswauk Ephraim oonejahnesun kuhya nebewah duhching metauswauk oonejahnesun Manasseh.

¹⁸ ¶ Zebulunun dush oo‐oo oogeënahjemaun, Moojegezin, Zebulun, ewh koo sahsahguhuhmun; kuhya, Issachar, emuh kepuhpuhgewuhyaunegummigoong.

¹⁹ Emuh wuhjewing oogahezhenundoomahwaun enewh ahnishenahban; me emuh chepuhgedenuhmoowaud quuhyukezhewabezewine‐sahsahgewejegunun: oogahwequundahnahwah mah ewh buhyahtuhyenuk kechegummeeng, kuhya enewh kacheühpetandahgwukkin nahguhwekaung kuhyahjegahdagin.

²⁰ ¶ Gadun dush oo‐oo oogeënahjemaun, Tahshahwandahgooze owh mandedooäud enewh Gadun: meshebezheeng ezheünwashemoonoo, ookeeshkebedoon kuhya oonikahmah kuhya mahyahöoshtegwaun.

²¹ Kemenedezoo dush ewh nahgaunandahgwuk, me mah emuh kahpuhgedenind kahmeegewad owh enahkoonegawenene: oogebeweejewaun kuhya enewh oonegaunezeemewaun egewh ahnishenahbag, keëzhechega ewh Jehovah ooquuhyuk‐tebahkoonegawin, kuhya anahkoonaud enewh Israelun.

²² ¶ Enewh dush Danun oo‐oo oogeënahjemaun Dan meshebezhe oonejahnesun ahwe: Bashaning tahoonjequaush-quuhne.

²³ ¶ Naphtaliün dush oo‐oo oogeënahjemaun, O Naphtali, tuhyahbuhganemooëgooyun ewh menoodoodahgooyun, kuhya mwaushkenashkahgooyun Jehovah ooshahwanjegawin: debandun ewh apungeshemoog enuhguhkayah kuhya ewh shahwunoong enuhguhkayah.

²⁴ ¶ Asherun dush oo‐oo oogeënahjemaun, Mahnoo Asher tahshahwanemah ewh oonejahnesid; mahnoo oogahminwanemegoon wekahnesun, mahnoo huhya pemedang oogahtaunguhgwinjedoon oozid;

²⁵ Kemuhkezinun tahpewahbikoowunoon kuhya tahoozahwahbikoowunoon; anandahgwukkin kuhya kekezhigudoomun, me debishkoo kaënandahgwuk kemushkuhwezewin.

²⁶ ¶ Kahween ahweyah enandahgoozese anandahgoozid Jeshurun ooKesha‐Muhnedoom, owh bameëzhaud ishpeming wewedookook, kuhya emuh kezhigoong azhepeshegandahgoozid.

²⁷ Owh kahgega‐Kesha‐Muhnedoo me suh owh kedenenezhemoowin, uhnaumuhyeëe kuhya uhtawun enewh kahgega‐oonekahmaun: oogahsahgejenaunzhuhwaun dush shaunganemikig anahsuhmeyun; oo‐oo kuhya tahekedoo, Nishwuhnahjeh.

²⁸ Israel dush nezheka tahmenooduhnuhke: Jacob oonejahnesun tahuhyahwun emuh uhkeeng bahtuhyenuk mezeminanse kuhya shooweminahboo; emuh kuhya ookezhigooming tahoonjepungegah mindookud.

²⁹ Keshahwandahgooz, O Israel: ahwanan anandahgoozid anandahgoozeyag keenuhwah, O ahnishenahbadoog Jehovah kahbemahjeënag, owh kepuhkuhahquaunewah wahdookoonag, kuhya keduhshuhwashkoomewah wanjemushkuhwezeyag! egewh dush shauneganemikig kegahkekanemaug ewh kekewuhnemoowaud; kegahtuhkooke dush emuh uhyishpahnig anduhnuhkewaud.