DEUTERONOMY 20 - Ottawa New Testament Penteteuch and Psalms 1874

¹ Uhpe awemegahnuhdwahnin egewh mahgahnikig, wehbuhmudwah dush papazhigoogunzheeg, kuhya tetebe‐dahbaunun, kuhya ahnishenahbag nuhwuj buhyahtuhyenoojig keen dush ween, kagoo koosahkan: owh mah Jehovah keKesha‐Muhnedoom keweejewig, ewede Egypting kahoonjesahgejewenik.

² Uhpe dush zhegwuh pashoo beühyahmuhguk ewh wemegahdeyag, owh sahsahgewejega‐wenene pashoo oogahezhahnun enewh ahnishenahban oogahkuhnoonaun dush,

³ Oo oo cheënaud, Noonduhmook, O Israel, noongoom kezhiguk pashoo kenaunzekuhwahwaug egewh mahgahnenagoog wemegahnagwah: kagoo shahgoodaäkagoon, kagoo sagezekagoon, kagoo kuhya nuhningebenekookagoon, kagoo kuhya kootahjekagoon oonje egewh;

⁴ Owh mah Jehovah keKesha‐Muhnedoomewah keweejegoowah, chemegahzootuhmoonag chemegahnaud enewh shaunganemenagoog, webemahjeënag.

⁵ Egewh dush shemahguneshe‐oogemaug oogahkuhnoonahwaun enewh ahnishenan, oo‐oo cheënahwaud, Ahwanan owh enewh kahooshkeöozhegad, kahkechetwahwetoosig dush oowegewaum, mahnoo tahmahjah kuhya andaud tahezhekewa, koonemah gooshuh tahneboo ewh chemegahding, bakahnezid dush enene oodahkechetwahwetoon.

⁶ Ahwanan kuhya owh enene kahketegahdung shoowemine‐ketegaunans, muhshe dush mahjesig ewh emuh wandenegahdag? mahnoo kuhya ween tahmahjah kuhya tahkewa, koonemah gooshuh tahneboo ewh wemegahding, bakahnezid dush enene oodahmejin.

⁷ Ahwanan kuhya owh enene kahwahweenduhmuhwaud equawun chewedegamaud, kahoodahpenahsig edush? mahnoo tahmahjah kuhya tahkewa, koonemah gooshuh tahneboo ewh wemegahding, bakahnezid dush enene oodahoodahpenaun enewh equawun.

⁸ Enewh dush shemahgunishe‐oogemaug kayahbe oogahkuhnoonahwaun enewh ahnishenahban, oo‐oo dush oogahenahwaun, Ahwanan owh enene suhyagezid kuhya suhyahgoodaäd? mahnoo tahmahjah kuhya tahkewa, koonemah kooshuh tahsagezewun wekahnesun debishkoo ween azhesagezid.

⁹ Uhpe dush egewh shemahgunishe‐oogemaug keïshquah-kuhnoonahwaud enewh ahnishenahban, oogahenahkoonahwaun ahnind chemuhyahoosawenenewenid chenegahnenid emuh kaneëzhahnid enewh shemahgunishun.

¹⁰ ¶ Uhpe pashoo tagwishenuhnin oodanaung ewh wahmegahnuhmun, netum wahweenduhmowh menooweejekewaïndewin egewh emuh ayahjig.

¹¹ Kishpin dush menoonuhquatookwah, kuhya nesahkoonuhmookwah, me oo‐oo kaëzhewabuk, kuhkenuh egewh ahnishenahbag emuh makuhwindjig kegahtebuhuhmahgoog uhkoo, kuhya kegahbuhmetahgoog.

¹² Kishpin dush ween wemenooweejekewaëmesenookwah, wemegahnikwah goo atuh, kegahkewetahgahbuhwetaun oodoodanuhwewah wemegahduhmun:

¹³ Uhpe dush Jehovah keKesha‐Muhnedoom kepuhgedenuhmook ewh keninjeeng, kegahpuhketawaug kuhkenuh enenewug emuh dabandahgoozejig, ewh uhshuhwashk uhyooyun:

¹⁴ Kegahoodahpenuhmauz dush ween egewh equawug, kuhya egewh ahbenoojeyug, kuhya egewh uhwuhkaunug, kuhya kuhkenuh atag emuh oodanaung, kuhkenuh suh goo tahkoonuhming emuh; kegahmejin dush ewh wadahpenuhmuhwudwah egewh nahgahnekig, ewh mahnik Jehovah keKesha‐Muhnedoom.

¹⁵ Me suh oo‐oo kadooduhmun kuhkenuh enewh oodanuhwun ahpeje wahsuh atagin emuh uhyahyun, oodanuhwun dabandunsigwah oogoo ahnishenahbag.

¹⁶ Kah dush ween kegahbemahjetooseen gagoo nuhyasa-muhguk emuh oodoodanuhwewaung oogoo ahnishenahbag; enewh mahnik Jehovah keKesha‐Muhnedoom chedebanduhmun:

¹⁷ Wahweenga suh kegahnishwuhnahjeäug; me suh oogoo egewh Hittitug, kuhya egewh Amoritug, egewh Canaanitug, kuhya egewh Perizzitug, egewh Hivitug, kuhya egewh Jebusitug; debishkoo suh goo Jehovah keKesha‐Muhnedoom kahezhekuhgaunzoomik:

¹⁸ Chekekenooühmoosenoowagwah dush nah cheëzhechegayag kuhkenuh enewh kagwahnesuhgandahgwudenegin azhechegawaud, kahuhyindooduhwahwaud oomuhnedoomewaun; me suh chemujjedooduhwagoobun owh Jehovah keKesha‐Muhnedoomewah.

¹⁹ ¶ Uhpe kenwanzh kewetahgahbuhwetuhmun oodanuh, ewh megahduhmun wetuhkoonuhmun, kahween kegahbuhnahjeähseeg egewh metigoog emuh ayahjig ewh puhketawudwah wahgahquud uhyooyun: kedahaumwaug mah, kahween kuhya kegahkuhwuhwahseeg gagoo weënahbuhjeüdwah ewh megahzooyun: (owh mah metig ketegauning baduhkezood me wanjebemahdezid enene.)

²⁰ Egewh atuh metigoog kakanemudjig cheöomejimemesigwah, kegahbuhnahjeäug kuhya kegahkuhwuhwaug; kegahoozhetoonun dush wahkahegunun wemegahduhmun ewh oodanuh mahgahnegooyun, nuhnaunzh egoo muhmaunzhechegahdag.