DEUTERONOMY 3 - Ottawa New Testament Penteteuch and Psalms 1874

¹ Kegequakegahbuhwemin suh dush, kegeëzhahmin kuhya Bashaning enuhguhkayah: kegemuhwenaöogoonaun dush Og owh wagemahkundung Bashan, ween kuhya kuhkenuh oodahnishenahbamun, kemegahnenung Edreiing.

² Jehovah dush oo‐oo ningeïg, Kagoo koosahkan: keninjeeng mah ningahpuhgedenah, kuhya kuhkenuh oodahnishenahbamun, kuhya ewh ooduhkeem; kegahdooduhwah dush debishkoo kahdooduhwud Sihon owh wagemahkunduhwahpun enewh Amoritun, Heshboning anduhnuhkepun.

³ Me suh Jehovah ke‐Kesha‐Muhnedoomenaun kahezhepuhgedenaud keninjeenaung Ogun kuhya, owh Bashaning duhzhe kecheöogemaun, kuhya kuhya kuhkenuh oodahnishenahbamun; kegepuhketawahnaun dush peenish egoo keïshkoonuhmahsewind ahweyah enewh dabanemahpun.

⁴ Kegeöodahpenahmin kuhya kuhkenuh oodoodanuhwun ewh uhpe, kahween kuhnuhga pazhig oodanuh keduhyahsenoon kahtuhkoonuhmuhwahsewung, ningoodwahsemeduhnuh oodanuhwun, kuhkenuh ewh Argob uhke, oodoogemahwewin Og emuh Bashaning.

⁵ Kuhkenuh oonoo oodanuhwun kewahkahegahdawun, ashpahgin wahkahkenegunun kahoozhechegahdagin, keche‐ishquaundamun, kuhya bemedahquuhegunun; keche nebewuh kuhya oodanaunsun wuhyahkahegahdasenoogin.

⁶ Wahweenga dush kegenishwuhnahjetoomin, debishkoo suh goo kahdooduhwung Sihon wagemahkundungebun Heshboning, wahweenga nishwuhnahjeüngwah egewh enenewug, equawug, kuhya uhbenoojeyug, ayahwahpun anduhchingin enewh oodanuhwun.

⁷ Kuhkenuh dush ween egewh uhwuhkaunug, kuhya ewh oodanaung kahoondenuhmung, kegetuhkoonahnahnig chedebanemungwah.

⁸ Kegemuhkuhmuhnahnig dush ewh uhpe egewh neezh wagemahkunduhwahpuneeg enewh Amoritun ewh uhke oondaus‐enuhkagaum Jordan ayaug, ewh emuh Arnon sebeeng muhyahjesing nuhnauzh egoo Hermon wuhjewing;

⁹ (Oo‐oo Hermon egewh Sidonianug Sirion oodezhenekah-kahnahwah; egewh dush kuhya Amoritug Shenir oodezhenekahdahnahwah;)

¹⁰ Kuhkenuh enewh oodanuhwun emuh mushkoodang, kuhya kuhkenuh Gilead, kuhya kuhkenuh Bashan, nuhnauzh egoo ewede Salchah kuhya Edrei, oodanuhwun dabandahgwukkebuneen emuh Og oodoogemahwewining emuh Bashanning.

¹¹ Ween mahween atuh owh Og wagemahkundungebun Bashan kahishkoonad anduhchewahpun egewh mesahbag; benuh ewh oonebahgun pewahbikoo‐nebahgun keähwunene; kah nuh ween uhyahsnoon emuh Rabbathing ewede duhnezewaud Ammon oonejahnesun? shaungussoonik keühquahmuhgud, newoonik dush keënegookoodayahmuhgud, ewh enene oonik tebuhegang.

¹² Ningemeenaug dush egewh Reubenitug kuhya egewh Gaditug oo‐oo uhke, ewh uhpe kahdebanduhmungoobun, Aroering muhyahjesing, ewh cheegsebe Arnon ayaug, kuhya ahbetuh ewh wuhjewh Gilead, kuhya enewh oodanuhwun dabandahgwukkin emuh.

¹³ Ahbetuh dush Manasseh oonejahnesun ningemeenaug ewh kahishkoonegahdag Gilead, kuhya kuhkenuh Bashan, me ewh Ogebun oodoogemahwewin; kuhkenuh ewh Argob uhke, kuhya Bashan, mesahbag ooduhkeemewah kahezhenekahdag.

¹⁴ Jair oogwissun Manasseh oogeöodahahpenaun kuhkenuh ewh Argob uhke nuhnauzh egoo ewede mahjesing enewh uhkeeng Geshuri kuhya Maachathi; oogeëzhenekahdahnun dush nahsaub azhenekahzood, Bashan‐havoth‐jair, nuhnauzh egoo noongoom.

