DEUTERONOMY 11 - Ottawa New Testament Penteteuch and Psalms 1874

¹ Kegahsahgeäh suh dush owh Jehovah keKesha‐Muhnedoom, kuhya kegahkuhnuhwandaun azhekuhgekemik, kuhya enewh oodenahkoonegawinun, kuhya ootebahkoonegawinun, kuhya ookuhgequawinun, kahgenig.

² Kekanduhmook kuhya oo‐oo kezhigud: kah suh ninkuhnoonahseeg kenejahnesewaug kahkekandunsegoog, kuhya kahwahbundunsegoog oopuhshunzhaöowawin owh Jehovah keKesha‐Muhnedoomewah, ookechetwahwandahgoozewin, mashkuhwezemuhgudenig ooninj, kuhya oonik kahshebenung.

³ Kuhya enewh oomuhmaundah‐wuhnookewinun, kuhya enewh oodezhechegawinun, kahdooduhwaud ewede nahwuhyeëe Egypting enewh Pharaohun wagemahkunduhmenid Egypt, kuhya dush kuhkenuh ooduhkeemene;

⁴ Kahdooduhwaud kuhya enewh Egypting duhzhe shemahgunishun, oopapazhigoogunzheemewaun, kuhya ootetebesa-oodahbaunewaun; kahezheënahkoonegad chemooshkuhoogoowaud ewh nebe emuh Misquahgumme‐kechegummeeng magwah goo noosoonaöonagwah, Jehovah dush kenishwuhnahjeäud peenish egoo noongoom;

⁵ Kuhya kahuhyindoodoonag buhgwuhduhkummig, nuhnauzh egoo oomah ketuhgwishenag;

⁶ Kuhya kadooduhwaud Dathanun kuhya Abiramun, oogwissun owh Eliab, oogwissun owh Reuben: kahezhedahwuhnemuhguk ewh uhke, kekoonegoowaud dush, wenuhwah, kuhya ayenoodawezewaud, kuhya oopuhpuhgewuhyaune‐gummigoowaun, kuhya kuhkenuh ooduhyeëemewaun kahezhedebandahsoowaud, nahwuhyeëe emuh uhyaud kuhkenuh owh Israel:

⁷ Kegewahbundahnahwah dush ween kenuhwah kishkeenzhigoowaun uhyooyag kuhkenuh enewh Jehovah ookecheëzhechegawinun kahezhechegad.

⁸ Kegahkuhnuhwandahnahwaun suh dush kuhkenuh enewh kuhgequawinun noongoom kezhiguk azhekuhgaunzoomenenuhgoog, chemushkuhwezeyag dush nah, kuhya cheühwedebanduhmag ewh uhke, awedebanduhmag;

⁹ Cheöonjekinwahtoong dush kuhya kekezhigudoomewaun emuh uhkeeng, ewh Jehovah kahmushkuhwe‐wahweenduhmuhwaud koosewahbuneen chemeenaud kuhya enewh oonejahnesene, uhke emuh anduhnejewung doodooshahboo kuhya ahmooseenzebahquud.

¹⁰ ¶ Ewh suh uhke, awedebanduhmun, kahween debishkoo ewh Egypt duhzhe uhke enandahgwussenoon, ewede kahoonjebahyag, ewede kesuswawabenuhmun kemenekaun, kuhya keseguhunduhmun kezid uhyooyun, debishkoo ewh ketegaunans emuh uhnooj gagoo sahguhketooyun:

¹¹ Ewh dush ween uhke, awedebanduhmag, wuhjewekah emah uhkeeng kuhya puhpuhsuhkummegah, ewh dush kemewunahboo ishpeming wanjepungesing oonjemenequamuhgud ewh:

¹² Uhke Jehovah keKesha‐Muhnedoom babamandung: Jehovah keKesha‐Muhnedoom moonzhug ookuhnuhwahbundaun, uhpe muhyahjesag kekenoonoowin nuhnauzh egoo ishquasag kekenoonoowin.

¹³ Tahpuhgummeühyahmuhgud dush, kïshpin wawane bezinduhmag ninkuhgequawinun noongoom kezhiguk azhekuhgaunzoomenenuhgoog, chesahgeäg Jehovah keKesha‐Muhnedoomewah, kuhya chebuhmetuhwag anegookoodaäyag kuhya anegookoojechaugooweyag,

¹⁴ Kegahmeenenim kemewun keduhkeemewaung uhpe koo tabishkoosagin, ewh netum kemewun kuhya ewh isquauj kemewun, chetamahwunjetooyun dush kemezeminansim, kuhya keshooweminahboom, kuhya kepemedam.

¹⁵ Ningahmeegewan kuhya mushkoosewun keketegauning oonje egewh keduhwuhkaunug, cheweseneyun dush nah, kuhya chetabeseneyun.

