DEUTERONOMY 15 - Ottawa New Testament Penteteuch and Psalms 1874

¹ Duhching kabekoosagin neenzhwahswe kekenoonoowinun kegahwebenuhmahga.

² Me suh oo‐oo azhewabuk ewh wabenuhmahdewin: Anduhchewaud egewh manzenuhuhmuhwindjig aweähjig gagoo enewh weejahnishenahbewaun oogahwabenahnahwah; kahween oogahnundooshkuhmuhwahseewaun weejahnishenahbawaun, gamah kuhya wekahnesewaun; Jehovah oowabenuhmahgawin ezhenekahda mah.

³ Owh mayuhgezid kedahnundooshkuhmuhwah: ewh dush ween keduhyeëem kekahnis ayaung kegahwabenuhmuhwah;

⁴ Kishpin atuh uhyahsig owh katemahgezid emuh uhyahyag; owh mah Jehovah kegahkeche‐shahwanemig emuh uhkeeng ewh kameenik Jehovah keKesha‐Muhnedoom chedebandahsooyun:

⁵ Kishpin egoo wawane bezinduhmun oodinwawin owh Jehovah keKesha‐Muhnedoom, cheäungwahmezeyun cheëzhechegayun kuhkenuh oonoo kuhgequawinun noongoom kezhiguk azhekuhgaunzoomenaun.

⁶ Owh mah Jehovah keKesha‐Muhnedoom keshahwanemig, debishkoo goo kahezhewahweenduhmook: kegahuhweäug dush nebewuh ahnishenahbag babuhkaun azheweenzoojig, kah dush ween kegahuhdahwungase: keguhoogemahkunduhwaug kuhya nebewuh babuhkaun azheweenzoojig ahnishenahbag, kah dush ween wenuhwah keguhoogemahkundah-dahgooseeg.

⁷ ¶ Kishpin magwaühyeëe uhyahyag uhyaud katemahgezid enene pazhig egoo egewh kekahnesug peenjuhyeëe kedoodanaung emuh keduhkeeming ewh mahnik Jehovah keKesha‐Muhnedoom, kahween kegahmushkuhwedaäedezoose, kahween kuhya keguhbuhduhgwahkooninjenese oonje owh katemahgezid kekahnis:

⁸ Kegahtaseninjetuhwah suh, kuhya ahbedakummig kegahuhweäh menik egoo manazid, wagoodoogwan wahuhyahmoogwan.

⁹ Aungwahmezin mujje‐enanduhmoowin cheühyahsenoog emuh kedaïng, oo‐oo ekedooyun, Ewh neenzhwahsoo‐kekenoonoowin, ewh wabenuhmahga‐kekenoonoowin, pashoo beühyahmuhgud; mujjekuhnuhwahbuhmud dush owh katemahgezid kekahnis, gagoo dush meenahsewud, bebahgemaud dush enewh Jehovahun keen oonje, mujjeëzhewabeze enanemegooyun dush.

¹⁰ Ahbedakummig kegahmeenah, kahween kuhya kegahwuhsedahwanduhse uhpe meenud: oonje mah oo‐oo Jehovah keKesha‐Muhnedoom kegahshahwanemig kuhkenuh kedahnookewining, kuhya nuhmunj anuhnookewunan.

¹¹ Kah mah wekah tahishquahuhyahsewug egewh katemahgezejig emuh uhkeeng: me suh dush wanjekuhgaunzoomenaun, oo‐oo enenaun, Kegahtaseninjetuhwah owh kekahnis, egewh keketemahgezemug, emuh keduhkeeming.

¹² ¶ Kishpin owh kekahnis, Hebrew enene, gamah kuhya Hebrew equa, uhdahmegooyun, ningoodwahsoopepoon dush buhmetook owh; uhpe neenzhwahsoopepoonuhguk ahneshah kegahpuhgedenah.

¹³ Uhpe dush pahgedenud, kahween pezheshig tahezhemahjahse:

¹⁴ Kechewawane kegahoondenuhmuhwah ahnind enewh kemahnishtahnishun, kuhya ewh atag kemechesuhgoong, kuhya keshooweminahbookaung: kegahmeenah ahnind ewh Jehovah keKesha‐Muhnedoom kahezheshahwanemik.

¹⁵ Kegahmequandaun kuhya ewh keühwuhkaunegooyunbun Egypt duhzhe uhkeeng, kuhya kekeeshpenuhnik Jehovah keKesha‐Muhnedoom: kekuhgaunzoomin suh dush oo‐oo noongoom,

¹⁶ Kishpin dush ween oo‐oo enik, Kahween kegahnuhguhnesenoon; oonje ewh sahgeïk kuhya ewh kewegewaum, oonje ewh menoo uhyaud andahyun;

¹⁷ Kegahoodahpenaun megoos, kegahpuhgoonaühmuhwah dush ootuhwug emuh ishquaundaming minjemahquuhuhmuhwud, kahgenig dush keguhoobuhmeetahgunenun owh. Kuhya owh kebuhmeetahgunaquam nahsaub kegahdooduhwah.

¹⁸ Kahween kegahsuhnuhganduhseen, uhpe mahjenaunzhuhwud tebanindezood dush; me mah ewh apetandahgoozid neezh egewh anoonindjig buhmeetahgunug, ewh ningoodwahsoo‐pepoon kebuhmetook: owh dush Jehovah keKesha‐Muhnedoom kegahshahwanemig kuhkenuh kaëzheühnookeyun.

¹⁹ ¶ Kuhkenuh enewh oonahba‐netumoonzhaunewaun kepezhekeemug kuhya kemahnishtahnisheemug kegahkechetwahwanemaug oonje owh Jehovah keKesha‐Muhnedom: kahween kegahuhnookeähse oonetumoonezhaunun kepezhekeem kahween kuhya kegahmoozwahse oonetumoozhaunun kemahnishtahnisheem.

²⁰ Kegahaumwah anahsuhmeed Jehovah keKesha‐Muhnedoom andussoopepoong emuh ewh Jehovah kawuhwanahbundung keen, kuhya egewh ayahjig kewegewauming.

²¹ Kishpin dush gagoo ezhemahkezid, uhchahoosad, gamah kuhgebeengwad, gamah gagoo ezhemahkezid, kahween kegahpuhgedenuhmuhwahse Jehovah keKesha‐Muhnedoom.

²² Keguhaumwah peenjuhyeëe kedoodanaung: owh wahnezid kuhya owh pahnezid oogahaumwahwaun debishkoo suh goo owh meshahbooz, kuhya owh uhdik.

²³ Me suh atuh kaëzhemejesewun ewh oomisqueem; nebeeng kegahezhesegwabenaun uhkeeng.