DEUTERONOMY 22 - Ottawa New Testament Penteteuch and Psalms 1874

¹ Kahween kegahkuhnuhwahbuhmemahseen kekahnis ooduhnooke‐pezhekeemun gamah kuhya oomahnishtahnisheemun wuhneshenenid kahween kuhya kegahkahzootuh-wemahseen: ahbedik sah nayaub kegahpeduhwah kekahnis.

² Kishpin dush kekahnis pashoo uhyahsig emuh uhyahyun, gamah kuhya kishpin kekanemahsewud, kegahezhewenah-tebenuhwa andahyun owh uhwuhkaun, tahuhyah dush emuh uhyahyun nuhnaunzh egoo kekahnis nunduhwahbuhmaud, nayaub dush kegahmeenah.

³ Me goo nahsaub kaühyindooduhwemud oomahmaungeshaëmun; me goo kuhya debishkoo oo‐oo kadooduhmun oodahgwewin kuhya wagoodoogwan wanetoogwan owh kekahnis, ewh kahwuhnetood, keen dush kahmekuhmun: kahween kedahaunzwayahbundunseen.

⁴ Kahween kegahwahbuhmemahseen kekahnis oomamaun geshaëmun gamah kuhya ooduhnooke‐pezhekeemun pungeshinenid emuh mekunaung, chekahzootuhwemud dush: ahbedakummig kegahwedookuhwah menuhwah cheöombenaud.

⁵ ¶ Equa kahween oogahuhgweseen ewh enenewun dabanduhmenid, kahween kuhya owh enene oogahpezekunseen equa ooduhgwewin: kuhkenuh mah oo‐oo azhechegajig ookuhgwahnesuhganemegoowaun enewh Jehovahun keKesha‐Muhnedoomun.

⁶ Kishpin penashee oozooswun nuhnuhedah uhtag anahsuhmeyun emuh aneëzhahyun ingooje metigoong, gamah kuhya wahwunoon, owh dush noozhasa buhduhgwuhnishkuhwaud enewh puhnuhjahyun, gamah enewh wahwunoon, kahween kegahoodahpenahse owh noozhasa kuhya egewh puhnuhjahyug:

⁷ Ahbedahkummig suh kegahpuhgedenah own noozhasa, kegahoodahpenuhmauz dush ween egewh puhnuhjahyug; cheminwahbuhmawezeyun dush nah, kuhya kenwanzh chebemahdezeyun.

⁸ ¶ Uhpe oozhetooyun ooshke‐wegewaum, kegahwahkahkenaun keduhpuhkoojegun, keen dush cheöonjesamuhgussenoog misque emuh kewegewauming, kishpin emuh ahweyah enene oonduhgoojing;

⁹ Kahween kegahsuswawabenunseen keshoowemine‐ketegauning papukkaun doowuh menekaun: koonemah gooshuh tahwenechegahda azhemenewung ewh kemenekaun kahsus-wawabenuhmun, kuhya azhemenewung keshoowemine‐ketegaun.

¹⁰ ¶ Kahween kegahneezhoobenahseeg uhnooke‐pezheke kuhya mamaungesha ewh pemeboojegayun.

¹¹ ¶ Kahween kegahuhyooseen uhgwewin uhnooj gagoo kahuhyoong keöozhechegahdag, mahnishtahnishebewuhy kuhya puhpuhgewuhyaunegin.

¹² ¶ Kegahuhgoogwahdaunun uhgoogwahjegunun emuh newing kenequamuhguk keduhgwewin, ewh agwuhnuhoodezooyun.

¹³ ¶ Kishpin ahweyah enene oodahpenaud equawun wahwewejin, peendeguhwaud dush, sheenganemaud dush,

¹⁴ Kuhya nundoonaüng wahoonjemujjekuhnoonaud, kuhya mujjewahweenaud, oo‐oo ekedood, Ningeöodahpenah mahbuh equa, uhpe dush nuhyaunzekuhwug, kahween kegaungooqua cheähwid ningeëzhekekanemahse:

¹⁵ Medush owh wayoosemegood enewh ooshkenegequan, kuhya enewh oogene, cheöodahpenuhmoowaud kuhya chepedoowaud enewh wanjekekanememind enewh ooshkenegequan ewh kegaungooquawenid emuh uhyahnid enewh akewanzeyewenid oodanaung emah ishquaundaming:

¹⁶ Oosun dush owh ooshkenegequa oo‐oo tahenahne enewh akewanzeyewenejin, Ningemeenah wuhowh enene enewh nindaunun chewedegamaud, oosheenganemaun dush;

¹⁷ Benuh dush oogenundoonaäun gagoo ewh kahoonjemujje-kuhnoonaud, oo‐oo keëkedood, Kahween kegaungooqua cheähwid ningeëzhekekanemahse owh kedaunis: me dush ween egoo oonoo wanjekekanemind owh nindaunis ewh kegaungooquawid. Oogahduhzhwagesedoonahwah dush ewh uhgwewin emuh anahsuhmenid enewh akewanzeyewenejin emah oodanaung.

