DEUTERONOMY 19 - Ottawa New Testament Penteteuch and Psalms 1874

¹ Uhpe Jehovah keKesha‐Muhnedoom kenesaud enewh ahnishenahban, ooduhkeemewah mahnik Jehovah ke-Kesha‐Muhnedoom, nahbishkuhwudwah dush, kuhya duhnuhkeyun oodoodanuhwewaung, kuhya oowegewaumewaung;

² Buhkaun kegahenahkoonuhmahdiz neswe oodanuhwun nahwuhyeëe keduhkeeming, ewh mahnik Jehovah keKesha‐Muhnedoom chedebanduhmun.

³ Kegahwuhwazhetuhmahdiz meekun, kuhya nesing tuhezhetebuhegahda keduhkeem, Jehovah keKesha‐Muhnedoom mahnik chedebanduhmun, kuhkenuh dush egewh nashewajig emuh cheëzhenezhemoowaud.

⁴ ¶ Me suh oo‐oo kaëzhewabezid owh nashewad, emuh kaëzhenezhemood, webemahdezid: Ahwagwan nasahgwan weejahnishenahban kekanduhsig, enewh kuhyet kahsheenganemahsig;

⁵ Benuh suh uhpe pazhig enene noopemeeng ezheweejewaud weejahnishenahban wemuhnesad, oombenekanid dush wekuhwuhwaud metigoon oowahgahquud uhyood, ewh dush pewahbik kechegwahkoosag, mezhoogoonid dush weejahnishenahban ewh, neboonid dush: tahezhenezhemoo pazhig enewh oodanuhwun, tahbemahdeze dush:

⁶ Koonemah suh ewh uhyahzheduhwuhegad oonje ewh misque oodahnoopenuhnaun enewh nashewanid, magwah kezhedanig ooda, cheühdemahpun dush, oonje kenwuhmoonig ewh meekun, oodahnesaun dush; kah dush ween keënandahgoozese chenebood, ewh suh kesheenganemahsig kuhyet.

⁷ Kekuhgaunzoomin suh dush, oo‐oo enenaun, Neswe oodanuhwun buhkaühyeëe kegahuhtuhmahdiz.

⁸ Kishpin dush Jehovah keKesha‐Muhnedoom mechahtood keduhkeem, kahezhemushkuhwewahweenduhmuhwaud suh goo koosebuneen, meenik dush kuhkenuh ewh uhke kahwahweenduhmuhwaud chemeenaud koosebuneen;

⁹ Kishpin kuhnuhwanduhmun kuhkenuh oonoo kuhgequawinun cheëzhechegayun, noongoom kezhiguk azhekuhgaunzoomenaun, chesahgeüd owh Jehovah keKesha‐Muhnedoom, kuhya uhpuhna chepemoosayun oomeekunaung; me dush neswe menuhwah oodanuhwun cheduhgooühtuhmahzooyun, oonoo dush ween kuhya neswe:

¹⁰ Chesegwabenegahdasenoog dush ewh misque majedoodahgamuhgussenoog emuh keduhkeeming, ewh mahnik Jehovah keKesha‐Muhnedoom chedebanduhmun, cheöodesegoosewun kuhya misque.

¹¹ ¶ Kishpin dush ween ahweyah enene sheenganemaud weejahnishenahban, uhkuhmuhwaud dush, kuhya quashkoonooduhwaud, newuhnuhwaud dush neboonik kuhya, ezhenezhemood dush pazhig oonoo oodanuhwun:

¹² Egewh akawanzeyewejig oodoodanaung tahuhnookewug ewede cheöonjewenemind, oogahpuhgedenuhmuhwahwaun dush enewh uhyahzheduhwuheganid oonje misque, cheneboonid dush.

¹³ Kahween kegahketemuhgahbuhmahse, kegahekoonaun suh kahezhemujjedooduhming ewh majedoo lahgamuhgussenoog misque emuh Israeling, cheminwahbuhmawezeyun dush nah.

¹⁴ ¶ Kahween kegahaunduhkeseduhmuhwahse keejduhnuhkewamahgun ootebuhuhkeëgunahtig, ewh mawezhuh kahuhtoowaud emuh kedebandahsoowining, ewh kadebanduhmun emuh uhkeeng Jehovah keKesha‐Muhnedoom mahnik chedebanduhmun.

¹⁵ ¶ Pazhig dabahjemood kahween tahpuhsegwese wedebahjemaud enenewun oonje gagoo mujjeëzhewabezewin, gamah kuhya gagoo mujjeëzhechegawin, azhemujjeëzhewabezenid: tahquuhyukwanjegahda gagoo, neezh gamuh neswe debahjemoowaud.

¹⁶ ¶ Kishpin kakenuhwishkid dabahjemood puhsegweed gagoo weënahjemaud ahweyah enenewun ewh wanezheshinsenoog;

¹⁷ Nuhyazh egewh enenewug, kahkaundejig, tahnebuhwewug anahsuhmenid Jehovahun, anahsuhmenid enewh sahsahgewejega‐wenenewun kuhya enewh tebahkoonega‐wenenewun, kaühyahnid ewh uhpe;

¹⁸ Egewh dush tabahkoonegajig keche‐wawane tahkuh gwadwawug; benuh dush kishpin owh dabahjemood kuhkenuhwishkid ewh anahjemood, kuhkenuhwishkid kahenahjemaud wekahnesun;

¹⁹ Kegahuhyindooduhwahwah, nahsaub kahenandungebun chedooduhwaud wekahnesun: me suh kaëzheëkoonuhmun ewh mujjeühyeëewish emuh uhyahyag.

²⁰ Egewh dush ahnind tahnoondahgawug, kuhya tahsagezewug, kah dush wekah menuhwah oogahmekindunsenahwah oo‐oo doowuh mujje‐ezhewabezewin emuh uhyahyag.

²¹ Kah dush kegahketemahgahbungase; bemahdezewin tuhpuhgedenegahda mashquud bemahdezewin, ooshkeenzhigoomah mashquud ooshkeenzhigoomah, webedahmah, mashquud, ooninjemah mashquud ooninjemah, oozidahmah mashquud oozidahmah.