DEUTERONOMY 23 - Ottawa New Testament Penteteuch and Psalms 1874

¹ Owh gagoo kahenuhguhnahmind ooneshewaung, gamah kuhya kahmuhmezhegahdanig ewh koo kuhyahdood, kahween tahpeendegase emuh Jehovah oodahnuhmeäwegummigoong.

² Kemenejahgun kahween tahpeendegase Jehovah oodahnuhmeäwegummigoong; nuhnauzh egoo medahching menik cheähnekabemahdezid kahween tahpeendegase Jehovah oodahnuhmeäwegummigoong.

³ Owh Ammorite gamah kuhya owh Moabite kahween tahpeendegase emuh Jehovah oodahnuhmeäwegummigoong; nuhnauzh egoo medahching menik cheähnekabemahdezewaud kah wekah tahpeendegasewug Jehovah oodanuhmeäwegummigoong:

⁴ Kah mah kegemenegoosewaug buhquazhegun kuhya nebe uhpe naquashkoonagwah emah meekunaung, uhpe Egypting wanjesahguhuhmag; oogeühnoonahwaun kuhya Balaamun oogwissun owh Beor Pethoring kahduhnuhkeed ewede Mesopotamiaïng, chenahneboomenenag.

⁵ Kah dush pooch Jehovah keKesha‐Muhnedoom keënandunse chebezinduhwaud enewh Balaamun; owh suh Jehovah keKesha‐Muhnedoom oogeëzheäunjesedoon ewh nahneboomegoowin cheshahwanemegooyun, oonje ewh kesahgeïk owh Jehovah keKesha‐Muhnedoom.

⁶ Kahween kegahnunduhwanduhseen oomenooweejekewayindewinewah kuhya kaëzhemenooühyahwaud menik kabemahdezeyun kahgenig.

⁷ ¶ Kahween kegahkuhgwahnesuhganemahse owh Edomite; kekahnis mah ahwe: kahween kegahkuhgwahnesuhganemahse owh Egyptian; kegemuhyuhgiz mah emuh ooduhkeeming.

⁸ Oonejahnesewaun wahnejahnesewahjin tahpeendegawug emuh Jehovah oodahnuhmeäwegummigoong uhpe nesing ahnekabemahdezewaud.

⁹ ¶ Uhpe egewh quatahmegwenoojig uhwemegahnahwaud enewh shaunganemenagoog, oozhindun kuhkenuh gagoo maje-uhyeëewishewung.

¹⁰ ¶ Kishpin uhyaud ahweyah enene magwaühyeëe emuh uhyahyag, pahnezesig oonje ewh wenezewin nebahtebik tuhyaungishkahgood, uhgwuhjeeng kuhbashewining tahezhah, kahween peendig kuhbashewining tahbeëzhahse:

¹¹ Tahpuhgummeühyahmuhgud dush, uhpe zhegwuh weöonahgooshig, tahkezebege nebe uhyood: uhpe dush keezis kepungeshemood, menuhwah emuh kuhbashewining tahbeëzhah.

¹² ¶ Kegahuhyaun kuhya uhgwuhjeeng kuhbashewining, emuh kaëzhahyun wesahguhuhmun:

¹³ Kegahuhyaun kuhya nuhbuhgahbikoonse emuh kedushwewining; tahpuhgummeühyahmuhgud dush, uhpe wesahguhuhmun, kegahwahneka ewh uhyooyun, kegahquaketah dush kuhya kegahuhgwuhnuhaun ewh keyowing wanjesahguhuhmoomuhguk:

¹⁴ Owh mah Jehovah keKesha‐Muhnedoom pemoosa nahwuhyeëe kekuhbashewining, chebemahjeïk, kuhya chepuhgedenuhmook anahsuhmeyun egewh shaunganemikig: tahkechetwahwandahgwud suh dush ewh kekuhbashewin: chewahbunduhmoosenook dush nah gagoo wahnuk, ewh kaöonje-quakegahbuhwetookebun.

¹⁵ ¶ Kahween kegahpuhgedenahse owh buhmetahgun, oodoogemaumun kahgejebuhaud keen dush kahnaunzekook, emuh ooninjening enewh oodoogemaumun:

¹⁶ Kegahweejduhnuhkeemig, magwaühyeëe emuh uhyahyag, emuh goo kawuhwanahbundung pazhig kedoodanuhwing; tebe kaminwanduhmoogwan: kahween kegahkooduggeähse.

¹⁷ Kahwen ahweyah tahpeshegwahjequawese Israel oodaunun, kahween kuhya ahweyah tahpeshegwahjenenewese Israel oogwissun.

¹⁸ Kahween kegahpeendeguhdooseen ewh tabuhuhmuhwind owh peshegwahgequa, gamah kuhya ewh anuhginzood uhnemoosh emuh oowegewauming owh Jehovah keKesha‐Muhnedoom oonje gagoo weëzhewahweenduhmagayun: nuhyazh suh oonoo ookuhgwahnesuhgandahnun owh Jehovah ke‐Kesha‐Muhnedoom.

¹⁹ ¶ Kahween kegahuhweähse owh kekahnis gagoo weöondezeyun; shooneyah weöondezeyun dush gagoo, mejim weöondezeyun dush gagoo uhnooj gagoo koo aweëwang weöondezing weöondezeyun dush kuhya keen:

²⁰ Owh mayuhgezid kedahuhweäh weöondezeyun; owh dush ween kekahnis kahween kegahuhweähse weöondezeyun: cheshahwanemik dush nah owh Jehovah keKesha‐Muhnedoom kuhkenuh keduhnookewining ewede uhkeeng ewh awedebanduhmun.

²¹ ¶ Uhpe gagoo wahweenduhmuhwud owh Jehovah keKesha‐Muhnedoom, kahween kegahbuhbakahdezese cheëzhechegayun: owh mah Jehovah keKesha‐Muhnedoom ahbedik ewh kegahnunduhwanduhmaug; pahtahze kedahenanemegoo dush.

²² Kishpin dush ween enanduhsewun chewahweenduhmahgayun, kahween pahtahze kegahenanemegoose.

²³ Ewh kedooning wanjesahguhuhmoomuhguk kegahahkuhnuhwandaun kuhya kegahezhechega; ewh suh goo pagedenuhmun keen egoo enanduhmun, kahezhewahweenduhmuhwud owh Jehovah keKesha‐Muhnedoom, kahwahweenduhmahgayun kedoon uhyooyun.

²⁴ ¶ Uhpe paundegayunun keejduhnuhkewamahgun ooshoowemine‐ketegauning, kedahmejenun shooweminun wedabeseneyun ezheminwanduhmun; kah dush ween gagoo kegahuhtooseen emah keduhtahsoowining.

²⁵ Uhpe paundegayunin emuh puhduhkesing buhquazhegunushk keejduhnuhkewamahgun dabandung, kedahcheshuh-nuhkebedoon; kah dush ween keeshkuhkezhegun kegahuhyooseen naunzekuhmun ewh paduhkesenenig oobuhquazhegunushkoom keejduhnuhkewamahgun.