DEUTERONOMY 31 - Ottawa New Testament Penteteuch and Psalms 1874

¹ Moses dush oogeühweënaun oonoo ekedoowinun kuhkenuh enewh Israelun.

² Oo‐oo dush oogeënaun, Ningoodwauk‐uhshe‐neeshtuhnuh suh, nindussoopepoonuhgiz noongoom kezhiguk; kahween kayahbe nindahkushketooseen chesahsahguhuhmaun kuhya chepahpeendegayaun: oo‐oo dush kuhya Jehovah ningeïg, Kahween kegahahzhuhwuhunseen oo‐oo Jordan.

³ Owh Jehovah keKesha‐Muhnedoom, tahuhnenegahne emuh kaneëzhahyun, oogahnishwuhnahjeäun dush oonoo ahnishenahban anahsuhmeyun, keen dush kegahdebanemaug: Joshua kuhya tahahzhuhwuhoo anahsuhmeyun, debishkoo suh goo Jehovah kahekedood.

⁴ Jehovah dush oogahuhyindooduhwaun nahsaub kahuhjindooduhwaud enewh Sihonun kuhya enewh Ogun, wagemahkunduhwahpuneen enewh Amoritun, kuhya ooduhkeemene enewh kahnishwuhnahjeähjin.

⁵ Jehovah dush oogahpuhgedenaun anahsuhmeyag, chedooduhwagwah dush nahsaub azhesingin kuhkenuh enewh kuhgaunzoongawinun kahezhekuhgaunzoomenenuhgoog.

⁶ Mushkuhwezeen kuhya soongedaän, kagoo sagezekan, kagoo kuhya koosahkan: owh mah Jehovah keKesha‐Muhnedoom ahwe owh mahjewik; kahween kegahnoondaöonegoose, kahween kuhya kegahnahgahnegoose.

⁷ ¶ Moses dush oogenundoomaun enewh Joshuaün, oo‐oo dush oogeënaun emah anahsuhmenid kuhkenuh Israelun, Mushkuhwezin kuhya soongedaän: kegahweejewaug mah oogoo ahnishenahbag ezhahwaud ewede uhkeeng ewh Jehovah kahmushkuhwe‐wahweenduhmuhwahpun oose wahbuneen chemeenaud; kegahdebandahsooäug dush ewh.

⁸ Owh dush Jehovah, me owh anenegahneed emuh aneëzhahyun; kegahweejewik, kahween tahahnuhwanjegase wewedookook, kahween kuhya kegahnahgahnegoose: kagoo sagezekan, kagoo kuhya kootahjekan.

⁹ Moses dush oogeöozhebeäun oo‐oo tebahkoonegawin, oogepuhgedenuhmuhwaun dush enewh sahsahgewejega‐wenenewun Levi oogwissun, kahbemewedoonid Jehovah oowahweenduhmahga‐muhkuk, kuhya kuhkenuh enewh akewanzeyewenejin emuh Israeling.

¹⁰ Moses dush oogekuhgaunzoomaun, oo‐oo keënaud, Duhching kahneezhwahsoopepoonuhgukkin, ewh uhpe wachejesagin wabenuhmahdewine‐kekenoowin, uhpe wachejesagin ewh wegewaume‐wekoondewin,

¹¹ Uhpe kuhkenuh Israel bewahbunduhwawaud weyowewaun anahsuhmeed Jehovah keKesha‐Muhnedoom emuh ewh kawuhwanahbundung, kegahuhgindaun oo‐oo tebahkoonegawin anahsuhmeed kuhkenuh Israel chenoonduhmoowaud.

¹² Mahwunzoom egewh ahnishenahbag, enenewug kuhya equawug, kuhya ahbenoojeyug, kuhya kemahyahdahwezeem paundegook, chenoonduhmoowaud dush, kuhya chekekanduhmoowaud, kuhya chekoosahwaud enewh Jehovahun keKesha‐Muhnedoomewaun, kuhya cheäungwahmeëzhechegawaud kuhkenuh akedoomuhguk oo‐oo tebahkoonegawin:

¹³ Enewh kuhya oonejahnesewaun, kahkekandunsenid gagoo, chenoonduhmenid, kuhya chekekanduhmenid chekoosahnid enewh Jehovahun keKesha‐Muhnedoomewaun, menik kabemahdezeyag emuh uhkeeng awedebanduhmag keähzhuhwuhuhmag ewh Jordan.

¹⁴ ¶ Jehovah dush oo‐oo oogeënaun Mosesun, Benuh, shegwuh pashoo beühyahwun enewh kezhigudoon uhpe chenebooyun: nundoom Joshua, nebuhwik dush peendig emuh oopuhpuhgewuhyahne‐ahnuhmeäwegummigoowaung egewh koo muhyahwunjeëdejig, chekuhgekemug dush. Moses dush kuhya Joshua keëzhahwug, kenebuhwewug dush emuh oopuhpuhgewuhyaune‐ahnuhmeäwegummigoowaung egewh koo muhyahwunjeëdejig.

¹⁵ Jehovah dush kenahgooze emuh puhpuhgewuhyaune‐ahnuhmeäwegummigoong ahnuhquudoong paduhkesenenig: ewh dush ahnuhquud paduhkesing benebuhwuhkesin debishkoo emuh ishquaundamewung ewh puhpuhgewuhyaune‐ahnuhmeäwegummig.

