DEUTERONOMY 24 - Ottawa New Testament Penteteuch and Psalms 1874

¹ Uhpe enene keöodahpenaud equawun wahwewid, wedegamaud dush puhgummeühyahmuhguk dush minwanemahsig, oonje kemekuhmuhwaud gagoo wenezewin; mahnoo oogahoozhebeühmuhwaun wabenedewine‐muzzenuhegun, chemeenaud dush ooninjening, kuhya chesahgejenaunzhuhwaud oowegewauming.

² Uhpe dush oowegewauming keoönjesahguhung, tahmahjah cheähwid oowedegamahgunun menuhwah pazhig enene.

³ Kishpin dush owh ishquauj enene sheenganemaud, oozhebeühmuhwaud dush wabenedewine‐muzzenuhegun, meenaud dush ooninjening, sahgejenaunzhuhwaud dush oowegewauming; gamah kuhya kishpin owh ishquauj enene nebood, kahoodahpenaud enewh cheöowedegamahgunid;

⁴ Enewh netum kahoonahbamid, kahmahjenaunzhuhoogoojin, kahween menuhwah oodahoodahpenegooseen chewedegamegood, ahzhe ewh keweneïnd; kagwahnesuhgandahgwuk mah ahwun ewh anahsuhmeed Jehovah: kah suh keen tahoonjemujjeëzhewabezemuhgussenoon ewh uhke, Jehovah keKesha‐Muhnedoom mahnik chedebandahsooyun.

⁵ ¶ Uhpe enene keöodahpenaud ooshke equawun, kahween tahuhwemegahzoose, kahween kuhya gagoo tahezheühnoonahse: ningoopepoon suh tahtebanindezoo andaud, oogahweejmoojegezemaun dush enewh oowedegamahgunun kahoodahpenahjin.

⁶ ¶ Kahween ahweyah enene oogahuhpuhzenuhegasenun enewh peseboojegunahbikoon ishpeming azheshenenid gamah kuhya enewh duhbuhzheesh: oodahpuhzenuhegan mah enene oobemahdezewin.

⁷ ¶ Kishpin ahweyah enene mekuhwind kemoodid ahweyah enewh wekahnesun Israel oonejahnesun, uhnookeäud dush weöondezid gamah kuhya uhdahwad: owh kamoodid tahneboo; kegahekoonaun dush ewh mujjeühyeëewish emuh uhyahyag.

⁸ ¶ Aungwahmezeyook oonje ewh mujjeënahpenawin kecheöomegewin, cheaungwahme‐kuhnuhwanduhmun, kuhya cheëzhechegayun kuhkenuh egewh sahsahgewejega‐wenenewug Levitug kaëzhekekenooühmoonagwah: kahezhekuhgaunzoomugwah, me ewh kaäungwahmezeyag cheëzhechegayag.

⁹ Mequanduhmook Jehovah keKesha‐Muhnedoomewah kahdooduhwaud enewh Miriamun emuh meekunaung, Egypting kahoonjemahjahyag.

¹⁰ ¶ Uhpe gagoo aweüdjin kekahnis, kahween kegahpeendegase andaud chenahdeyun ewh apuhzenuhung.

¹¹ Uhgwuhjeeng suh kegahnebowh, owh dush enene aweüd kegahbesahgejewedaug uhgwuhjeeng ewh uhpuhzenuhegun.

¹² Kishpin dush owh enene ketemahgezid, kahween kegahezhenebahse uhyahmun ewh ooduhpuhzenuhegun:

¹³ Ahbedik kegahpuhgedenuhmuhwah menuhwah ewh uhpuhzenuhegun uhpe pungeshemood owh keezis, chenebaud dush nah ween tebenuhwa ooduhgwewining, cheshahwanemik dush: quuhyukezhewabeze kegahenanmegoo dush emuh anahsuhmeed Jehovah keKesha‐Muhnedoom.

¹⁴ ¶ Kahween kegahkooduggeähse owh anoonud buhmeetahgun katemahgezid kuhya manazid, pazhig kekahnis uhyahwegwan, gamah kuhya pazhig: egewh kemahyahdahwezeemug keduhkeeming ayahjig peendig kedoodanaung:

¹⁵ Ewh kezhiguk keühnookeed kegahmeenah ootebuhuhmahgoowin, kahween kuhya owh keezis tahpungeshemoose ezheühtanig; ketemahgeze mah, kuhya ookecheühpetandaun: koonemah gooshuh oodahbebahgemaun enewh Jehovahun keen oonje, kemujjeëzhechega cheënanemegooyunbun dush.

¹⁶ Egewh wayoosemindjig kahween tahnesahsewug oonje egewh wahnejahnesemindjig, kahween kuhya egewh wanejahnesemindjig, tahnesahsewug oonje egewh wayoosemindjig: kuhkenuh enenewug tahoonjenawug wenuhwah tebenuhwa oomujjeëzhewabezewinewaun.

¹⁷ Kahween kegahwushkesedooseen ootebahkoonegoowin owh mayuhgezid, kuhya owh kahwezid; kahween kuhya kegahoodahpenuhmuhwahse shegah ewh ooduhgwewin weühpuhzenuhung:

¹⁸ Kegahmequandaun suh ewh keühwuhkaunegooyun ewede Egypting, Owh dush Jehovah kekesha‐Muhnedoom ewede kegeöonjekeeshpenuhnig: kekuhgaunzoomin suh dush oo‐oo cheëzhechegayun.

¹⁹ ¶ Uhpe keeshkushkezhegayun keketegauning, wuhnanduhmun dush ingooding tuhkoobedag emuh ketegauning, kahween menuhwah kegahezhahse chenahdeyun: oogahuhyaun owh mayuhgezid, owh kahwezid, kuhya owh shegah: cheshahwanemik dush nah owh Jehovah keKesha‐Muhnedoom kuhkenuh azheühnookemuhgukkin keninjeen.

²⁰ Uhpe pakedawudjin owh kedooliveühgahwunzhe‐metigoom, kahween menuhwah jwawane kegahpuhketaunsenun enewh wuhdikwunun: ooguhuhyahwaun owh mayuggezid, owh kahwezid, kuhya owh shegah.

²¹ Uhpe mamebenudwahnin egewh shooweminug emuh keshoowemine‐ketegauning, kahween wawane kegahmuhmebenahseeg: oogahuhyahwaun owh makuggezid, owh kahwezid, kuhya owh shegah.

²² Kegahmequandaun dush keühwuhkaunegooyunbun ewede Egypt uhkeeng: kekuhgaunzoomin suh dush oo‐oo cheëzhechegayun.