DEUTERONOMY 2 - Ottawa New Testament Penteteuch and Psalms 1874

¹ Kegequakegahbuhwemin dush, keëzhahyung buhgwuhduhkummig ewede Misquahgumme‐Kechegummeeng enuhguhkayah, kahezhid suh goo Jehovah: nebewuh dush dussoogoon kegekewetaushkahmin ewh wuhjewh Seir.

² Jehovah dush ningekuhnoonig, oo‐oo keëzhid,

³ Ahzhegwuh kenwanzh kekewetaushkahnahwah oo‐oo wuhjewh: kewadenoong enuhkayah ezhahyook.

⁴ Kuhgaunzoom kuhya egewh ahnishenahbag, oo‐oo enudwah, Kegahshahbooshkahnahwah kewa ooduhkeemewah egewh kekahnisewaug Esau oonejahnesun, Seiring anduhnuhkejig; kegahkoosegoowaug dush: aungwahmezig suh dush:

⁵ Kagoo buhbahmanemahkagoon; kah mah kegahmeenesenoonim ooduhkeemewah, kahween pooch menik anegookoodasidang; ningemeenah mah Esau ewh wuhjewh Sevi chedebandung.

⁶ Kegahkeeshpenuhduhwahwaug meejim shooneyah oonje, cheweseneyag edush; kegahkeeshpenuhduhwahwaug kuhya nebe shooneyah oonje, chemenequayag edush.

⁷ Jehovah mah keKesha‐Muhnedoom kegeshahwanemik menik anuhnookemuhguk keninj: ookekandaun kahezhepemoosayun oomah keehebuhgwuhduhkummig: Jehovah keKesha‐Muhnedoom kegeweejewig oonoo nemeduhnuh kekenoonoowinun; kah suh gagoo kegemuhnazeseen.

⁸ Uhpe dush kahkuhbekuhwungwah kekahnisenahnig Esau oonejahnesun, egewh Seiring kahduhnuhkejig, keühneëzhahyung emuh mushkoodang Elathing oonje, kuhya Ezion‐Gabering, kegequakegahbuhwemin kegeühneëzhahmin dush emah buhgwuhduhkummig Moabing.

⁹ Jehovah dush oo‐oo ningeïg, Kagoo megooskahjeähkan egewh Moabitug, kagoo kuhya megahnahkan: kah mah kegahmeenesenoon ooduhkeemewah chedebanduhmun; ningemeenaug mah Lot oonejahnesun Ar ehedebanduhmenid.

¹⁰ Mawezhuh emuh keduhnuhkebuneeg egewh Emimug, ahnishenahbag mandedoojig, kuhya buhyahtuhyenoojig, kuhya kanoozejig, debishkoo goo egewh Anakimug;

¹¹ Mesahbag kuhya keënahwug, debishkoo goo egewh Anakimug; egewh dush ween Moabitug Emimug oodezhenekahnahwaun.

¹² Egewh kuhya Horimug wuhyashkud Seiring keduhnuhkebuneeg; oogenahbishkahgoowaun dush Esau oonejahnesun, uhpe nashwuhnahjeëgoowaud emah anahsuhmenid, keduhnuhkenid dush emuh uhyahwahpun; nahsaub suh goo Israel kahdoodung ewh uhke kahdebandahsood, Jehovahun kahmeenegood.

¹³ Howh suh puhzegweeg, ningeëkid, ahzhuhwuhuhmook ewh sebewesha Zered. Ningeähzhuhwuhahmin dush ewh sebwesha Zered.

¹⁴ Nesemeduhnuh uhshe shwahsoopepoon suh menik uhpe Kadesh‐barneaïng wanjemahjahyung, nuhnaunzh egoo uhyahzhuhwuhuhmung ewh sebewesha Zered; nuhnaunzh egoo kuhkenuh egewh megahzoowenenewug kejahgenawaud emuh uhyahnid enewh quatahmegwenoonejin, debishkoo suh goo Jehovahun kahezhemushkuhwe‐kuhnoonegoowaud.

¹⁵ Keöombenekanewun mah Jehovahun wepuhketaoogoowaud, wenishwuhnahjeëgoowaud emuh uhyahnid enewh quatahmegwenoonejin, nuhnaunzh egoo kejahgenawaud.

¹⁶ ¶ Kepuhgummeühyahmuhgud suh dush, uhpe chuhyahgenawaud kuhya naboowaud kuhkenuh egewh megahzoo-wenewug emuh uhyahnid enewh ahnishenahban,

¹⁷ Jehovah ningekuhnoonig, oo‐oo keëzhid,

¹⁸ Kegahshahbooshkaun noongoom kezhiguk Ar, ewh emuh uhkeeng Moabing ayaug:

¹⁹ Uhpe dush pashoo tuhgwishenun emuh uhyahwaud Ammon oonejahnesun, kagoo megooskahjeähkagoon kagoo kuhya buhbahmanemahkagoon: kah mah ween kegahmeenesenoon gagoo ooduhkeemewewah Ammon oonejahnesun chedebanduhmun; ningemeenaug mah Lot oonejahnesun chedebanduhmenid.

