DEUTERONOMY 16 - Ottawa New Testament Penteteuch and Psalms 1874

¹ Nahnahguhduhwanim owh keezis Abib, kuhnuhwandun dush ewh kuhbekoosa‐wekoondewin oonje owh Jehovah keKesha‐Muhnedoom: uhpe mah agoojing owh keezis Abib Jehovah keKesha‐Muhnedoom emuh Egypt duhzhe uhkeeng kegeöonjesahgejewenig nebahtebik.

² Kegahpuhgedenuhmuhwah suh dush owh Jehovah ke-Kesha‐Muhnedoom enewh kuhbekoosa‐mahnishtahnisheensun, me emuh kaö ndenud uhyahwaud egewh mahnishtahnishug kuhya egewh pezhekewug, emuh ewh Jehovah kawuhwanuhbundung cheühtood oodenoozoowin emuh.

³ Kahween kegahduhgooäumwahse owh wambesejegahzood buhquazhegun uhpe amwud; neezhwahsoogoon kegahduhgooümwah owh wambesejegahzoosig buhquazhegun, owh suh goo kooduggezewine‐buhquazhegun; waweeb mah emuh Egypt duhzhe uhkeeng kegeöonjesahguhum: chemequanduhmun dush ewh kezhigud uhpe Egypt duhzhe uhkeeng wanjesahguhuhmun menik kabemahdezeyun.

⁴ Kah dush kegahwahbunduhmahgoose owh wambesejegahzood buhquazhegun ningooje emuh anduhnuhkeyun neezhwahsoogoon; kahween kuhya ewh weyaus, kahsahsahgewejegayun netum kezhig uhpe wanahgooshig, tahuhtasenoon kuhbatebik nuhnauzh egoo kekezhabahwuhguk.

⁵ Kahween kedahsahsahgewejegase owh kuhbekoosa‐mahnishtahnisheens peenjuhyeëe kedoodanaung, Jehovah keKesha‐Muhnedoom mahnik:

⁶ Emuh suh atuh Jehovah keKesha‐Muhnedoom kawuhwanahbundung cheühtood oodenoozoowin emuh, me emuh kasahsahgewejegayun owh kuhbekoosa‐mahnishtahnisheens uhpe oonahgooshig, uhpe pungeshemood keezis, ewh uhpe Egypt duhzhe uhkeeng kahoonjesahguhuhmun.

⁷ Kegahuhbwanun dush kuhya kegahaumwah emuh ewh wuhwanahbundung Jehovah keKesha‐Muhnedoom: kegahquakegahbowh dush uhpe wuhyahbung, cheëzhahyun puhpuhgewuhyahnegummigoong.

⁸ Ningoodwahsoogoon kegahaumwah wambesejegahzoosig buhquazhegun: uhpe dush neezhwahsoo‐kezhiguk tahahnuhmeä mahwunjeëdim emuh anahsuhmeed Jehovah keKesha‐Muhnedoom: kahween ewh uhpe gagoo kegahenuhnookese.

⁹ ¶ Neezhwahswe ahnuhmeäkezhigudoon keganuhgindahnun: mahjeühgindun enewh neezhwahswe ahnuhmeäkezigudoon uhpe muhyahjekeeshkuhkezhegayun.

¹⁰ Kegahkuhnuhwanduhmuhwah dush Jehovah keKesha‐Muhnedoom ewh ahnuhmeäkezhigudoo‐wekoongawin, tuhkoonuhmun ewh puhgedenegawin kabeühyahmun keen egoo enanduhmun, Jehovah keKesha‐Muhnedoom kameenud, kahezheshahwanemik suh goo Jehovah keKesha‐Muhnedoom:

¹¹ Kegahmoojegiz dush emuh anahsuhmeed Jehovah keKesha‐Muhnedoom, keen kuhya kegwis, kuhya kedaun, kuhya kebuhmeetahga‐weneneem, kuhya kebuhmeetahga‐ëquam, kuhya owh Levite kedoodanaung ayaud, kuhya owh mayuggezid, kuhya owh kahwezid, kuhya owh shegah, magwaühyeëe uhyahyag ayahwaud, emuh ewh Jehovah keKesha‐Muhnedoom kahwuhwanahbundung cheühtood oodenoozoowin emuh.

