DEUTERONOMY 25 - Ottawa New Testament Penteteuch and Psalms 1874

¹ Kishpin kekaundewaud enenewug, tebahkoonegawining dush ezhahwaud, chetebahkoonegoowaud dush enewh tebahkoonega‐wenenenewun; oogoo quuhyukezhewabezewug oogahenahwaun enewh manooëzhewabezenejin, oogahbuhnahzoomahwaun dush ween enewh majeëzhewabezenejin.

² Kishpin dush owh majeëzhewabezid enene taühpetan-dahgoozid chepuhshunzhaöond, owh tebahkoonega‐wenene tahuhnooke cheshingeshenenid, kuhya chepuhshunzhaöomind anahsuhmeed, anandahgwudenig egoo oomujjeëzhechegawin, koomah goo menik.

³ Nemeduhnuh duhching oodahpuhketawaun, kahween uhwushema: koonemah gooshuh, kishpin nuhwuj nebewuh puhketawaud, kekahnis kedahmujjeënanemah.

⁴ ¶ Kahween kegahkebedoonabenahse owh uhnooke‐pezheke uhpe pagunduhungin ewh buhquazhegunushk.

⁵ Kishpin egewh egewh wahkahnesindejig mahmuhwe dahwaud, pazhig dush egewh nebood, oonejahnesig kuhya, oowedegamahgunun owh nabood kahween oogahwedegamahseen enewh mayuggezenejin: oonahbamebuneen wekahnesene oogahpeendegahgoon, oogahwedegamegoon dush, kuhya kaëzhechegapun owh nenim anind oogahuhyindoodahgoon.

⁶ Enewh dush netumoonzhaunun nahgeähjin tahnahbishkahgawun oodezhenekahzoowinening enewh naboonejin, cheüngoomuhgussenenig dush oodezhenekahzoowin emuh Israeling.

⁷ Kishpin dush owh enene ezheminwanduhsig cheöodahpenaud wekahnesebuneen oowewene tahezhahwun emuh oodishquaundamewaung egewh kecheëhnishenahbag, oo‐oo dush cheëkedoonid, nenim kahween enanduhse chepuhsegwindenuh muhwaud wekahnesebuneen ezhenekahzoowin emuh Israeling, kahween weëzhechegase kaëzhechegapun owh nenim anind.

⁸ Me dush egewh kecheähnishenahbag emuh oodoodanaung chenundoomahwaud, kuhya chekuhnoonahwaud: kishpin dush uhwunjish wedabwad, oo‐oo ekedood, Kahween nindezheminwanduhse cheöodahpenug;

⁹ Me dush enewh wekahnesebuneen wewene chenaunzekahgood emuh anahsuhmeühyahwaud egewh kecheähnishenahbag, oogahkechegoobegahdoon dush oomuhkezin emuh oozidaung, oogahsequahnegoon kuhya, tahnuhquatuhmoon kuhya oo‐oo cheëkedoonid, Me suh oo‐oo kadooduhwind owh enene wahoozheguhwahsig wekahnesebuneen.

¹⁰ Oo‐oo dush tahezhenekahdane oodezhenekahzoowin emuh Israeling, Oowegewaum owh kahketuhkezenaïnd.

¹¹ ¶ Uhpe enenewug megahdewaud, oowedegamahgunun dush owh pazhig pashoo beëzhaud wekediskenaud oonahbamun emah ooninjening enewh paketaöogoojin, shebenekanid dush, kuhya ninjemenaud emuh ooneshewauning:

¹² Kegahkeeshkeguhnaunduhmuhwah ooninj, kahween kegahketemahgahbuhmahse.

¹³ ¶ Kahween kegahuhyaunsenun kemushkemoodaung uhnooj apetenegwukkin debahbeeshkoojegunun, machaug kuhya ewh agahsing.

¹⁴ Kahween kegahuhyaunsenun andahyun uhnooj ayahnegooquahgin tebuhegunun, ewh machaug kuhya ewh agahsing

¹⁵ Kegahuhyaun suh ewh wanezheshing kuhya quayukwuk tebahbeeshkoojegun, ewh wanezheshing kuhya quayukwuk tebuhegun kegahuhyaun: chekenwahtoong dush nah kekezhigudoomun emuh uhkeeng ewh mahnik Jehovah keKesha‐Muhnedoom.

¹⁶ Kuhkenuh mah oonoo azhechegajig, kuhya kuhkenuh quuhyuk azhechegasegoog, ookuhgwahnesuhganemegoowaun enewh Jehovahun keKesha‐Muhnedoomun.

¹⁷ ¶ Mequandun Amalek kahdoodook emuh meekunaung, uhpe Egypting kahoonjesahguhuhmag;

¹⁸ Kahezhenuhquushkook emuh meekunaung, kahezhepuhketawaud dush enewh ishquayaung buhuhyahnepun emuh uhyahyun, kuhkenuh suh goo enewh mashkuhwezesenid kebequuhnaung enuhguhkayah, uhpe uhyahnuhwetooyun kuhya ayakoozeyun; kah kuhya oogekoosahseen Kesha‐Muhnedoon.

¹⁹ Uhpe suh dush Jehovah keKesha‐Muhnedoom kemeenik aunwabewin ewh megahnikwahbun kuhkenuh egewh kahsheenganemikig kewetahuhyeëe, emuh uhkeeng ewh mahnik Jehovah keKesha‐Muhnedoom chedebandahsooyun, kegahkahseühmuhwah oomequanemegoowin owh Amalek emuh uhnaumekezhigoong; kahween kegahwuhnandunseen.