DEUTERONOMY 14 - Ottawa New Testament Penteteuch and Psalms 1874

¹ Oonejahnesun owh Jehovah keKesha‐Muhnedoomewah kedahwim: kahween kegahkeeshkezhoodezooseem, kahween kuhya kegahkaushkebahzooseem nesuhwuhye e uhyahgin kishkeenzhegoowaun oonje owh nabood.

² Pahnezenejin mah oodahnishenahbamun owh Jehovah keKesha‐Muhnedoomewah kedahwim, Jehovah kuhya kegewuhwanahbahmegoowah cheähweyag tebenuhwa oodahnishenahbamun, keäunzwayahbuhmindwah dush kuhkenuh egewh ahnishenahbag babuhkaun azheweenzoojig uhkeeng ayahjig.

³ ¶ Kahween kegahmejeseen gagoo kagwahnesuhgandahgwuk.

⁴ Me suh oogoo uhwaseyug kaäumwagwah: pezheke, mahnishtahnish, kuhya meshahbooz,

⁵ Uhdik, kuhya wahwaushkashe, kuhya puhgwuje‐meshahbooz kuhya pygarg kuhya puhgwuje‐pezheke kuhya Chamois.

⁶ Kegahaumwahwaug kuhya kuhkenuh uhwaseyug tuhyaushkegunzhejig, kuhya ayahbwasegajig uhwaseyug.

⁷ Kah dush ween oogoo kegahaumwahsewaug ayahbwase-chegajig, gamah kuhya egewh tuhyaushkegunzheejig; owh paquahwegung, kuhya owh wahbooz, kuhya owh kechewahbooz: ahyahbwasechegawug mah, kah dush taushkegunzhesewug; me suh kaöonjewenanemagwah.

⁸ Owh kuhya kookoosh, ahnoo taushkegunzheed, ahyahbwasejegasig me ewh kaöonjewenanemag: kahween kegahmejesenahwah ooweyausewah, kahween kuhya kegahtaungenunsenahwah ooweyowewah uhpe keneboowahjin.

⁹ ¶ Oogoo suh menik ayahjig nebekaung kegahaumwahwaug: kuhkenuh waninjegunejig kuhya wanuhguhuhyejig kegahaumwahwaug:

¹⁰ Wagoodoogwan dush waninjegunesenoog kuhya wanuhguhuhyesenoog kahween kegahmejesenahwah: kegahwenandahnahwah.

¹¹ ¶ Kuhkenuh pahnezejig penasewug kegahaumwahwaug.

¹² Oogoo suh atuh kahween kegahaumwahsewaug: megeze, kechegummeeng duhzhe megeze,

¹³ Kuhya meshekakak, kuhya wenaunga uhnooj azhenahgoozid,

¹⁴ Kuhya kuhkenuh kahgahgewug uhnooj azhenahgoozejig,

¹⁵ Kuhya owh kookookooöo, kuhya owh pashk, kuhya owh kakake uhnooj azhenahgoozid,

¹⁶ Owh kookookooöonse, kuhya owh keche‐kookookooöo, kuhya owh wahbeze,

¹⁷ Kuhya owh shada, kuhya owh kenewh, kuhya owh kahgahgeshib,

¹⁸ Kuhya owh uhjejauk, kuhya ewh shuhshuhge uhnooj azhenahgoozid, kuhya owh checheeshkewa, kuhya owh ahpuhquahnahje,

¹⁹ Anduhchewaud kuhya egewh babahmoodajig pamesajig kegahwenanemahwaug: kahween tahaumwahsewug.

²⁰ Kuhkenuh dush ween pahnezejig penasewug kedahaumwahwaug.

²¹ ¶ Kahween kegahmejesenahwah gagoo penesekah naboomuhguk: kegahmeenah owh mayuggezid paundegook, chemejid; gamah kuhya kedahuhdahmah owh mayuggezid: kedahwim mah pahnezenejin oodahnishenahbamun owh Jehovah keKesha‐Muhnedoomewah. Kahween kegahkuhbahshemahse meshahboozoonse oogeen oodoodooshahboomening.

²² Kagate egoo ingooding menik kegahpuhgedenegan uhnooj gagoo natahweging ketegauning andussoopepoong, keeshpin medahching ooquesechegahdag.

²³ Kegahwesin kuhya anahsuhmeed Jehovah keKesha‐Muhnedoom, emuh ewh kawuhwanahbundung cheühtood oodenoozoowin emuh, pazhig tithe menik kemezemenansim, keshooweminahboom, kuhya kepemedam, kuhya oonetumoonzhahnewaun kepezhekeemug kuhya kemahnishtahnishemug; chekekanduhmun dush nah chekoosud Jehovah keKesha‐Muhnedoom moonzhug.

²⁴ Kishpin dush oonzaum wahsuhwanduhmun, kushketoosewun dush chebemewedooyun: kishpin oonzaum wahsuhwuk, ewh Jehovah keKesha‐Muhnedoom kawuhwanahbundung cheühtood oodenoozoowin emuh, uhpe Jehovah keKesha‐Muhnedoom keshahwanemik.

²⁵ Kegahshooneyahkahdaun, kegahuhsah dush wh shooneyah keninjeeng keminjemuhpenud, kegahezhah dush ewede Jehovah keKesha‐Muhnedoom kawuhwanahbundung:

²⁶ Kegahmeegewanun dush owh shooneyah oonje wagoodoogwan nanduhwanduhmoowunan, uhnooke‐pezhekewug, gamah kuhya mahnishtahnishug, gamah kuhya shooweminahboo, gamah kuhya ewh mashkuhwahgummig, gamah kuhya ewh mashkuhwahgummig, gamah kuhya wagoodogwan wahuhyahmoowunan: kegahwesin dush emuh anahsuhmeed Jehovah keKesha‐Muhuedoom, kegahmoojegiz kuhya, keen, kuhya kedenoodawezewin,

²⁷ Kuhya owh Levite paundegook; kahween kegahwabenahse; kah mah keweejdebandahsoomegoose.

²⁸ ¶ Uhpe kabekoosagin neswe kekenoonoowinun kegahsahgejewedoon wuhweenga kuhkenuh pazhig tithe menik ewh keketegaun ewh nahsaub kekenoonoowin, kegahmahmuhwesedoom dush peenjuhyeëe kedoodanaung:

²⁹ Owh dush Levite, (oonje ewh weejdebandahsoomesig,) kuhya owh mayuggezid, kuhya owh kahwezid, kuhya owh shegah, peenjuhyeëe kedoodanaung ayahjig, tahbeëzhahwug, tahwesenewug dush kuhya tahtabesenewug; owh dush mah Jehovah keKesha‐Muhnedoom cheshahwanemik kuhkenuh emuh kedahnookewining nuhmunj azheähnookemuhgudoogwan keninj.