¹⁸ Egewh dush akewanzeyewejig emuh oodanaung oogahoodahpenahwaun enewh enenewun oogahpuhshunzhawahwaun dush:

¹⁹ Oogahtebuhegaähwaun kuhya ningoodwauk dusswahbik shooneyah, oogahmeenahwaun dush oosunowh ooshkenegequa, oogemujjewahwenaun mah pazhig oodaunewaun egewh Israelitug: oowedegamahgunun dush tahahwewun enewh; kahween oogahwabenahseen menik kabemahdezid.

²⁰ Kishpin dush ween oo oo tabwawinuhguk kuhya kekandahgoozesig kegaungooquawid owh ooshkenegequa:

²¹ Oogahezhewenahwaun enewh ooshkenegequan emuh ishquaundamewunenig oowegewaumene enewh oosun, egewh dush enenewug dabandahgoozejig emuh oodoodanahning oogahbemwuhsenuhahwaun cheneboonid: kekuhgebahjechega mah emuh Israeling, chepeshegwahdezid emuh oosun oowegewaumening: me suh oo‐oo kaëzheëkoonuhmun ewh mujjeühyeëewish emuh uhyahyag.

²² ¶ Kishpin enene mekuhwind wepamaud equawun wanahbamenejin, nuhyazh suh tahneboowug, owh enene kahwepamaud enewh equawun, kuhya owh equa: me suh oo‐oo kaëzheëkoonuhmun mujjeühyeëewish emuh Israeling.

²³ ¶ Kishpin ooshkenegequa muhshe washesig wahweenduhmuhwaud enenewun chewedegamaud, mekahgood dush pazhig enenewun emah oodanaung, wepamegood dush;

²⁴ Kegahezhewenahwaug nuhyazh egewh emuh ishquaundamewung ewh oodanuh, kegahbemwuhseenuhahwaug dush cheneboowaud; owh ooshkenegequa, oonje keähshequasig, ahnuhwe uhyaud emuh oodanaung; kuhya owh enene, oonje ewh keduhbusseäud weejduhnuhkewamahgunun wewene: me suh oo‐oo kaëzheëkoonuhmun ewh mujjeühyeëewish emuh uhyahyag.

²⁵ Kishpin dush ween enene ketegauning mekuhwaud ooshkenegequan kahwahweenduhmahganid chewedeganid, owh dush enene mushkuhwe‐minjemenaud, wepamaud kuhya: owh suh atuh enene kahwepamaud tahneboo:

²⁶ Kah dush ween gagoo kegahdooduhwahse owh ooshkenegequa; owh ooshkenegequa kahween ookegishkunseen gagoo mujjeëzhewabezewin kaöonjenesindebun; debishkoo mah anandahgwuk uhpe enene quuhyaushkoonooduhwahjin weejduhnuhkewamahgunun, nesaud dush, me suh oo‐oo anandahgwuk:

²⁷ Oogemekuhwaun mah emuh ketegauning, owh dush ooshkenegequa kahwahweenduhmahgad chewedegad keähshequa, kahween dush keühyahsewun ahweyah kagenahduhmahgoopun.

²⁸ ¶ Kishpin enene mekuhwaud ooskenegequan, muhshe washesenid wuhyahweendahmahgasenid chewedeganid, nuhwuhdenaud dush, kuhya wepamaud, mekuhwindwah dush;

²⁹ Owh enene kahwepamaud oogahmeenaun oosene enewh ooshkenegequan nahnemeduhnuh dusswahbik shooneyah, oowedegamahgunun dush tuhahwewun; ewh suh keduhbuhseäud, me ewh kaöonjewabenahsig menik kabemahdezid.

³⁰ ¶ Enene kahween oogahoodahpenahseen oosun wewene, kahween kuhya ooguhmatuhgwuhzhabenahseen oosun.