DEUTERONOMY 30 - Ottawa New Testament Penteteuch and Psalms 1874

¹ Tahpuhgummeühyahmuhgud dush, uhpe kuhkenuh oonoo buhgummishkahgooyun, ewh shahwandahgoozewin kuhya ewh kuhgwahnesuhgandahgoozewin, kahpuhgedenuhmoonaun anahsuhmeyun, mequandahmun dush magwaühyeëe uhyahwaud kuhkenuh egewh ahnishenahbag, ewede kahezhenezhuhook Jehovah keKesha‐Muhnedoom.

² Nayaub dush ezhahyun owh Jehovah keKesha‐Muhnedoom, nuhetuhmun kuhya oodinwawin nahsaub egoo kuhkenuh noongoom kezhiguk azhekuhgaunzoomenaun, keen kuhya kenejahnesug, anegookoodaäyun, kuhya anegookoojechaugooweyun;

³ Jehovah keKesha‐Muhnedoom oogahquakesedoon kekoduggeëgoowin, kuhya kegahketemahganemik, kuhya menuhwah kegahmahwunjeïk emuh uhyahwaud kuhkenuh ahnishenahbag uhnooj azheweenzoojig, ewede kesuswashkook Jehovah keKesha‐Muhnedoom.

⁴ Kishpin ahnind egewh dabanemudjig ewede wuhyaquahsing kezhig ezhesahgejenaunzhuhoondwah, me ewede kaöonjemahwunjeïk Jehovah keKesha‐Muhnedoom, me kuhya ewede kaöonjepenik:

⁵ Owh dush Jehovah keKesha‐Muhnedoom kegahpeendegunik emuh uhkeeng ewh koosebuneeg kahdebanduhmoowahpun, keen dush kegahdebandaun; kegahmenoodoodaug dush, kuhya kegahbahtuhyenooïk nuhwuj chebahtuhyenooyun egewh dush ween koosebuneeg.

⁶ Jehovah keKesha‐Muhnedoom kuhya oogahkekenuhwah-jekeeshkezhaun keda, kuhya oodaëwah kenejahnesug, chesahgeüd dush owh Jehovah keKesha‐Muhnedoom anegookoodaäyun, kuhya anegookoojechaugooweyun, chebemahdezeyun dush nah.

⁷ Owh dush Jehovah keKesha‐Muhnedoom oogahbemoonduhaun shaunganemikwah kuhkenuh oonoo kuhgwahnesuhgandahgoozewinun, kuhya kagwahwesuhganemikwah, kahkooduggeïkwah.

⁸ Kegahquakegahbowh dush kuhya kegahnuhetaun oodinwawin owh Jehovah, kuhya kegahezhechega kuhkenuh ookuhgequawinun azhekuhgaunzoomenaun noongoom kezhiguk.

⁹ Owh dush Jehovah keKesha‐Muhnedoom kegahbahtuhyenooïk kuhkenuh azheähnookemuhguk keninj, azhemenewung keyowh, kaëzhemenewewaud keduhwuhkaunemug kuhya azhemenewung keduhkeem, weöonjemenooühyahyun: owh mahween Jehovah menuhwah tahmoojegeze, keen oonje chemenooühyahyun, kahezhemoojegezid egoo oonje enewh koosebuneen:

¹⁰ Kishpin bezinduhmun oodinwawin owh Jehovah keKesha‐Muhnedoom, chekuhnuhwanduhmun ookuhgequawinun kuhya oodenahkoonegawinun wazhebeëgahdagin oomah tebahkoonega‐muzzeneguning, kishpin kuhya quakegahbuhwetuhwud owh Jehovah keKesha‐Muhnedoom anegookoodaäyun, kuhya anegookoojechaugooweyun.

¹¹ ¶ Oo‐oo mahween kuhgaunzoogawin azhekuhgaunzoomenaun noongoom kezhiguk, kahween kekahdahgoose, kahween kuhya wahsuh uhyahsenoon.

¹² Kahween kezhigoong uhyahsenoon, oo‐oo dush cheëkedooyunbun, Ahwanan ishpeming kaëzhaud kenuhwind oonje, kabedoonung ewh, chenoonduhmaung dush, kuhya cheëzhechegayung?

¹³ Kahween kuhya uhgaum‐kechegumme uhyahsenoon, oo‐oo dush cheëkedooyunbun, Ahwanan uhgaum‐kechegumme kaëzhaud kenuhwind oonje, kabedoonung ewh, chenoonduhmung dush, kuhya cheëzhechegayung?

¹⁴ Ewh suh ekedoowin keche‐pashoo keweejewegoon, kedooning, kuhya kedaïng, cheëzhechegayun.

¹⁵ ¶ Benuh, kegepuhgedenuhmoon anahsuhmeyun noongoom kezhiguk bemahdezewin kuhya ewh wanesheshing, kuhya neboowin kuhya mujjeühyeëewish;

¹⁶ Ewh suh kuhgaunzoomenaun noongoom kezhiguk chesahgeüd owh Jehovah keKesha‐Muhnedoom, chepemoosayun oomeekunaung, kuhya chekuhnuhwanduhmun ookuhgequawinun kuhya oodenahkoonegawinun kuhya ootebahkoonegawinun, chebemahdezeyun dush nah kuhya ashkum chebahtuhyenooyun: owh dush Jehovah keKesha‐Muhnedoom keguhshahwanemik ewede uhkeeng ewh awedebanduhmun.

¹⁷ Kishpin dush ween quakesamuhguk keda, bezindunsewun dush, wuhneshemegooyun atuh, kuhya ahnuhmeätuhwudwah bakahnezejig muhnedoog, kuhya buhmeetuhwudwah;

¹⁸ Keweenduhmoonenim noongoom kezhiguk, ewh kagate egoo chenebooyag, kuhya kenwanzh cheühyahsewag emuh uhkeeng, ewh wahdebanduhmun keähzhuhwuhuhmun Jordan.

¹⁹ Nekuhnoodahnun kezhig kuhya uhke chedebahjemegooyagoon noongoom, kezhiguk ewh kepuhgedenuhmoonuhgoog anahsuhmeyag bemahdezewin kuhya neboowin, shahwandahgoozewin kuhya kuhgwahnesuhgandahgoozewin: wuhwanahbundun suh dush bemahdezewin, chebemahdezeyag dush nah keen kuhya kenejahnesug:

²⁰ Chesahgeüd Jehovah keKesha‐Muhnedoom, kuhya chenuhetuhmun oodinwawin, kuhya cheminjemenud: kebemahdezewin mah ahwe, kuhya ween wanjekenwaugin kekezhigudoomun: cheduhnuhkeyun emuh uhkeeng ewh Jehovah kahmushkuhwe‐wahweenduhmuhwaud koosebuneen, Abrahamun, Isaacun, kuhya Jacobun, chemeenaud.