DEUTERONOMY 28 - Ottawa New Testament Penteteuch and Psalms 1874

¹ Tahpuhgummeühyahmuhgud dush, kishpin wawane bezinduhmun ewh oodinwawin Jehovah keKesha‐Muhnedoom, chekuhnuhwanduhmun kuhya cheëzhechegayun kuhkenuh enewh ookuhgequawinun noongoom kezhiguk azhekuhgaunzoomenaun, owh Jehovah keKesha‐Muhnedoom nuhwuj ishpeming kegahuhsik enewh dush ween kuhkenuh ahnishenahban uhkeeng ayahnejin:

² Kuhkenuh kuhya oonoo shahwanjegawinun kegahoodissegoonun, kuhya kegahuhdemegoonun, kishpin bezinduhmun ewh oodinwawin Jehovah keKesha‐Muhnedoom.

³ Kegahshahwandahgooz emuh oodanaung, kuhya kegah shahwandahgooz emuh ketegauning.

⁴ Tahshahwandahgwud azhemenewung keyowh, kuhya azhemenewung keduhkeem, kuhya azhemenewewaud keduhwuhkaunug, oonejahnesewaun kepezhekeemug, kuhya kemahnishtahnisheemug.

⁵ Tahshahwandahgwud keduhkookoobenahgun kuhya kemejimim.

⁶ Kegahshahwandahgooz uhpe paundegayunin, kuhya kegahshahwandahgooz uhpe suhyahguhuhmunin.

⁷ Jehovah tahenahkoonega egewh shaunganemikig quuhyaushquuhnoodookig chemuhmaunzheïndwah anahsuhmeyun: kegahbemuhwenaöogoog pazhig meekun nahguhdoowaud, kegahoozhemegoog dush neezhwahswe meekunun nahguhdoowaud.

⁸ Jehovah kegahezhenezhuhuhmaug shahwanjegawin emuh keduhtahsoowegummigoong, kuhya kuhkenuh anuhnookeyun; kegahshahwanemik kuhya emuh uhkeeng ewh mahnik Jehovah keKesha‐Muhnedoom.

⁹ Jehovah tahmushkuhwe‐enahkoonega cheähweyun enewh kachetwahwezenejin oodahnishenahbamun, debishkoo suh kahezhemushkuhwewahweenduhmook, kishpin kuhnuhwanduhmun ookuhgequawinun owh Jehovah keKesha‐Muhnedoom, kuhya pemoosayun oomeekunaung.

¹⁰ Kuhkenuh dush egewh ahnishenahbag uhkeeng ayahjig oogahwahbundahnahwah Jehovah oodezhenekahzoowining oonjewenegooyun; kegahkoosegoog dush.

¹¹ Jehovah dush oogahmeshenetoonun keduhyeëemun, azhemenewung keyowh, kuhya azhemenewewaud keduhwuhkaunug, kuhya azhemenewung keduhkeem, emuh uhkeeng Jehovah kahmushkuhwewahweenduhmuhwaud koosebuneen chemeenik.

¹² Jehovah kegahpahkeseduhmaug ewh wanezheshenenig ooduhnewin, ewh kezhig emuh kaöonjebahmuhguk kemewun keduhkeeming dush kaühpungesing menooühpe, kuhya cheshahwandung kuhkenuh azheühnookemuhguk keninj: kegahuhweäug kuhkenuh nebewuh ahnishenahbag uhnooj azheweenzoojig, kah dush kegahuhdahwungase.

¹³ Jehovah dush cheöoshtegwauneweyun kegahenahkoonig, kahween cheöozooweyun; ishpeming suh atuh kegahuhyah, kahween ahnaumuhyeëe kegahuhyahse: kishpin bezinduhmun ookuhgequawinun Jehovah keKesha‐Muhnedoom, noongoom kezhiguk azhekuhgaunzoomenaun, chekuhnuhwanduhmun kuhya cheëzhechegayun:

¹⁴ Kah dush kegahquakegahbuhwetunsenun enewh ekedoowinun noongoom azhekuhgaunzoomenaun, emuh ookechenekamaung enuhguhka cheëzhahyunbun, gamah kuhya oonuhmunjenekahmaung, chenoopenuhnudwahbun bakahnezejig muhnedoog chebuhmetuhwudwah.

