DEUTERONOMY 12 - Ottawa New Testament Penteteuch and Psalms 1874

¹ Me suh oonoo enahkoonegawinun kuhya tebahkoonegawinun, kaäungwahmezeyag cheëzhechegayag ewede uhkeeng, ewh Jehovah ooKesha‐Muhnedoomewaun koosebuneeg mahnik chetebanduhmun, menik kabemahdezeyag uhkeeng.

² Wuhweenga kegahnishwuhnahjetoonahwaun kuhkenuh enewh, emuh koo egewh ahnishenahbag katebanemagwah buhmetuhwahwahpun oomuhnedoomewaun, emuh kechewuhjewing, kuhya emuh ishpuhdenaug, kuhya uhnaumuhyeëe puhduhkezoowaud anduhchewaud wazhahwushkoobuhgezejig metigoog:

³ Kegahnesahbekebedoonahwaun kuhya oosahsahgewejegunahbikoomewaun, kegahpooquuhuhmuhmahwaug kuhya enewh oosuhkuhahgunewaun, kegahchahgezuhmuhwahwaug kuhya oometigoomewaun; kegahkeeshkuhwahwaug kuhya oomuzzeneneemewaun azhenahgoozenid oomuhnedoomewaun, kegahnishwuhnahjetuhmuhwahwaug oodenoozoowinene emuh.

⁴ Kahween oo‐oo nahsaub kegahuhyindooduhwahsewah Jehovah keKesha‐Muhnedoomewah.

⁵ Emuh suh Jehovah keKesha‐Muhnedoomewa kawuhwanahbundung anduhchingin kedenoodawezewinewaun cheühtood oodenoozoowin emuh, andaud suh goo kegahnunduhwahbundahnahwah, medush emuh cheëzhahyun:

⁶ Me kuhya emuh cheëzhewedooyag kechahgeda‐sahsahgewejegunewaun, kuhya kesahsahgewejegunewaun, kuhya ketitheëmewaun, kuhya kedoombenega‐puhgedenegawinewaun keninjeewaung buhuhyahmag, kuhya kedebundoowinewaun, kuhya enewh kepuhgedenegawinewaun kenuhwah goo ananduhmag pagedenuhmag, kuhya oonetumoonzhahnewaun kepezhekeemewaug kuhya kemahnishtahnishemewaug:

⁷ Me dush emuh cheweseneyag anahsuhmeed Jehovah keKesha‐Muhnedoomewah, kegahmoojegezim kuhya oonje kuhkenuh enewh kahtaungenuhmag, kenuhwah kuhya kenejahnesewaug, Jehovah keKesha‐Muhnedoomewah kahshahwanemenag.

⁸ Kahween kegahezhechegaseem nahsaub oomah noongoom azhechegayung, anduhchid enene doodung wagoodoogwan me ewh wanezheshing anandung.

⁹ Kah mah muhshe ketuhgweshinseem emuh unwabewining kuhya tebandahsoowining, Jehovah keKesha‐Muhnedoomewah mahnenag.

¹⁰ Uhpe dush ween ahzhuhwuhuhmag ewh Jordan, duhnuhkeyag dush emuh uhkeeng Jehovah keKesha‐Muhnedoomewah mahnenag chedebanduhmag, uhpe kuhya meenenag unwabewin pooneënagwah dush kuhkenuh egewh mahgahnenagoog kewetahuhyeëe, pezaun dush duhnuhkeyag;

¹¹ Tahuhyahmuhgud dush ewh Jehovah keKesha‐Muhnedoomedoomewah kawuhwanahbundung cheühtood oodezhenekahzoowin emuh; me suh emuh chebedooyag kuhkenuh azhekuhgaunzoomenenuhgoog; enewh kechahgeda‐sahsahgewejegunewaun, kuhya kesahsahgewejegunewaun, kuhya ketitheëmewaun, kuhya ewh kedoombenega‐puhgedenegawinewah keninjeewaung buhtuhkoonuhmag, kuhya kuhkenuh enewh ahpeje wanezeshingin kedebundoowinewaun wuhyahweenduhmuhwag Jehovah:

¹² Kegahmoojegezim dush anahsuhmeed Jehovah keKesha‐Muhnedoomewah, kenuhwah, kuhya kegwissewaug, kuhya kedaunewaug, kuhya kebuhmetahga‐wenenemewaug, kuhya kebuhmetahgun‐equamewaug, kuhya owh Levite paundegoonag; kah mah wuhowh keweejedebandahsoomegoosewah.

¹³ Aungwahmezin chepuhgedenunsewun kechahgeda‐sahsahgewejegunun minze kabuhbahenahbeyun:

¹⁴ Emuh suh atuh Jehovah kawuhwanahbundung pazhig egoo kedenoodawezewinewah uhyaud, me emuh kapuhgedenuhmun kechahgeda‐sahsahgewejegunun, me kuhya emuh kaëzhechegayun kuhkenuh azhekuhgaunzoomenaun.

¹⁵ Kedahnetahga dush ween kuhya kedahmejin weyaus minzewa peenjuhyeëe kedoodanaung, wagoodoogwan nanduhwanduhmoowunan, azheshahwanemik suh goo Jehovah keKesha‐Muhnedoom; egewh wahnezejig kuhya egewh pahnezejig oodahmejenahwah, owh suh goo meshahbooz doowuh, kuhya owh uhdik.

¹⁶ Kah dush ween kegahmejesenahwah ewh misque; kegahsegenahnahwah uhkeeng debishkoo nebeeng.

