DEUTERONOMY 13 - Ottawa New Testament Penteteuch and Psalms 1874

¹ Kishpin emuh uhyahyag oonjepuhsegweed aunwahchega‐wenene gamah kuhya natah‐uhyenahbundung, menik dush kekenuhwahjechegun gamah kuhya muhmaundahwechegun,

² Ewh dush kekenuhwahjechegun gamah kuhya ewh muhmaundahwechegun bahmah ezhewabuk, kahduhzhindungebun, oo‐oo keëkedood, Tuhguh suh ezhahdahnig bakahnezemuhnedoog, kahkekanemahsewudjig, buhmetuhwahdahnig edush;

³ Kahween kegahbezindunsenun oodekedoowinun owh unwahchega‐wenene, gamah owh natah‐uhyenahbundung: owh mah Jehovah keKesha‐Muhnedoomewah kekuhgwajeë-goowah wekekandung kishpin webuhmeetuhwagwan owh Jehovah Kekesha Muhnedoemewah anegookoodaäyag kuhya anegookoojechaugooweyag.

⁴ Kegahnoopenuhnahwah suh Jehovah keKesha‐Muhnedoomewah, kuhya kegahkoosahwah, kuhya kegahkuhnuhwandahnahwaun ookuhgequawinun, kuhya kegahnuhetahnahwah oodinwawin, kuhya kegahbuhmetuhwahwah, kuhya kegahminjemenahwah.

⁵ Owh dush aunwahchega‐wenene, gamah kuhya owh natah‐uhyenahbundung, tahnesah; kekekedoo mah wequakenenag magwah noopenuhnagoobun Jehovah keKesha‐Muhnedoomewah, emuh Egypt duhzhe uhkeeng kahoonjesahgejewenenag, kahkeeshpenuhmenag kuhya magwah kooduggeähnookeëgooyagoobun, cheëkoowabenik emuh meekunaung Jehovah ke-Kesha‐Muhnedoom kahkuhgaunzoomik chepemoosayun, mesuh oo‐oo kaëzheëkoonuhmun ewh mujje‐uhyeëewish nahwuhyeëe emuh uhyahyun.

⁶ ¶ Kishpin kekahnis, keguh oogwissun, gamah kuhya kegwis, gamah kuhya kedaun, gamah kuhya kewedegamahgun kekahkeguhnaung uhkoo uhyahswahkooshing, gamah kuhya kedenuhwamahgun, azhesahgeëdezooyun azhesahgeüd kishpin keemooj wekoozoomik, oo‐oo enik, Umbasuhnoo uhwebuhmetuhwahdahnig bakahnezejig muhnedoog, kahkekanemahsewudjig, keen kuhya koosebuneeg:

⁷ Enewh suh goo oomuhnedoomewaun egewh ahnishenahbag kahwetahgahbuhwetoonagoog, pashoo emuh uhyahyun, gamah kuhya wahsuh emuh uhyahyun, emuh mahjesing ewh uhke nuhnaunzh egoo ewede nuhpauj enuhka wuhyaquahkummegaug;

⁸ Kahween kegahnuhkoomahse, kahween kuhya kegahbezinduhwahse; kahween kuhya kegahketemahgahbuhmahse, kahween kuhya kegahmuhnahjeähse, kahween kuhya kegahkahnahse:

⁹ Ahbedik suh goo kegahnesah; keen keninj netum kegahuhyoon wenesud, bahmah dush ooninjewah kuhkenuh egewh ahnishenahbag.

¹⁰ Kegahpemwuhsenuhah dush, wenebood; oogenunduh wandaun mah chekaunjewabuhmook magwah noopenuhnudebun owh Jehovah keKesha‐Muhnedoom, emuh Egypt duhzhe uhkeeng kahoonjesahgejewenik, emah kahduhzhekoodugge‐ahnookeëgooyunbun.

¹¹ Kuhkenuh dush egewh Israel tahnoondahgawug, tahsagezewug dush, kah dush menuhwah tahezhechegasewug oo‐oo doowuh mujje‐ezhewabezewin emuh uhyahyag.

¹² ¶ Kishpin oo‐oo enetahgayun pazhig egoo kedoodanaung, Jehovah keKesha‐Muhnedoom mahnik emuh cheduhnuhkeyun,

¹³ Ahnind enenewug, Belial oonejahnesun, emah uhyahyag keöonjemahjahwug, oogequakenahwaun dush enewh anduhnuhkenejin oodoodanuhwewaung, oo‐oo ekedoowaud, Umbasuhnoo uhwebuhmetuhwahdahnig bakahnezejig muhnedoog, kenuhwah kahkekanemahsewagwah;

¹⁴ Me dush, kuhya chenunduhkekanduhmun, kuhya wawane chekuhgwadwayun; benuh dush, kishpin dabwawinuhguk, kuhya kagate kahezhewabudoogwan, ewh keëzhechegang ewh kagwahnesuhgandahgwuk emuh uhyahyag;

¹⁵ Kagate egoo kegahpuhketawaug egewh anduhnuhkejig emuh oodanaung ewh uhshuhwashk uhyooyun wuhweenga nishwuhnahjetooyun, kuhya kuhkenuh emuh atag, kuhya egewh uhwuhkaunug emuh ayahjig, uhshuhwashk uhyooyun.

¹⁶ Kegahmahwunjetoon kuhya kuhkenuh ewh katuhkoonuhmun emuh nahwekuhnuh, kegahsuhkuhaun dush ewh oodanuh, kuhya wuhweenga kuhkenuh ewh kahtuhkoonuhming, oonje ewh Jehovah keKesha‐Muhnedoom: kahgenig dush tahooquesin; kahween menuhwah tahoozhechegahdasenoon.

¹⁷ Ka dush kagoo ewh kagwahnesuhgandahgwuk tahminjemensenoon keninjeeng: Jehovah dush nah chepoone-gedahzood, kuhya eheshahwanemik, kuhya cheketemahganemik, chebahtuhyenooïk, kahezhemushkuhwe‐wahweenduhmuhwaud koosebuneen;

¹⁸ Uhpe kebezinduhmun oodinwawin owh Jehovah ke-Kesha‐Muhnedoom, chekuhnuhwanduhmun kuhkenuh ookuhgequawinun noongoom kezhiguk azhekuhgaunzoomenaun, cheëzhechegayun ewh wanezheshing anahsuhmeed Jehovah keKesha‐Muhnedoom.