¹⁵ ¶ Tahpuhgummeühyahmuhgud dush ween, kishpin bezinduhsewun oodinwawin owh Jehovah keKesha‐Muhnedoom, chekuhnuhwanduhmunbun kuhya cheëzhechegayunbun kuhkenuh ookuhgequawinun kuhya oodenahkoonegawinun noongoom kezhiguk azhekuhgaunzoomenaun: kuhkenuh oonoo kuhgwahnesuhgandahgoozewinun kegahbuhgummishkahgoonun, kuhya kegahuhdemegoonun:

¹⁶ Kuhya kegahkuhgwahnesuhgandahgooz emuh oodanaung, kuhya kegahkuhgwahnesuhgandahgooz emuh ketegauning.

¹⁷ Tahkuhgwahnesuhgandahgwud keduhkookoobenahgun kuhya kemejimim.

¹⁸ Tahkuhgwahnesuhgandahgwud azhemenewung keyowh, kuhya azhemenewung keduhkeem, oonejahnesewaun kepezhekeemug, kuhya kemahnishtahnisheemug.

¹⁹ Kegahkuhgwahnesuhgandahgooz uhpe paundegayunin kuhya uhpe suhyahguhuhmunin.

²⁰ Jehovah kegahezhenezhuhuhmaug kuhgwahnesuhgandahgoozewin, koodugganduhmoowin, kuhya nuhnebekemegoowin, kuhkenuh keduhnookewining, peenish egoo nishwuhnahjeëgooyun, kuhya peenish waweeb nebooyun; oonje kemujjeëzhewabezewinun, wanjenuhguhzheyun.

²¹ Jehovah tahenandum ewh mujjeënahpenawin cheühgookag keyowing, peenish egoo ishquahbemahdezeyun emuh uhkeeng, ewh awetebanduhmun.

²² Jehovah kegahpuhketaöog uhyood menewahpenawin, kuhya kezhezoowin, kuhya kechechahgezoowin, kuhya uhshuhwashk, kuhya buhnahduk keketegaun; kegahnoopenuhnegoonun dush oonoo peenish egoo nebooyun.

²³ Ewh kuhya kekezhigoom ishpeming kishtegwauning ayaug oozahwahbikoong tahenandahgwud, ewh kuhya uhke takookahduhmun pewahbikoong tahenandahgwud.

²⁴ Jehovah tahmeegewa pahsuhdahwungaug kuhya weyuhguhsa mashquud ewh kemewun emuh keduhkeeming; ishpeming tahoonjebahmuhgud, peenish egoo nishwuhnahjeëgooyun.

²⁵ Jehovah kegahenanemik chemuhmaunzheïkwah egewh shaunganemikig: kegahmuhmenawaug pazhig meekun bemuhuhdooyun, kegahooozhemaug dush neezhwahswe meekunun bemuhuhdooyun: kegahezhewenegoo dush mezewa uhkeeng oogemahwewinun uhyahgin.

²⁶ Ewh dush keyowh naboomuhguk oogahmejenahwah kuhkenuh penasewug meshuhkezhigoong pabahmesajig, kuhya egewh uhwaseyug uhkeeng ayahjig, kah dush ahweyah enene oogahmahjenaunzhuhwahseen.

²⁷ Jehovah kegahpuhketaöog uhyood ewh Egypt oomegewin, kuhya misquahbewin, kuhya ewh kezhebuhzhawin, chenuhnaunduhweëgoosewun dush.

²⁸ Jehovah kegahpuhketaöog uhyood kewuhnahdezewin, kuhya kuhkebeengwawin, kuhya nishwuhnahdanduhmoowin:

²⁹ Kegahbuhbahnundoojenega dush uhpe nahwuhquag, debishkoo owh kakepeengwad azhebuhbahnundoojenegad uhpe kashketebikudenegin, kahdush kegahminwahbuhmawezese emuh kemeekunaung: kegahkooduggeëgoo suh atuh kuhya kegahbuhnahjeëgoo uhpuhna kahgenig, kah dush ahweyah enene kegahbemahjeëgoose.

