DEUTERONOMY 27 - Ottawa New Testament Penteteuch and Psalms 1874

¹ Moses kuhya egewh akewanzeyewejig emuh Israeling oogekuhgaunzoomahwaun enewh ahnishenahban, oo‐oo keënahwaud, Kuhnuhwanduhmook kuhkenuh enewh kuhgequawinun noongoom kezhiguk azhekuhgaunzoomenenuhgoog.

² Ewh suh kezhiguk uhpe ahzhuhwuhuhmag ewh Jordan peendegayag dush emuh uhkeeng ewh mahnik Jehovah keKesha‐Muhnedoom, kegahpuhduhkeshemaug keche‐uhsineeg, keguhwahbegunuhwaug dush wahbegun uhwud:

³ Kegahoozhebeähnun dush wuhgijuhyeëe emuh kuhkenuh enewh ekedoowinun oomah tebahkoonegawining ayahgin, uhpe keähzhuhwuhuhmun, chepeendegayun emuh uhkeeng ewh mahnik Jehovah keKesha‐Muhnedoom, uhke emuh anduhnejewung doodooshahboo kuhya ahmoo‐seenzebahquud; kahezhewahweenduhmook suh goo Jehovah ooKesha‐Muhnedoomewaun koosebuneeg.

⁴ Uhpe suh dush keähzhuhwuhuhmaug ewh Jordan, kegahuhpuhduhkeshemahwaug oogoo uhsineeg, noongoom kezhiguk azhekuhgaunzoomenenuhgoog, emuh Ebal wuhjewing, kegahwahbegunuhwaug dush wahbegun uhwud.

⁵ Me dush emuh cheöozhetuhmuhwud owh Jehovah ke-Kesha‐Muhnedoom sahsahgewejegunahbik, uhsine‐sahsahgewejegunahbik: kahween pewahbik kegahuhnookahzooseen duhzhekuhwudwah.

⁶ Manzewazejig uhsineeg kegahuhwaug oozhetooyun oosahsahsahgewejegunahbikoom owh Jehovah keKesha‐Muhnedoom: kegahpuhgedenuhmuhwah dush emuh enewh chahgeda‐sahsahgewejegunun owh Jehovah keKesha‐Muhnedoom:

⁷ Kegahpuhgedenahnun kuhya pezauneëwawine sahsahgewejegunun kuhya kegahwesin emuh, kuhya kegahmoojegiz anahsuhmeed Jehovah keKesha‐Muhnedoom:

⁸ Kegahkechepuhguhkeöozhebeähnun dush emuh uhsineeng kuhhenuh enewh kekedoowinun oomah tebahkoonegawining ayaugin.

⁹ ¶ Moses dush kuhya egewh sahsahgewejega‐wenenewug egewh Leviteüg, oogekuhnoonahwaun kuhkenuh enewh Israelun, oo‐oo keënahwaud, Aungwahmezin, kuhya bezindun, O Israel; noongoom kezhiguk kedahwim oodahnishenahbamun owh Jehovah keKesha‐Muhnedoom.

¹⁰ Kegahnuhetaun suh dush ewh oodinwawin Jehovah keKesha‐Muhnedoom, kuhya kegahezhechega enewh ookuhgequawinun kuhya oodenahkoonegawinun, noongoom kezhiguk azhekuhgaunzoomenaun.

¹¹ ¶ Moses dush oogekuhgekemaun ewh ahnishenahban ewh kezhiguk, oo‐oo keënaud,

¹² Oogoo tahnebuhwewug wuhgedahke ewh wuhjewh Gerizim cheshahwanemahwaud enewh ahnishenahban, uhpe keähzhuhwuhuhmag ewh Jordan; Simeon, kuhya Levi, kuhya Judah, kuhya Issachar, kuhya Joseph, kuhya Benjamin:

¹³ Oogoo dush tahnebuhwewug wuhgedahke ewh wuhjewh Ebal chenahneboongawaud; Reuben, Gad, kuhya Asher, kuhya Zebulun, Dan, kuhya Naphtali.

¹⁴ ¶ Egewh dush Levitug tahkekedoowug, oo‐oo dush oogahenahwaun kuhkenuh enewh enenewun emuh Israeling kezhewawaud,

¹⁵ Kuhgwahnesuhgandahgooze owh enene wazheäud muzzeneneen manzenekoonahjin gamah kuhya nangahbekezwahjin, enewh kagwahnesuhganemahjin Jehovah, ooduhnookewin owh natahuhnookeed, asaud dush ingooje kemoodudenig. Kuhkenuh dush egewh ahnishenahbag tahnuhquatuhmoog oo‐oo cheëkedoowaud, Amen.

¹⁶ Kuhgwahnesuhgandahgooze owh kachetwahwanemahsig oosun gamah kuhya oogeen. Kuhkenuh dush egewh ahnishenahbag oo‐oo tahekedoowug, Amen.

¹⁷ Kuhgwahnesuhgandahgooze owh uhyaunduhkesedood weejduhnuhkewamahgunun ootebuhkeëgunahtigoomene. Kuhkenuh dush egewh ahnishenahbag oo‐oo tahekedoowug, Amen.

¹⁸ Kuhgwahnesuhgandahgooze owh waneshenooäud enewh kakepeengwanejin. Kuhkenuh dush enewh ahnishenahbag oo‐oo tahekedoowug, Amen.

¹⁹ Kuhgwahnesuhgandahgooze owh majetebahkoonaud enewh mayuhgezenejin, kahwezenejin, kuhya enewh shegaun. Kuhkenuh dush egewh ahnishenahbag oo‐oo tahekedoowuug, Amen.

²⁰ Kuhgwahnesuhgandahgooze owh wahpamaud oosun oowedegamahgunene; oomatuhgwuhzhabenaun mah oosun. Kuhkenuh dush egewh ahnishenahbag oo‐oo tahekedoowug, Amen.

²¹ Kuhgwahnesuhgandahgooze owh wahpamaud uhnooj egoo uhwaseyun. Kuhkenuh dush egewh ahnishenahbag oo‐oo tahekedoowug, Amen.

²² Kuhgwahnesuhgandahgooze owh wahpamaud ooduhwamaun, oosun oodaunene, gamah kuhya oogeen oodaunene. Kuhkenuh dush egewh ahnishenahbag oo‐oo tahekedoowug, Amen.

²³ Kuhgwahnesuhgandahgooze owh wahpamaud oosigoozesun. Kuhkenuh dush egewh ahnishenahbag oo‐oo tahekedoowug, Amen.

²⁴ Kuhgwahnesuhgandahgooze owh keemooj paketawaud weejduhnuhkewamahgunun. Kuhkenuh dush egewh ahnishenahbag oo‐oo tahekedoowug, Amen.

²⁵ Kuhgwahnesuhgandahgooze owh wadahpenung tebuhuhmahgoowin cheöonjenesaud enewh manooëzhewabezenejin. Kuhkenuh dush egewh ahnishenahbag oo‐oo tahekedoowug, Amen.

²⁶ Kuhgwahnesuhgandahgooze owh mashkuhweminjemenuhsig kuhkenuh enewh ekedoowinun oomah tebahkoonegawining ayahgin cheëzhechegad. Kuhkenuh dush egewh ahnishenahbag oo‐oo tahekedoowug, Amen.