¹⁶ ¶ Jehovah dush oo‐oo oogeënaun enewh Mosesun, Benuh, kegahweejnebahmaug koosebuneeg; oogoo dush ahnishenahbag tahpuhzegwewug, oogahnoopenuhnahwaun dush oomuhnedoomene enewh mayuhgezenejin emuh uhkeeng, ewede azhahwaud uhweweejduhnuhkeemahwaud, ningahwabenegoog edush, kuhya oogahbegoobedoonahwah ewh newahweenduhmahgawin kahoozhetuhmuhwugwah.

¹⁷ Tahpishkuhnamuhgud dush nenishkahdezewin kaühpeech-nishkanemugwah ewh goo kezhiguk, ningahwabenaug dush, kuhya ningahkahduhwaug nindangwuhy, kuhya tahkedaumwahwug, kuhya nebewuh mujjeühyeëewishun kuhya kooduggezewinun oogahbuhgummishkahgoonahwaun; oo‐oo dush cheëkedoowaud ewh kezhiguk, Kah nuh ween oonoo mujjeühyeëewishun kebuhgummishkahgoosemin, oonje ewh weejewesenoowung keKesha‐Muhnedoomenaun?

¹⁸ Ahbedakummig suh ningahkahdoon nindangwuhy ewh kezhiguk oonje kuhkenuh enewh mujjeühyeëewishun kamekinduhmoowaud, ewh quakegahbuhwetuhwahwaud bakahnezenejin muhnedoon.

¹⁹ Umbasuhnoo oozhebeühmahzoog oo‐oo nuhguhmoowin kekenooühmuhwik dush Israel oonejahnesun: uhtahwik oodoonewaung oo‐oo dush nuhguhmoowin cheühyooyaun chedebahjemegoowaud Israel oonejahnesun.

²⁰ Uhpe mah kepeendeguhnugwah ewede uhkeeng ewh kahmushkuhwe‐wahweenduhmuhwugwah oosewahbuneeg, ewede anduhnejewung doodooshahboo kuhya ahmoo‐seenzebahquud; uhpe dush kewesenewaud kuhya ketabesenewaud, kuhya kewenenoowaud; me ewh uhpe chequakegahbuhwetuhwahwaud babahnezenejin muhnedoon, kuhya chebuhmeetuhwahwaud, chenishkeëwaud dush, kuhya chepegoobedoowaud newahweenduhmahgawin.

²¹ Tahpuhgummeühyahmuhgud dush, uhpe nebewuh mujjeühyeëewishun kuhya kooduggezewinun buhgummishkahgoowaud, oo‐oo nuhguhmoowin oogahdebahjemegoonahwah; kah mah oonejahnesewaun tuhwuhnandunzewun ewh: ninkekandaun suh oonahnahguhdahwanduhmoowinewah wahezhechegawaud, noongoom egoo chebwah peendeguhnugwah ewede uhkeeng ewh kahmushkuhwewahweenduhmahgayaun.

²² ¶ Moses suh dush oogeöozhebeäun oo‐oo nuhguhmoowin ewn goo kezhiguk, oogekekenooühmuhwaun dush ewh enewh Israel oonejahnesun.

²³ Oogekuhgekemaun kuhya Joshuaün oogwissun owh Nun, oo‐oo keënaud, Mushkuhwezeen kuhya soongedaän: kegahpeendegahnaug mah Israel oonejahnesun ewede uhkeeng ewh kahmushkuhwe‐wahweenduhmuhwugwah: kegahweejewin dush.

²⁴ ¶ Kepuhgummeühyahmuhgud dush, uhpe Moses kahishquahoozhebeüng muzzenuheguning akedoomuhguk oo‐oo tebahkoonegawin, peenish egoo kekezhebeëgahdag,

²⁵ Moses oogekuhgaunzoomaun enewh Levitun, kahbemewedoonid ewh Jehovah oowahweenduhmahgawine‐muhkuk, oo‐oo keënaud,

²⁶ Oodahpenuhmook oo‐oo tebahkoonega‐muzzenuhegun, uhtooyook dush emuh oopemaühyeëewung ewh oowahweenduhmahgawine‐muhkuk owh Jehovah keKesha‐Muhnedoomewah, cheühtag dush emuh chedebahjemegooyun.

²⁷ Ninkekandaun suh kemegahzoowin, kuhya ewh mashkuhwaug kequagun: benuh, magwah kayahbe weejbemahdezeemenuhgoog noongoom kezhiguk, kegemegahnahwah owh Jehovah; ahneen menik dush ween uhwushema kenebooyaun?

²⁸ ¶ Mahwunzoomik oomah uhyahyaun kuhkenuh egewh akewanzeyewejig kedenoodawezewinewaung, kuhya egewh kedoogemaumewaug, cheëkedooyaun dush oonoo ekedoowinun ootuhwugahwaung, kuhya chepepahginduhmaun kezhig kuhya uhke chedebahjemoomuhgukkin oonje egewh.

²⁹ Ninkekandaun suh uhpe kenebooyaun ahpeje chenishwuhnahjeëdezooyag, kuhya chepuhkayag emuh meekunaung ewh kahkuhgaunzoomenenuhgoog; mujjeühyeëewish dush kegahbuhgummishkagoonahwah uhpe ishquahyauj wekah goo nah bahmah; kegahmujjeëzhechegam mah emuh anahsuhmeed Jehovah chenishkeäg oonje kaëzheühnookemuhgukkin keninjewaun.

³⁰ Moses dush oogeëkedoonun ootuhwuhgahning kuhkenuh enewh muhyahwunjeëdenejin Israelun enewh ekedoowinun oomah nuhguhmoowining dabandahgwukkin, peenish egoo kejahguhginduhming.