¹⁶ Aungwahmezig, chewuhyazhindunseeng kedaëwah, chepuhkayagoobun dush, kuhya chebuhmetuhwagwahbun bakahnezejig muhnedoog, kuhya cheähnuhmeätuhwagwahbun;

¹⁷ Chenishkanemenagoobun dush Jehovah, kebahquuhung dush ewh kezhig, kemewunsenoog dush, kuhya uhnooj gagoo menooginsenoog emuh uhkeeng: kuhya webuh chebuhnahdezesewag emuh wanezheshing uhkeeng Jehovah mahnenag.

¹⁸ Kegahkuhnuhwandahnahwaun suh dush oonoo nindekedoowinun kedaëwaung kuhya kejechaugoowaung, kuhya kegahminjemuhpedoonahwaun keninjewaung wekekenuhwahjetooyag, kegahminjemesedoonahwaun kuhya nesuhwuhyeëe emah uhyahgin kishkeenzhigoowaun.

¹⁹ Kegahkekenooühmuhwahwaug dush kenejahnesewaug enewh, duhzhinduhmun uhpe nanahmuhduhbeyunin andahyun, uhpe kuhya papahmoosayunin emuh meekunaung, uhpe kaweshemooyunin, uhpe kuhya wanishkahyunin.

²⁰ Kegahoozhebeähnun kuhya emuh metigoog enewh paduhkesingin ayeduhwuhyeëe kedishquaundanedaming andahyun, kuhya emuh kedishquaundaming:

²¹ Chemeshenetoong dush nah enewh kekezhigudoomewaun, kuhya ookezhigudoomewaun kenejahnesewaug, emuh uhkeeng Jehovah kahmushkuhwe‐wahweenduhmuhwaud koosewahbuneen chemeenaud, debishkoo enewh ishpeming duhzhe kezhigudoon emuh uhkeeng.

²² ¶ Kishpin mah wawane kuhnuhwanduhmag kuhkenuh oonoo kuhgequawinun azhekuhgaunzoomenenuhgoog, chezhechegayag, chesahgeäg Jehovah keKesha‐Muhnedoomewah, chepemoosayag kuhkenuh oomeekunaung, kuhya cheminj me-nag;

²³ Me dush Jehovah chesahgejenaunzhuhwaud kuhkenuh oonoo ahnishenahban anahsuhmeyag, kegahtebanemahwaug dush ahnishenahbag uhnooj azheweenzoojig nuhwuj kachetwahwandahgoozejig kuhya nuhwuj mashkuhwezejig kenuhwah dush ween.

²⁴ Tebe kebuhbahtuhkookewagwan me goo ewh katebanduhmag: keduhkeemewah tahmahjesin emuh buhgwuhduhkummig kuhya Lebanoning, emuh sebeeng, ewh sebe Euphrates, me dush egoo ewede kechegummeeng apungeshemoog enuhguhkayah chewuhyaquahsing.

²⁵ Kahween ahweyah oogahkushketooseen chenebuhwid anahsuhmeyag: owh mah Jehovah keKesha‐Muhnedoomewah tahenahkoonega chekoosegooyag kuhkenuh ewh uhke katuhkookahduhmag, kahenenag suh goo.

²⁶ ¶ Benuh, noongoom kezhiguk kepuhgedenuhmoonim shahwanjegawin kuhya kuhgwahnesuhgandahgoozewin;

²⁷ Shahwanjegawin, kishpin nuhetuhmag ookuhgequawinun owh Jehovah keKesha‐Muhnedoomewah, noongoom kezhiguk azhekuhgaunzoomenenuhgoog:

²⁸ Kuhgwahnesuhgandahgoozewin dush, kishpin wenuhetunsewag ookuhgequawinun Jehovah keKesha‐Muhnedoomewah, puhkayag dush emuh meekunaung noongoom kezhiguk azhekuhgaunzoomenenuhgoog, chenoopenuhnagwah bakahnezejig munedoog, kahkekanemahsewagwah.

²⁹ Tahpuhgummeühyahmuhgud dush, uhpe Jehovah keKesha‐Muhnedoom kepeendeguhnik emuh uhkeeng awetebanduhmun, kegahuhtoon ewh shahwanjegawin wuhgejuhyeëe Gerizim wuhjewing, ewh dush kuhgwahnesuhgandahgoo ewin wuhgejuhyeëe Ebal wuhjewing.

³⁰ Kah nah ween uhwus‐enuhguhkagaum Jordaning uhyahsenoon, ewede enuhka pungeshemood keezis, emuh ooduhkeemewaung egewh Canaanitug, anduhnuhkejig emuh mushkoodang debishkoo Gilgaling, cheguhyeëe emuh Moreh mushkoodang?

³¹ Kegahahzhuhwuhahnahwah gooshuh Jordan cheühwete-banduhmag ewh uhke Jehovah keKesha‐Muhnedoomewah mahnenag, kegahtebandahnahwah dush, kuhya kegahduhnuhkeem emuh.

³² Kegahaungwahmezim dush cheëzhechegayag kuhkenuh enewh enahkoonegawinun kuhya tebahkoonegawinun noongoom kezhiguk pagedenuhmoonenuhgoog.