²⁰ (Me emuh keühyahwaud mesahbag keënahdoodaum kuhya ewh uhke: wuhyashkud keduhnuhkegwahbun mesahbag emuh; egewh dush Ammonitug Zamzummimng oodezhewenahwaun;

²¹ Ahnishenahbag kachetwahwandahgoozejig, kuhya puhyahtuhyenoojig, kuhya kanoozejig, debishkoo egewh Anakimug; Jehovah dush oogenishwuhnahjeäun anahsuhmenid oonoo; oogoo dush kenahbishkahgawug, kuhya mashquud keduhnuhkewug:

²² Debishkoo suh goo kahdooduhwaud Esau oonejahnesun kahduhnuhkenid Seiring, uhpe nashwuhnahjeäud enewh Horimun emuh anahsuhmenid; kenahbishkahgawug dush, kuhya keduhnuhkewug mashquud nuhnauzh egoo noongoom:

²³ Enewh kuhya Avimun kahduhnuhkenepun Hazereming, nuhnauzh egoo Azzahing, egewh Caphtorimug, Captorin kahoonjebahjig, oogenishwuhnahjeähwaun, mashquud dush wenuhwah keduhnuhkewug.)

²⁴ ¶ Puhsegweeg, mahjaug, ahzhuhwuhuhmook dush ewh sebe Arnon: benuh kepuhgedenuhmoon keninjeeng Sihon owh Amorite, wagemahkundung Heshbon, kuhya ewh ooduhkeem: mahjedebandun, kuhya megauzh.

²⁵ Noongoom kezhiguk ningahmahjeënahkoonega chekoosikwah egewh ahnishenahbag mezewa uhnaumekezhigoong ayahjig, kanoondungig anahjemegooyun, tahnuhningebenegoowug dush, kuhya tahmegooskahdanduhmoog keen oonje.

²⁶ ¶ Ningeühnoonaug dush mezhenuhwag emuh Kedemoth buhgwuhduhkummig cheëzhahwaud enewh Sihon wagemahkunduhmenid Heshbon manooënuhwanindingin cheëzhekuhnoonahwaud, oo‐oo cheënahwaud,

²⁷ Mahnoo suh ningahshahbooshkaun keduhkeem: ningahbemeëzhah emuh kechemeekunaung, kahween emuh ookechenikahmaung gamah emuh oonuhmunjenikahmaung enuhguhkayah ningahezhepuhkase.

²⁸ Kegahuhdaum mejim shooneyah oonje, cheöonjeweseneyaun; kuhya nebe meezheshin shooneyah oonje, cheöonje-menequayaun: me goo atuh chemetoosayaun:

²⁹ (Debishkoo suh kahdooduhwewaud Esau oonejahnesun Seiring anduhnuhkejig, kuhya egewh Moabitug Aring anduhnuhkejig;) nuhnauzh suh keähzhuhwuhuhmun Jordan keduhgwishenaun dush emuh uhkeeng ewh mauzheyungid Jehovah nin‐Kesha‐Muhnedoomenaun.

³⁰ Sihon dush owh wagemahkundung Heshbon kahween kegepuhgedenegoosenaun cheühneëzhahyung emuh uhyaud: owh mah Jehovah ke‐Kesha‐Muhnedoom oogemushkuhwahtuhmuhwaun oojechaugwun, kuhya oogemushkuhwedaääun, chepuhgedenaud emuh keninjeeng, debishkoo suh azhenuhming noongoom.

³¹ Jehovah dush oo‐oo ningeïg, Benuh, kemahjepuhgede-nuhmoon Sihon kuhya ewh ooduhkeem: mahjeöodahpenun chedebanduhmun dush ooduhkeem

³² Sihon dush kegemuhwenaöogoonaun, ween kuhya kuhkenuh oodahnishenahbamun, kemegahzood dush ewede Jahazing.

³³ Jehovah dush ke‐Kesha‐Muhnedoomenaun kegepuhgedenuhmahgoonaun enewh; kegepuhketawahnaun dush, kuhya enewh oogwissun, kuhya kuhkenuh enewh oodahnishenahbamun.

³⁴ Kegetuhkoonahnahnin dush kuhkenuh oodoodanuhwun ewh uhpe, kuhya wuhweenga kegenishwuhnahjeähnahnig egewh enenewug, kuhya egewh equawug, kuhya egewh papewezheyejig, ayahpuhneeg anduhchingin enewh oodanuhwun, kahween ahweyah kegeïshkoonuhnahsenaun:

³⁵ Egewh atuh uhwuhkaunug kegetuhkoonahnahnig chedebanemungwah, kuhya ewh oodanaung kuhoondenuhmung.

³⁶ Emuh Aroer, ewh emuh Arnon anduhgoog, kuhya emuh oodanaung ewh sebeeng anduhgoog, nuhnauzh egoo Gileading, kahween kuhnuhga pazhig oodanuh oonzaum kemushkuhwezemuhgussenoon chegemuhmaunzheëgooyungoobun: owh Jehovah ke‐Kesha‐Muhnedoomenaun kegepuhgedenuhmahgoonaun kuhkenuh:

³⁷ Emuh atuh ooduhkeemewaung Ammon oonejahnesun kahween kegeëzhahse, kahween kuhya ningooje emuh Jabbok sebeeng, kahween kuhya emuh uhyoodanahwung wuhjewing, kahween kuhya emuh owh Jehovah ke‐Kesha‐Muhnedoomenaun kahkenuhmoonung cheëzhahsewung.