DEUTERONOMY 18 - Ottawa New Testament Penteteuch and Psalms 1874

¹ Egewh sahsahgewejega‐wenenewug egewh Levitug, kuhya kuhkenuh Levi oonejahnesun, kahween oogahweejdebandahsoomahsewaun Israelun: oogahmejenahwaun Jehovah oosahsahgewejegun chuhyahgedagin, kuhya ewh tabandung.

² Me suh kaöonjeweejdebandahsoomahsigwah wekahnesewaun: Jehovah me enewh oodebandahsoowinewaun, kahegoowand suh goo.

³ ¶ Me dush oo‐oo kameenegood owh sahsahgewejega‐wenene enewh ahnishenahban, enewh pagedenuhmenid sahsahgewejegun, uhyahba‐pezhekewun gamah kuhya mahnishtahnishun, oogahmeenahwaun dush enewh sahsahgewejega‐wenenewun owh oodenemaungun, kuhya enewh nuhyazh oonoowun, kuhya ewh oomesud.

⁴ Netum kuhya kahzheging kemezeminansim, keshooweminahboom, kuhya kepemedam, kuhya oopewuhy netum mamoong moonzhoondwah kemahnishtahnisheemug, keguhmeenah.

⁵ Owh mah Jehovah keKesha‐Muhnedoom oogewuhwanahbuhmaun emuh uhyahwaud kuhkenuh kedahnishenahbamug, chebuhmetahganid emuh oodezhenekahzoowinening Jehovahun, ween kuhya enewh oogwissun kahgenig.

⁶ ¶ Kishpin dush pazhig Levite pazhig egoo kedoodanaung emuh Israeling oonjebaud, emuh kahduhnuhkeed, peëzhaud dush kuhgatinahmandung emuh ewh kawuhwanahbundung Jehovah;

⁷ Me dush chebuhmetahgad emuh oodezhenekahzoowining owh Jehovah ooKesha‐Muhnedoomun, debishkoo suh goo azhecheganid kuhkenuh wekahnesun enewh Levitun, nahbuhwenid ewede anahsuhmenid Jehovahun.

⁸ Nahsaub meenik kuhya weenahwah tahmeenahwug chewesenewaud buhkaun kuhya ween ewh kashkechegahdag uhdahwang oodebandahsoowin.

⁹ ¶ Uhpe ketuhgwishenun emuh uhkeeng ewh mahnik Jehovah keKesha‐Muhnedoom, kahween kegahkekenuhwahbunduhmuhwahseeg enewh kagwahnesuhgandahgwukkin egewh ahnishenahbag uhnooj azheweenzoojig.

¹⁰ Kahween tuhmekuhwahse emuh uhyahyag ahweyah ishkoodang shuhyahboowenaud oogwissun gamah kuhya oodaunun, gamah kuhya chahsuhkeed, gamah kuhya ma maunjechegad,

¹¹ Gamah kuhya wuhyahbuhnoowid, gamah kuhya kanoonaud mujje‐muhnedoon, gamah kuhya uhnooj gagoo kagwajemaud enewh naboonejin.

¹² Kuhkenuh mah azhechegajig oonoo ookuhgwahnesuhganemegoowaun Jehovahun: oonje kuhya oonoo kagwahnesuhgandahgwukkin owh Jehovah keKesha‐Muhnedoom emah anahsuhmeyun oodoonjesahgejenaunzhuhwaun enewh mayug‐ahnishenahban.

¹³ Kegahpenahdiz emah anahsuhmeed Jehovah keKesha‐Muhnedoom.

¹⁴ Oogoo mah ahnishenahbag, kadebanemudjig, oogebezinduhwahwaun enewh nuhyahnahguhduhwanduhmenid kezhigudoon, kuhya enewh chuhsuhkenid: keen dush ween, Jehovah keKesha‐Muhnedoom kahween kegepuhgedenegoose oo‐oo cheëzhechegayun.

¹⁵ ¶ Owh Jehovah keKesha‐Muhnedoom kegahpuhsegwindenuhmaug Aunwahchega‐wenenewun nahwuhyeëe emuh uhyahyun, pazhig egoo kekahnesun, debishkoo neen anandahgoozeyaun; me suh owh kabezinduhwag;

¹⁶ Kuhkenuh suh goo kahezhepuhgoosanemud Jehovah keKesha‐Muhnedoom ewede Horebing ewh kezhiguk kemahwunjeëding, oo‐oo keëkedooyun, Kagoo menuhwah ningahnoondunseen oodinwawin Jehovah ninKesha‐Muhnedoom, kagoo kuhya menuhwah ningahwahbundunseen oo‐oo kecheishkooda, cheneboosewaun dush nah.

¹⁷ Jehovah dush oo‐oo ningeïg, Wawane suh keëkekedoowug ewh kahezhekekedoowaud.

¹⁸ Ninguhpuhsegwindenahmahwaug Aunwahchegawenene emah uhyahnid wekahnesewaun, debishkoo neen anandahgoozeyun, ningahuhtuhwah dush nindekedoowinun emuh oodooning; oogahenaun dush kuhkenuh kaëzhekuhgaunzoomug.

¹⁹ Ahwagwan dush kabez ndunsegwan nindekedoowinun enewh kaëkedood nindezhenekahzoowining, ningahnunduhwanduhmuhwah oobemahdezewin.

²⁰ Owh dush ween aunwahchega‐wenene, neen egoo enandung kaöodahpenuhmahzood chekekedood nindezhenekahzoowining, ewh kekuhgaunzoomahsewug chekekedood, gamah kuhya kakekedood emuh oodezhenekahzoowinening bakahnezenejin muhnedoon, owh aunwahchega‐wenene tahneboo.

²¹ Kishpin dush oo‐oo ekedooyun kedaïng, Ahneen suh kaëzhekekanduhmaung ewh ekedoowin Jehovah kahekedoosig?

²² Uhpe aunwahchega‐wenene kekedood oodezhenekahzoowinening enewh Jehovahun, kishpin ezhewabussenoog, gamah debishkoosasenoog, Jehovah kahween keëkedoose ewh, owh suh aunwahchega‐wenene kekedoo ewh ween tebenuhwa enandung: kahween kegahkoosahse.