¹² Kegahmequandaun dush ewh keühwuhkaunegooyunbun ewede Egypting: kegahkuhnuhwandahnun dush kuhya kegahezhechega oonoo enahkoonegawinun.

¹³ ¶ Kegahkuhnuhwandaun ewh wegewaume‐wekondewin neezhwahsoogoon, bahmah kemahwunjetooyun keminze-minansim kuhya keshooweminahboom:

¹⁴ Kegahmoojegiz dush kewekoondewining, keen, kuhya kegwis, kuhya kedaun, kuhya kebuhmeetahga‐weneneem, kuhya kebuhmeetahga‐equam, kuhya owh Levite, owh mayuggezid, kuhya owh kahwezid, kuhya owh shegah, kedoodanaung ayahjig.

¹⁵ Neenzhwahsoogoon kegahkuhnuhwanduhmuhwah Jehovah keKesha‐Muhnedoom ahnuhmeä‐wekoondewin emuh ewh Jehovah keKesha‐Muhnedoom kawuhwahahbundung: owh mah Jehovah keKesha‐Muhnedoom kegahshahwanemig kuhkenuh azhenetahwegechegayun, kuhya kuhkenuh azheähnookemuhgukkin keninjeen, kagate suh dush egoo kegahmoojegiz.

¹⁶ Nesing ewh ningookekenoonoowin kuhkenuh kedeneneemug kuhya kekwewezansimug tahnebuhwewug emuh anahsuhmeed Jehovah keKesha‐Muhnedoom emuh owh kawuhwanahbundung; uhpe oojechesag ewh wekoondewin uhpe koo uhmoond owh wambesejegahzoosig buhquazhegun, kuhya ewh ahnuhmeäkezhigudoo‐wekoondewin, kuhya ewh wegewaume‐wekoondewin: kahween dush pezheshig tahnebuhwesewug anahsuhmeed Jehovah;

¹⁷ Anduhchewaud enenewug tuhmeegewawug azhekushketoowaud, azheshahwanemik suh goo Jehovah ke Kesha‐Muhnedoom.

¹⁸ ¶ Tebahkoonega‐wenenewug kuhya tuhkoonewa‐wenenewug kegahoozheäug minze kedoodanaung, enewh mahnik Jehovah keKesha‐Muhnedoom, debe uhyahmuhgukkin kedenoodawezewinun: quuhyuk dush oogahtebahkoonahwaun enewh ahnishenahban.

¹⁹ Kahween kegahwushkesedooseen tebahkoonegawin; kahween pekenoong kegahenanemahseeg bamahdezejig, kahween kuhya kegahoodahpenunseen meegewawin: meegewawin mah ookuhgebeengwaëgoonahwah egewh nabwahkahjig, me kuhya ewh wanjeäunjetoowaud oodekedoowinewaun egewh quuhyuk azhewabezejig.

²⁰ Ewh ahpeje wanezheshing kegahnoopenuhdaun, chebemahdezeyun dush, kuhya chedebanduhmun ewh uhke Jehovah keKesha‐Muhnedoom mahnik.

²¹ ¶ Kahween kegahpuhduhkeshemahseeg metigoog cheeguhyeëe emuh uhtanig oosahsahgewejegunahbikoom owh Jehovah keKesha‐Muhnedoom, ewh kaöozhetuhmahzooyun.

²² Kahween kuhya kegahpuhduhkeshemahse muzzenene; enewh shaunganemahjin Jehovah keKesha‐Muhnedoom.