DEUTERONOMY 21 - Ottawa New Testament Penteteuch and Psalms 1874

¹ Kishpin pazhig kahnesind mekuhwind emuh uhkeeng ewh mahnik Jehovah keKesha‐Muhnedoom chedebanduhmun, shingeshing ketegauning, kekandahgwussenoog dush ahwagwan kahnesahgwan:

² Egewh kekecheähnishenahbamug kuhya ketebahkoonegawenenemug tahbesahguhuhmoog, tahtebuhegawug dush apeechahnig enewh oodahnuhwun kewetahuhyeëe atagin emuh uhyaud owh kahnesind:

³ Ewh dush oodanuh mahmuhwe pashoo atag emuh uhyaud owh enene kahnesind, egewh suh goo akewanzeyewejig emuh oodanaung oogahoodahpenahwaun equa‐pezhekewun, kahuhnookeähsewemind, kuhya kabemedahbesenid;

⁴ Egewh dush akewanzeyewejig emuh oodanaung oogahezhewenahwaun enewh equa‐pezhekewun emuh tuhwuhdenaug mahnuhkuhmegaug, emuh kebemeboojegaseeng kuhya kesuswawabenegaseeng, oogahkeeshkegwaguhnahmahwaun dush enewh equa‐pezhekewun emuh tuhwuhdenaug:

⁵ Egewh dush sahsahgewejega‐wenenewug Levi oogwissun pashoo tahbeëzhahwug; me mah enewh Jehovah keKesha‐Muhnedoom kahwuhwanahbuhmahjin chebuhmetahgood, kuhya cheshahwanjeganid emuh oodezhenekahzoowinening Jehovah; oodekedoowinewaung dush tahoonjekekanjegahdawun azhewabukkin kuhkenuh wanjekekaunding kuhya kuhkenuh puhketaöowawinun:

⁶ Kuhkenuh dush egewh akewanzeyewejig emuh oodahnaung mahmuhwe pashoo ayahjig emuh uhyaud owh enene kahnesind, tahkesehegeninjewug wuhgijuhyeëe emuh uhyaud owh equa‐pezheke kahkeeshkegwaguhnahmind emuh tuhwuhdenaug:

⁷ Tahnuhquatuhmoog dush oo‐oo cheëkedoowaud, Kahween ningesegwabenunsemin oo‐oo misque neninjenahnin uhyooyaung, kahween kuhya ningewahbungasemin nishkeenzhigoonahnin uhyooyaung.

⁸ Shahwanim, O Jehovah, egewh kedahnishenahbamug kahkeeshpenuhnudjig, kagoo kuhya bemoonduhahkan ewh majedoodahgamuhgussenoog misque egewh kedahnishenahbamug Israel. Tahabwayanemahwug dush ewh misque.

⁹ Me suh oo‐oo kaëzhekoonuhmun ewh uhnaumemegooyunbun oonje ewh majedoodahgamuhgoosenoog misque emah uhyahyag, uhpe ezhechegayun ewh wanezheshing emuh anahsuhmeed Jehovah.

¹⁰ ¶ Kishpin uhwemegahnudwah egewh shaunganemikig, owh dush Jehovah keKesha‐Muhnedoom puhgedenaud keninjeeng tuhkoonudwah kuhya.

¹¹ Wahbuhmud dush magwaühyeëe emuh uhyahwaud egewh takoonindjig owh quanaujewid equa, nunduhwanemud dush cheweweyun;

¹² Andahyun kegahezhewenah; oogahkaushkebahdaun dush ooshtegwaun, kuhya oogahkeeshkezhwaun ooshkunzheen;

¹³ Oogahkesekaun kuhya ewh agwepun ketuhkoonind, tahuhyah dush andahyun, oogahmuhwemaun kuhya oosun kuhya oogeen quuhyuk ningookeezis: me dush bahmah chepeendeguhnud, kuhya kegahowh enewh oonahbamun, ween dush tahahwe kewedegamahgun.

¹⁴ Kishpin dush minwanemahsewud, kegahpuhgedenah cheëzhaud debe wahezhahgwan; kah dush ween egoo kegahuhdahwasenun shooneyah mashquud, kahween kegahweöondezeseen gagoo oonje owh, kegeduhbussedah mah

¹⁵ Kishpin enene neezhooquawad, pazhig dush sahgeäud, enewh dush ween menuhwah pazhig sheenganemaud, nuhyanzh edush kenegetuhmahgood ahbenoojeyun, enewh suhyahgeähjin kuhya enewh shaunganemahjin; kishpin dush owh netumoonzhaun kwewezans oogwissemegood enewh shaunganememind:

¹⁶ Uhpe dabanduhmoonaud oogwissun ewh ayaung, netumoonzhaun kahween oogahezhenekahnahseen enewh suhyahgeähjin weäunzwayahbuhmaud enewh oogwissene enewh shaunganemahjin, wuhowh mahween kagate uhyahwid netumoonzhaun:

¹⁷ Netumoonzhaun suh goo ooguhezhewenaun enewh oogwissene enewh shaunganemahjin, meenaud neezhing menik kuhkenuh ayaung: me mah enewh netum oonejahnesun; enandahgooze suh cheühyaung kaëzheühyaungebun owh netumoonzhaun.

¹⁸ ¶ Kishpin enene oogwissid enewh kagaunzetuhmenid kuhya mahgahnegood, wahbezindunsig oodekedoowinene oosun gamah kuhya oodekedoowinene oogeen, kuhya uhpe pashunzhaöogood wahbezinduhwahsig:

¹⁹ Oosun dush kuhya oogeen oogahtuhkoonegoon, oogahezhewenegoon dush emuh uhyahnid enewh akewanzeyewenid oodoodanaung, kuhya emuh ishquaundamewunenig ewh emuh uhyaud;

²⁰ Oo‐oo dush tahenahne enewh akewanzeyewenejin emuh oodoodanaug, Wuhowh ningwissenaun kahgaunzetum kuhya megahzoo, kahween newebezindahgoosenaun; nebahdeze, kuhya kewushquabeeshke.

²¹ Kuhkenuh dush enewh enenewun emuh oodoodanaung oogahbemwuhsenuhegoon, chenebood dush: me suh oo‐oo kaëzheëkoonuhmun ewh mujjeühyeëewish emah uhyahyag; kuhkenuh dush Israel tahnoondahgawug kuhya tahsagezewug.

²² Kishpin suh enene keëzhechegad gagoo mujjeëzhewabezewin kaöonjeneboopun, nesind dush, kuhya uhgoonud metigoong:

²³ Ooweyowh kahween kuhba‐tebik tahuhtasenene metigoong, ahbedakummig suh kegahpuhgedanemah ewh kezhiguk; (owh mah agoonind ookuhgwahnesuhganemegoon Kesha‐Muhnedoon;) chewenechegahdasenoog dush keduhkeem, ewh mahnik Jehovah keKesha‐Muhnedoom chedebanduhmun.