³⁰ Kegahoodahpenah equa, bakahnezenejin dush enenewun oogahwepamegoon: kegahoozhetoon wegewaum, kah dush emuh kegahdahse: kegahketegahdaun shoowemineketegaun, kah dush kegahmahwunjetoosenun enewh shooweminun emuh.

³¹ Keduhnooke‐pezhekeem tahnesah anahsuhmeyun, kah dush kegahaumwahse: kemamaungeshayim kegahmuhkummegoo anahsuhmeengwayun, kah dush nayaub kegahmeenegoose: egewh shaunganemikig tahmeenahwug enewh kemahnishtahnishun, kah dush kegahuhyahwahse ahweyah nayaub kabeduhmook.

³² Bakahnezejig ahnishenahbag tahmeenahwug enewh kegwissun kuhya kedaunun, kegahuhyenaub dush, kuhya kegahishkuhduhwaub oonje ewh gwenuhwanemudwah kuhba‐kezhig: kah dush gagoo mushkuhwezewin tahuhyahsenoon keninjeeng.

³³ Ewh azhemenewung keduhkeem, kuhya kuhkenuh keduhnookewinun, ahnishenahbag kakanemahsewudjig oogahkedahnahwah; kegahkooduggeëgoo dush egoo atuh kuhya kegahbuhduhgooshkahgoo moonzhug:

³⁴ Me dush egoo kaöonjekewushquahyanduhmun ewh kaëzhenuhmun.

³⁵ Jehovah kegahpuhketaöog emuh kegedigoong, kuhya kekauding, uhyood mujje‐oomegewin kanuhnaunduhwetooseeng, emuh kenuhnuhgahkezhedaung peenish egoo kenahwezegooquundebaung.

³⁶ Jehovah kegahezhewenik, kuhya enewh kekecheöogemaumun owh kaënahkoonud cheöogemahkundook, emuh uhyahwaud ahnishenahbag keen kuhya koosewaug kahbeke-kanemahsewagoog; me dush ewede chebuhmeetuhwudwah bakahnezejig muhnedoog, metig kuhya uhsin.

³⁷ Kegahmahmuhkahdanemegoog dush, kuhy kegahmahnahjemegoo pahpenoodookwah kuhkenuh egewh ahnishenahbag ayahjig ewede Jehovah kaëzhewenik.

³⁸ Kegahezhewedoon nebewah menekaun emuh ketegauning, punge dush atuh kegahmahwunjetoon; owh mah ahde-sahwuhyashe oogahkedaun.

³⁹ Kegahketegahdahnun shoowemine ketegaunun, kuhya kegahwuhwazhetoonun, kah dush ween kegahmenequaseen ewh shooweminahboo, kahween kuhya kegahmahwunjetoosenun enewh shooweminun; muhnedoonsug mah oogahkedahnahwaun.

⁴⁰ Oliveühgahwunzhe‐metigoog kegahuhyahwaug mezewa keduhkeeming, kah dush ween kegahnoomenedezoose, uhyooyun ewh pemeda; owh mah kedoliveühgahwunzhemetigoom kahween tahmenewese.

⁴¹ Kegahoogwis kuhya kegahoodaun, kah dush kenwazh kegahuhyahwahseeg; tuhmahjewenahwug mah uhpe tahkoonindwah.

⁴² Uhdesahwuhyashe oogahkedaumwaun kuhkenuh kemetigoomun kuhya azhemenewung keduhkeem.

⁴³ Owh mayuhgezid waujduhnahkemik nuhwuj wahsuh ishpeming tahuhyah keen dush ween; keen dush wahsuh duhbuhzheesh kegahuhyah.

⁴⁴ Kegahuhweïk, kah dush ween keen kegahuhweähse: ween suh tahooshtegwaunewe, keen dush kegahoozoowew.

⁴⁵ Kuhkenuh suh kuhya oonoo kuhgwahnesuhgandahgoozewinun kegahbahgummishkahgoonun, kuhya kegahnoopenuhnegoonun, kuhya kegahuhdemegoonun, peenish egoo nishwuhnahdezeyun; kah mah kegebezinduhse oodinwawin Jehovah keKesha‐Muhnedoom, chekuhnuhwanduhmun ookuhgequawinun kuhya oodenahkoonegawinun kahezhekuhgaunzoomik:

⁴⁶ Kegahminjemenegoonun dush chekekenuhwahjeche-gunewungin kuhya cheöonjemahmuhkahdanduhming, kuhya kenejahnesug kahgenig.