¹⁷ ¶ Kahween peenjuhyeëe kedoodanaung kegahmejeseen kebuhquazhegunim ewh tithe menik, gamah kuhya keshooweminahboom, gamah kuhya kepemedam, gamah kuhya oonetumoonzhaunewaun kepezhekeemug kamah kemahnishtahnishemug, kahween kuhya kuhnuhga pazhig enewh kedebundoowinun azhedebundooyun, kahween kuhya enewh kepuhgedenegawinun keen egoo ananduhmun pagedenuhmunin, gamah kuhya oombenega‐puhgedenegawin keninjeeng buhtuhkoonuhmun:

¹⁸ Kegahmejenun suh anahsuhmeed Jehovah keKesha‐Muhnedoom emuh owh Jehovah keKesha‐Muhnedoom kawuhwanahbundung, keen, kuhya kegwis, kuhya kedaun, kuhya kebuhmetahga‐weneneem, kuhya kebuhmetahga‐ëquam, kuhya owh Levite paundegook: kegahmoojegiz dush anahsuhmeed Jehovah keKesha‐Muhnedoom oonje kuhkenuh gagoo tuhyaungenuhmun.

¹⁹ Aungwahmezin chewabenahsewud owh Levite menik bamahdezeyun uhkeeng.

²⁰ ¶ Uhpe Jehovah keKesha‐Muhnedoom mechahtood keduhkeem, kahezhewahweenduhmook suh goo, oo‐oo dush ekedooyun, Ningahmejin weyaus, oonje ewh nunduhwanduhmun wemejeyun weyaus; kedahmejin weyaus, wagoodoogwan ahpeje wahuhyahmoowunan.

²¹ Kishpin ewh kahwuhwanahbundung Jehovah keKesha‐Muhnedoom cheühtood emuh oodooenoozoowin, oonzaum wahsuhwuk emuh uhyahyun, kegahnesaug ahnind kepezhekeemug kuhya kemahnishtahnisheemug, Jehovah kahmeenik, debishkoo suh goo kahezhekuhgaunzoomenaun, kegahmejin dush peenjuhyeëe kedoodanaung wagoodoogwan nanduhwanduhmoowunan.

²² Debishkoo suh owh meshahbooz kuhya owh uhdik azheühmoond, me suh kaëzheümwudwah: egewh wahnezejig kuhya egewh pahnezejig debishkoo oogahezheäumwahwaun.

²³ Aungwahmezin dush egoo atuh kuhnuhga chemejesewun ewh misque: ewh mah misque bemahdezewin ahwun; kah dush kedahduhgoomejeseen ewh bemahdezewin uhpe mahjeyun ewh weyaus.

²⁴ Kahween kegahmejeseen; kegahsegenaun uhkeeng debishkoo nebeeng.

²⁵ Kahween kegahmejeseen; cheminwahbuhmawezeyun dush, keen kuhya kenejahnesug kanebemahdezejig, uhpe keëzhechechegayun ewh wanezheshing anahsuhmeed Jehovah.

²⁶ Enewh atuh kachetwahwandahgwukkin keduhyeëemun ayahmun, kuhya enewh kedebundoowinun, keguhoodahpenahnun, kegahezhah dush emuh ewh kawahwanahbundung Jehovah.

²⁷ Kegahpuhgedenahnun dush kechahgeda‐sahsahgewejegunun, ewh weyaus kuhya ewh misque, emuh oosahsahgewejegun‐ahbikoong owh Jehovah keKesha‐Muhnedoom: ewh kuhya azhemisquewungin kesahsahgewejegunun tahsegenegahda emuh oosahsahgewejegun‐ahbikoong owh Jehovah keKesha‐Muhnedoom, kegahmejin dush ewh weyaus.

²⁸ Nahnahguhduhwandun kuhya bezindun kuhkenuh oonoo e edoowinun azhekuhgaunzoomenaun, cheminwahbuhmawezeyun dush, keen kuhya kahnejahnesug kanebemahdezejig kahgenig, uhpe ezhechegayun ewh wanezheshing kuhya quayukwuk anahsuhmeed Jehovah keKesha‐Muhnedoom.

²⁹ ¶ Uhpe Jehovah keKesha‐Muhnedoom nishwuhnahjeäud enewh ahnishenahban anahsuhmeyun, egewh awedebane-mudjig, keen dush nahbishkuhwudwah, duhnuhkeyun dush ooduhkeemewaung;

³⁰ Aungwahmezin chenuhgwahnegoosewun ewh kekenuhwahbuhmudwah, ahzhe kenishwuhnahjeïndwah anahsuhmeyun; kuhya chekuhgwadwasewun azhewabezenid oomuhnedoomewaun, oo‐oo ekedooyun, Ahneen suh oogoo ahnishenahbag kahezhebuhmetuhwahwaud oomuhnedoomewaun? me suh kuhya neen nahsaub kaëzhechegayaun.

³¹ Kahween oo‐oo nahsaub kegahdooduhwahse owh Jehovah keKesha‐Muhnedoom: kuhkenuh mah enewh kagwahnesuhgandungin owh Jehovah, shaungandungin, oogedooduhwahwaun oomuhnedoomewaun; kachewah gooshuh kuhya enewh oogwissewaun kuhya oodaunewaun oogechahgezwahwaun oonje enewh oomuhnedoomewaun.

³² Wagoodoogwan azhekuhgaunzoomenenuhgoog, aungwahmezig cheëzhechegayag: kahween uhwushema gagoo kegahuhtoosenahwah emuh, kahween kuhya gagoo kegahoodahpenunsenahwah.