¹⁵ Machir dush ningemeenah ewh Gilead.

¹⁶ Egewh dush Reubenitug kuhya egewh Gaditug ningemeenaug ewede Gileading oonje nuhnauzh egoo Arnon sebeeng ahbetuh ewh duhwuhdenah, kuhya ewh ashquasing nuhnauzh egoo ewede Jabbok sebeeng, me ewh emuh mahjesinenig ooduhkeemewah Ammon oonejahnesun;

¹⁷ Ewh kuhya mushkooda, kuhya Jordan, kuhya ewh uhke bameëzhesing emuh, ewede Chinnerething oonje nuhnauzh egoo emuh mushkooda kechegummeeng, ewh suh goo shewetahgune‐kechegumme, uhnaumuhyeëe Ashdoth‐pisgahing wahbunoong enuhguhkayah.

¹⁸ ¶ Kegekuhgaunzoomenenim dush ewh uhpe, oo‐oo keëkedooyaun, Owh Jehovah ke‐Kesha‐Muhnedoomewah kegemeenegoowah oo‐oo uhke chedebanduhmag: kegahahzhuhwuhoom ushweyag anahsuhmewaud kekahnisewaug Israel oonejahnesun, kuhkenuh mashkuhwezejig chemegahzoowahpun.

¹⁹ Egewh dush ween kewedegamahgunewaug, kuhya egewh kedahbenoojeëmewaug, kuhya egewh keduhwuhkaunewaug, (ningekandaun mah nebewuh uhwuhkaunug uhyahwagwah,) tahuhyahwug emuh kedoodanuhwewaung kahmeenenuhgoog;

²⁰ Nuhnaunzh egoo Jehovah kemeenaud unwabewin enewh kekahnisewaun, debishkoo kenuhwah, nuhnaunzh egoo kuhya wenuhwah debanduhmoowaud ewh uhke kahmeenegoowaud Jehovah keKesha‐Muhnedoomewah uhwus‐enuhguhkagaum Jordan: me dush anduhcheyag chekewayag ewede uhyaug kedebandahsoowinewah kahmeneenahgoog.

²¹ ¶ Ningekuhgaunzoomahbun dush Joshua uhpe, oo‐oo keënug, Kishkeenzhegoon uhyooyun kegewahbundahnun kuhkenuh Jehovah keKesha‐Muhnedoom kahdooduhwaud oonoo neezh keche‐oogemaun: me suh nahsaub Jehovah kadooduhg kuhkenuh enewh oogemahwewinun kaöodetuhmun.

²² Kahween kegahkoosahsewaug: owh mah Jehovah keKesha‐Muhnedoomewah kegahmegahzootuhmahgoowah.

²³ Ningepuhgoosanemah dush Jehovah ewh uhpe, oo‐oo keënug,

²⁴ O Jehovah Kesha‐Muhnedoo, kegemahjewahbunduhah kebuhmeetahgun ewh kekechetwahwandahgoozewin, kuhya ewh mashkuhwezemuhguk keninj: ahwanan mah owh Kesha‐Muhnedoo kezhigoong ayaud gamah kuhya uhkeeng, nahsaub kaëzhechegapun ayenuhnookeyun, kuhya azhemushkuhwezeyun?

²⁵ Kepuhgoosanemin, mahnoo ningahahzhuhwuh, kuhya ningahwahbundaun ewh wanezheshing uhke uhwus‐enuhkagaum Jordan ayaug, ewh quanahjewung wuhjewh, kuhya Lebanon.

²⁶ Jehovah dush ningenishkanemig kenuhwah oonje, kah kuhya keënanduhse chebezinduhwid: Jehovah dush oo‐oo ningeig, Mahnoo ezhetabuhganemoon; kagoo menuhwah duhzhindunkan oo‐oo anahsuhmeyaun.

²⁷ Ezhaun ewede wuhnuhkoowung ewh Pisgah, enahbin dush apungishemoog enuhguhkayah, kuhya kewadenoong enuhguhkayah, kuhya shahwunoong enuhguhkayah, kuhya wahbunoong enuhguhkayah, kuhnuhwahbin dush kishkeenzhigoon uhyooyun: kah mah kegahahzhuhwuhunseen oo‐oo Jordan.

²⁸ Kuhgekim dush ween Joshua, menoodaäwh kuhya, kuhya soongedaäwh: tahnegahne mah kaneëzhahnid oonoo ahnishenahban, oogahdebandahsooäun dush enewh ewh uhke kawahbunduhmun.

²⁹ Me suh dush keduhnezeyung emuh duhwuhdenaug debishkoo Bethpeoring.