⁴⁷ Kah mah kegebuhmeetuhwahse Jehovah keKesha‐Muhnedoom wuhwezhanduhmun, kuhya moojegedaäyun, oonje bahtuhyenukkin kuhkenuh uhnooj gagoo;

⁴⁸ Kegahbuhmeetuhwaug suh dush egewh shaunganemikig Jehovah kaëzhenezhuhwaud emuh uhyahyun, puhkuhdayun, kuhya keeshkahbahgwayun, kuhya pingwahshahgedeyun, kuhya muhnazeyun kuhkenuh gagoo: kegahuhtuhmaug kuhya kequagunaung pewahbikoo nahbekuhwahgun, peenish egoo nishwuhnahjeïk.

⁴⁹ Jehovah oogahbeëzhewenaun emuh uhyahyun ahnishenahban wahsuh wanjebahnejin, wuhyaquahkummegahnig, megeze azhekezhesad azhekezhekahbuhtoonid; ahnishenahbag oodinwawinewah kanesedootuhsewun;

⁵⁰ Ahnishenahbag quatahmegoonahgoozejig, kakechetwahwanemahsegoog enewh kakahnid, kuhya kaketemahganemahsegoog enewh washkebemahdezenejin:

⁵¹ Oogahaumwaun dush enewh natahwegenahwahjin keduhwuhkaunug, kuhya azhemenewung keduhkeem, peenish egoo nishwuhnahdezeyun: kahween kuhya kegahishkoonuh-mahgoose mezeminanse, shooweminahboo, kuhya pemeda, kuhya oonejahnesewaun kepezhekeemug, kuhya kemahnishtahnisheemug, peenish egoo buhnahjeïk.

⁵² Kegahkewetahgahbuhwetaug kuhya kuhkenuh kedoodanaung megahnik, peenish egoo pungesingin enewh kewahkahkenegunun ashpaugin, kuhya swaungungin, enewh kahuhpanemooyun, mezewa keduhkeeming: kegahkewetahgahbuhwetaug suh kuhkenuh kedoodanaung megahnik mezewa keduhkeeming, ewh kahmeenik Jehovah keKesha‐Muhnedoom.

⁵³ Kegahmejin dush ewh tebenuhwa keyowing wanjebahmuhguk, ooweyausewah kegwissug kuhya kedaunug, Jehovah keKesha‐Muhnedoom kahmeenik, ewh uhpe megahnegooyun, kuhya kooduggezeyun, kaëzhekooduggeïkwah egewh mahgahnikig:

⁵⁴ Owh suh enene nwahkezid emuh uhyahyag, kuhya guach-mashkuhwezesig, oogahmujjekuhnuhwahbuhmaun enewh wekahnesun, kuhya enewh wewun ookahkegunaung uhkoo uhyahswahkooshenenid, kuhya enewh kayahbe ayahnejin oonejahnesun kaïshkoonuhnahjin:

⁵⁵ Kah dush oogahuhshuhmahseen ahweyah enewh ewh ooweyausene oonejahnesun kaäumwahjin: kah mah gagoo ishkoonuhmuhwahse ewh megahding, kuhya kooduggezing, kaëzhekooduggeïkwah egewh mahgahnekig mezewa kedoodanaung.

⁵⁶ Owh equa nwahkezid kuhya guach mashkuhwezesig emuh uhyahyag, kaënanduhsigoobun chemechetaungishkung uhke oonje ewh nookezid kuhya guach mushkuhwezesig, oogahmujjekuhnuhwahbuhmann enewh oonahbamun ookahkegunaung uhkoo uhyahswahkooshenenid, kuhya enewh oogwissun, kuhya enewh oodaunun,

⁵⁷ Kuhya enewh ooduhbenoojeyemun nesuhwuhyeëe oosidaung wanjebahnid, kuhya enewh oonejahnesun kanegeähjin: oogahäumwaun mah keemooj oonje muhnazid kuhkenuh gagoo ewh uhpe megahding kuhya kooduggezing, kaëzhekooduggeïk owh mahgahnik emuh kedoodanaung.

