DEUTERONOMY 29 - Ottawa New Testament Penteteuch and Psalms 1874

¹ Me suh oonoo ekedoowinun atagin emuh wahweenduhmahgawining, ewh Jehovah kahkuhgaunzoomaud Mosesun cheöozhetuhmuhwaud enewh Israel oonejahnesun emuh Moab uhkeeng, kahween ween tahgwuhginjegahdasenoon ewh wahweenduhmahgawin kahoozhetuhmuhwaud ewede Horebing.

² ¶ Moses dush oogenundoomaun kuhkenuh Israelun, oo‐oo dush oogeënaun, Kegewahbundahnahwah kuhkenuh Jehovah kahdooduhwaud ahahsuhmeyag ewede Egypt uhkeeng enewh Pharaohun, kuhya kuhkenuh oobuhmeetahgunene, kuhya kuhkenuh ooduhkeemene;

³ Enewh keche‐kuhgwatebaningawinun kahwahbunduhmun kishkeenzhigoon keühyooyun, enewh kekenuhwahjechegunun, kuhya enewh keche‐muhmaundahwechegunun:

⁴ Kah dush muhshe Jehovah kemeenegoosewah oodaëmah chekekanjegayag, kuhya ooshkeenzhigoomaun chewahbeyag, kuhya ootuhwuhgahmaun chenoonduhmag, nuhnaunzh egoo noongoom kezhiguk.

⁵ Kuhya kegebemewenenim nemeduhnuh dussoopepoon emuh buhgwuhduhkummig: keduhgwewinewaun kahween kataühyeëewunsenoon, ewh kuhya kemuhkezin kesiedaung azhesing kahween kataühyeëewunsenoon.

⁶ Kahween kegeäumwahsewah buhquazhegun, kahween kuhya kegemenequasenahwah shooweminahboo gamah kuhya mashkuhwahgummig menequawin: chekekanduhmag ewh ahweyaun Jehovah keKesha‐Muhnedoomewah.

⁷ Uhpe dush kahtuhgweshinag oomah, Sihon wagemahkundung Heshbon, kuhya Og wagemahkundung Bashan, kegebemuhwenaöogoonahnig wemegahnenungwah, kegemahmaunzheähnahnig dush:

⁸ Kegetuhkoonahmin kuhya ooduhkeemewah, kegemeenahnig dush ewh egewh Reubenitug chedebanduhmoowaud, kuhya egewh Gaditug, kuhya ahbetuh oodinoodawezewin owh Manasseh.

⁹ Kuhnuhwanduhmook suh dush akedoomuhguk oo‐oo wahweenduhmahgawin, ezhechegayook kuhya, cheminwahbuhmawezeyag dush nah kuhkenuh azheühnookeyag.

¹⁰ ¶ Kenebuhwim noongoom kezhiguk kuhkenuh kenuhwah anahsuhmeed Jehovah keKesha‐Muhnedoomewah; keshemahgunishe‐oogemaumewaug kanuhwandungig kedenoodawezewinewaun, keduhuhkewanzeyemewaug, kuhya kedoogemaumewaug, kuhya kuhkenuh egewh anenewejig emuh Israeling,

¹¹ Keduhbenoojeyemewaug, kewewewaug, kuhya owh kemahyahdahwezeem kekuhbashewining ayaud, owh kaushkuhung kemesemun, kuhya owh nabenahdook:

¹² Chemushkuhwewahweenduhmuhwud owh Jehovah keKesha‐Muhnedoom noongoom kezhiguk:

¹³ Chemushkuhwe‐ënahkoonik noongoom cheëoduhnish-enahbamemik, kuhya ween cheähwid keKesha‐Muhnedoom, kahenik suh goo, kuhya kahezhemushwe‐wahweenduhmuhwaud koosebuneen, enewh Abraham, Isaacun, kuhya Jacobun.

¹⁴ Kahween kuhya kenuhwah atuh kedoozhetuhmoosenoonim oo‐oo wahweenduhmahgawin kuhya oo‐oo mushkuhwe‐keezhwawin;

¹⁵ Owh suh goo kuhya wanjegahbuhwetoonung oomah noongoom kezhiguk emuh anahsuhmeed Jehovah keKesha‐Muhnedoomenaun, kuhya ewh noongoom oomah waujewesenoowung!

