DEUTERONOMY 26 - Ottawa New Testament Penteteuch and Psalms 1874

¹ Uhpe kepeendegayun emuh uhkeeng ewh mahnik Jehovah keKesha‐Muhnedoom chedebanduhmun, debanduhmun dush, kuhya duhnuhkeyun emuh;

² Kegahoodahpenaun ewh netum kahzheging anduhching uhkeeng natahweging, ewh kaöondenuhmun keduhkeeming mahnik Jehovah keKesha‐Muhnedoom, kegahpenuhaun dush uhkookoobenahguning, kuhya kegahezhah emuh ewh kawuhwanahbundung Jehovah keKesha‐Muhnedoom cheühtood oodezhenekahzoowin emah.

³ Kegahezhahnun dush owh sahsahgewejega‐wenene ewh uhpe kaühyaud, oo‐oo dush kegahenah, Neweenduhmuhwah noongoom kezhiguk owh Jehovah keKesha‐Muhnedoem, ewh keduhgwishenaun emuh uhkeeng ewh Jehovah kahwahweenduhmuhwahpun koosemenahbuneen chemenenung.

⁴ Owh dush sahsahgewejega‐wenene kegahoodahpenuhmaug keninjeeng ewh uhkookoobenahgun, oogahpuhgedenaun dush emuh anahsuhmesenenig oosahsahgewejegunahbikoom owh Jehovah keKesha‐Muhnedoom.

⁵ Kegahkekid dush oo‐oo cheëkedooyun anahsuhmeed owh Jehovah keKesha‐Muhnedoom. Pazhig Syrian ahzhegwuh goo wahnebood keähwe noos, keëzhah dush Egypting, keduhnuhke kuhya ewede pungeshawuhgezid, bahmah dush kebahtuhyenoo, kekechetwahwandahgooze, kuhya kemushkuhweze:

⁶ Egewh dush Egyptianug ningemujjedoodahgoonahnig, kuhya ningekooduggeëgoonahnig, kuhya ningebemoonduhe-goonahnig kooduggeühnookewin:

⁷ Uhpe dush kahbebahgemungid owh Jehovah noosemenahbuneeg ooKesha‐Muhnedoomewaun, Jehovah oogenoodaun nindinwawinenaun, oogekuhnuhwahbundaun kuhya ninkooduggezewinenaun, kuhya ninduhnookewinenaun, kuhya ninkooduggeëgoowinenaun:

⁸ Jehovah dush Egypting ningeöonjesahgejewenegoonaun mushkuhwenekad, kuhya shebenekanid, kuhya kootahmegwandahgoozid, kuhya wahbunduhewad kekenuhwahjechegunun, kuhya muhmaundahwechegunun:

⁹ Ningebenegoonaun dush oomah, ningemenegoonaun kuhya oo‐oo uhke, uhke emuh anduhnejewung doodooshahboo kuhya ahmoo‐seenzebahquud.

¹⁰ Benuh dush noongoom nebedoonun enewh netum kahkezhegingin emuh uhkeeng, keen O Jehovah, kahmeezheyun. Kegahpuhgedenuhmuhwah dush owh Jehovah, keKesha‐Muhnedoom, kuhya kegahahnuhmeäh anahsuhmeed Jehovah keKesha‐Muhnedoom:

¹¹ Kegahmoojegiz kuhya oonje kuhkenuh gagoo wanezheshing kahmeenik Jehovah keKesha‐Muhnedoom, kuhya enewh ayahnejin kewegewauming, keen, kuhya owh Levite, kuhya owh mayuhgezid wanjduhnuhkeemenag.

¹² ¶ Uhpe keïshquahtitheëmetooyun kuhkenuh enewh titheün azhenetawegechegayun uhpe nesoopepoong, me ewh pepoon uhpe koo titheün nunduhwandjegahdagin, kemeenud dush owh Levite, owh mayuhgezid, owh kahwezid, kuhya owh shegah, chewesenewaud dush nah peendig kedoodanaung, kuhya chedabesenewaud;

¹³ Oo‐oo dush kegahekid anahsuhmeed Jehovah keKesha‐Muhnedoom, Ningesahgejewedoonun mewegewauming enewh kahkechetwahwetoongin, ningemeenah dush kuhya owh Levite, kuhya owh mayuhgezid, owh kahwezid, kuhya owh shegah, nahsaub egoo azhesingin kuhkenuh enewh kekuhgequawinun, kahezhekuhgaunzoomeyun: kahween ningebuhnahjetoosenun kekuhgequawinun, kahween kuhya ninkewuhnandunsenun:

¹⁴ Kahween ningemejeseen ewh uhpe kemuhweyaun, kahween kuhya gagoo ningeöodahpenuhseen gagoo wahnuk weënahbuhjetooyaun, kahween kuhya gagoo ningemeegewase oonje egewh naboojig: ningebezinduhmuhwah suh atuh oodinwawin owh Jehovah ninKesha‐Muhnedoom, kuhya ningeëzhechega kuhkenuh kahezhekuhgaunzoomeyun.

¹⁵ Ewede kachetwahwandahgwuk kewegewauming, ishpeming kezhigoong oonzahbun, shahwanim dush kedahnishenahbamug Israel, kuhya ewh uhke kahmeezheyaung, kahezhemushkuhwe‐wahweenduhmuhwudwah noosemenahbuneeg, ewh uhke emuh anduhnejewung doodooshahboo kuhya ahmoo‐seenzebahquud.

¹⁶ ¶ Noongoom kezhiguk Jehovah keKesha‐Muhnedoom kegekuhgaunzoomig cheëzhechegayun oonoo enahkoonegawinun kuhya tebahkoonegawinun: kegahkuhnuhwandahnun suh dush kuhya kegahezhechega anegookoojechaugooweyun.

¹⁷ Kegeëkid noongoom kezhiguk Jehovah ahwid keKesha‐Muhnedoom, kuhya chepemoosayun oomeekunaung, kuhya chekuhnuhwanduhmun oodenahkoonegawinun, kuhya ookuhgequawinun, kuhya ootebahkoonegawinun, kuhya chebezinduhmuhwud oodinwawin:

¹⁸ Jehovah kuhya noongoom kegeïg ewh ahweyun enewh tebenuhwa oodahnishenahbamun, debishkoo suh goo kahezhewahweenduhmook, kuhya chekuhnuhwanduhmuhwud kuhkenuh enewh ookuhgequawinun;

¹⁹ Kuhya nuhwuj ishpeming cheühsik enewh dush ween kuhkenuh ahnishenahban kahoozheäud, cheminwahjemegooyun dush, kuhya chekechetwahwanemegooyun; kuhya cheähweyun enewh kachetwahwezenejin oodahnishenahbamun Jehovah keKesha‐Muhnedoom, debishkoo suh goo kahekedood.