⁵⁸ Kishpin wahaungwahmesewunan cheëzhechegayun kuhkenuh akedoomuhguk oo‐oo tebahkoonegawin wazhebeëgahdag oomah muzzenuheguning, chekootuhmunbun nah oo‐oo pazhegandahgwuk kuhya quatahmegwandahgwuk kuhya quatahmegwandahgwuk ezhenekahzoowin: JEHOVAH KE‐KESHA‐MUHNEDOOM;

⁵⁹ Jehovah dush oogahoonahkoonaunuu enewh kekooduggeëgoowinun chemahmuhkahdandahgwukkin, kuhya enewh ookooduggeegoowinewaun kenejahnesug, kechekooduggeëwawinun suh goo, kuhya kenwazh kaühyaugin, kuhya kecheäh-koozewinun, kuhya kenwazh kaühyahgin.

⁶⁰ Kuhya kegahezhenezhuhuhmaug kuhkenuh enewh Egypt ahkoozewinun, enewh kahkootuhmunbuneen; kegahminjemenegoonun dush.

⁶¹ Kuhya anduhchingin ahkoozewinun, kuhya anduhchingin mujje‐enahpenawinun, wazhebeëgahdasenoogin oomah tebahkoonega‐muzzenuheguning, Jehovah kegahezhenezhuhuhmaug, peenish egoonishwuhnahjeëgooyun.

⁶² Kegahpungeshawuhgezim dush menik kaishkoonayag, uhnungoog dush ween azhenoowaud kedezhenoomwahbun; kah suh kegeënanduhse chebezinduhmun oodinwawin owh Jehovah keKesha‐Muhnedoom.

⁶³ Tahpuhgummeühyahmuhgud dush, Jehovah kahezheminwandungebun chemenoodoodoonag, kuhya chebahtuhyenooënag; me suh Jehovah kaëzheminwandung chenishwuhnahjeënag, kuhya cheüngooënag; kegahekoowabenegoom kuhya emuh uhkeeng ewh awetebanduhmun.

⁶⁴ Jehovah dush kegahsuswashkaug emuh uhyahwaud kuhkenuh ahnishenahbag, emuh mahduhkummegesing uhke nuhnauzh egoo ewede nuhpauj enuhguhka wuhyaquahkummegaug; kegahbuhmeetuhwaug dush ewede bakahnezejig muhnedoog, keen kuhya koosebuneeg kahkekanemahsewagoog, metig suh goo kuhya uhsin.

⁶⁵ Emuh dush uhyahwaud oogoo ahnishenahbag kahween kegahmekuhseen unwabewin, kahween kuhya kenahnuhguhkezid tuhunwabemuhgussenoon: Jehovah suh kegahmeenik ewede neningebenegoowin, kuhya wuhnetoog minwahbewin, kuhya kushkanduhmoowin:

⁶⁶ Kebemahdezewin dush tahkewahdandahgwud kaëzhewabudoogwan anahsuhmeyun; kegahsagiz dush kahzhegukkin kuhya tabekukkin, kah kuhya kuhnuhga kegahquuhyukwanduhseen chebemahdezeyun:

⁶⁷ Kekezhabahwuhguk oo‐oo kegahekid, Pagizh oonahgooshegebun! uhpe dush oonahgooshig oo‐oo kegahekid, Pagizh wahbungebun! oonje azhesagezemuhguk keda kaëzhesagezeyun, oonje kuhya kaëzhenuhmun.

⁶⁸ Jehovah dush menuhwah Egypting kegahezhewenik nahbequauning cheühneühbeyun, emuh enuhguhka oo‐oo kahezheweenduhmoonenaumbaun, Kah wekah menuhwah kegahwahbunduhseen: me dush ewede cheühdahmindwah keyowewaun egewh shaunganemenagoog chebuhmeetahguneneweyag kuhya chebuhmeetahgunequaweyag, kah dush ahweyah kegahkeeshpenuhnegoosewah.