¹⁶ (Kekekandahnahwah mah mah kahezheduhnuhkeyungoobun ewede Egypt uhkeeng; kuhya kahezheshahkooshkuhwungwah egewh ahnishenahbag kahkuhbekuhwagoog;

¹⁷ Kegewahbundahnahwaun kuhya enewh ookuhgwahnesuhgandahgoozewinewaun, kuhya enewh oomuzzenenemewaun, metig kuhya uhsin, shooneyah kuhya oozahweshooneyah, kahuhyahnid magwaühyeëe emuh uhyahwaud:)

¹⁸ Koonemah gooshuh emuh uhyahyag uhyahdoog enene, gamah equa, gamah ningoodooda, quuhyakegahbuhwetuhwaud oodaïng noongoom kezhiguk enewh Jehovahun keKesha‐Muhnedoomenaun, cheühwebuhmeetuhwaud oomuhnedoomewaun oogoo ahnishenahbag uhnooj azheweenzoojig; koonemah gooshuh emuh uhyahyag uhyahmuhgudoodoog oojebik emuh wanjesahguhkemuhguk ewh wahsuhgepoogwuk kuhya wesuhgebug;

¹⁹ Tahpuhgummeühyahmuhgud dush, uhpe noondung akedoomuhguk oo‐oo kuhgwahnesuhge‐keezhwawin, tahshahwanindezoo oodaing, oo‐oo cheëkedood, Ningahuhyaun pezauneëwawin, ahnoo goo ezhepemoosayaun ananduhmoomuhguk ninda, cheduhgooühtooyaun kewushquabewin emuh keeshkahbahgwawining:

²⁰ Jehovah kahween oogahmuhwahjeähseen enewh, oonishkahdezewin suh goo owh Jehovah kuhya ewh ookezhah-waningawin tahenahbuhtane emuh uhyaud owh enene, kuhya kuhkenuh enewh kuhgwahnesuhgandahgoozewinun wazhebeëgahdagin oomah muzzenuheguning tahahtanewun wuhgijuhyeëe weyowieg, Jehovah kuhya ooguhkahsebeühmuhwaun oodezhenekahzoowinene oonje uhnaumekezhigoong.

²¹ Jehovah kuhya mujjeühyeëewishing oogahezhepuhka-gahbuhweäun emuh uhyahnid kuhkenuh oodenoodawezewinun Israel, nahsaub suh goo azhesingin kuhkenuh enewh mujje-ënanjegawinun ayaugin emuh wahweenduhmahgawining enewh wazhebeëgahdagin oomah tebahkoonega‐muzzenuheguning.

²² Oo‐oo dush tahekedoowug egewh kaneähnekabemahdezejig kenejahnesewaug kapuhzegwejig ahzhe keïshquahbemahdezeyag, kuhya owh mayuhgezid wahsuh uhkeeng, kaöoonjebaud, uhpe wahbunduhmoowaud enewh mujjeënahpenawinun emuh uhkeeng, kuhya enewh ahkoozewinun Jehovah kahuhtood emuh;

²³ Kuhya kuhkenuh ewh uhke oozahwe‐makuhda ahwung, kuhya shewetahgun, kuhya chahgedag, oonje suswawabene-gaseeng emuh, kuhya netahweginsenoog gagoo, kuhya manzhushk emuh sahguhkemuhgussenoog, debishkoo kahezhenishwuhnahduk Sodom, kuhya Gomorrah, Admah, kuhya Zeboim, enewh Jehovah kahbuhnahjetoojin uhpe nashkahdezid, quatahmegoo‐gedahzood:

²⁴ Kuhkenuh suh goo ahnishenahbag uhnooj azheweenzoojig oo‐oo tahekedoowug, Wagoonan suh oo‐oo Jehovah kahoonjedoodung oo‐oo uhke? wagoonan suh wanjekezhedag oo‐oo kechenishkahdezewin?

²⁵ Oo‐oo dush tahekedoowug enenewug, Oogewabenahnahwah suh ewh oowahweenduhmahgawin Jehovah oosewahbuneen ooKesha‐Muhnedoomene, ewh kahoozhetuhmangoowaud uhpe Egypt uhkeeng wanjewenegoowaud:

²⁶ Oogeühwebuhmeetuhwahwaun mah bukahnezenejin muhnedoon, kuhya oogeähnuhmeätuhwahwaun, muhnedoon kahkekanemahsigwah, kuhya kahmenahsewindwah:

²⁷ Jehovah dush oogenishkandaun oo‐oo uhke, chebedood emuh kuhkenuh enewh kagwahnesuhgandahgwukkin wazhebeëgahdagin oomah muzzenuheguning:

²⁸ Jehovah dush oogesahgejewabenaun ooduhkeemewaung nishkahdezid, kuhya kootahmegoogedahzood, puhkaun dush uhkeeng oogeühpuhgenaun, debishkoo suh goo noongoom azhewabuk.

²⁹ Enewh kahmoodukkin Jehovah keKesha‐Muhnedoomenaun oodebandahnun: enewh dush ween manzheshuhwese-chegahdagin kedebandahnahnin kuhya kenejahnesenahnig kahgenig, cheëzhechegayung dush nah kuhkenuh akedoomuhguk oo‐oo tebahkoonegawin.