DEUTERONOMY 10 - Ottawa New Testament Penteteuch and Psalms 1874

¹ Ewh suh uhpe Jehovah oo‐oo ningeïg, Daushkahbekuhuh-mahzoon neezh tasahbikoon kaëzhenahgwukkin debishkoo enewh netum, benaunzekuhweshin dush emuh wuhjewing, oozhetuhmahzoon dush metigoo‐muhkuk.

² Ningahoozhebeähnun dush emuh tasahbikoong enewh ekedoowinun kahuhtagebuneen emuh enewh netum tasahbikoon kahbegwuhuhmun, kegahuhtoonun dush peenjuhyeëe emuh muhkuhkoong.

³ Ningeöozhetoon dush mukkuk shittim metig keühwug, ningedaushkabekuhahnun kuhya neezh uhsine‐tasahbikoon kahezhenahgwukkin debishkoo enewh netum, ningewuhgedahkewa dush emuh wuhjewing, tuhkoonuhmaun enewh neezh tasahbikoon neninjeeng.

⁴ Oogeöozhebeähnun dush emuh tasahbikoong, debishkoo suh goo netum kahezhebeëgang, enewh medahswe kuhgequawinun, Jehovah kahenenag emuh wuhjewing nahwishkoodang oonje ewh kezhiguk uhpe kemahwunjeëdeyag: Jehovah dush enewh ningemeenig.

⁵ Ningequakegahbowh dush kuhya ningenesahkewa emuh wuhjewing, ningepenuhahnun dush enewh tahsahbikon emuh mukkuhoong ewh kahoozhetooyaumbaun; me dush emuh uhtagin, debishkoo suh goo Jehovah kahezhekuhgaunzoomid.

⁶ ¶ Israel dush oonejahnesun keöonjemahjahwun emuh Beerothing emah duhnuhkewaud Jaakan oonejahnesun, Moseraïng dush keduhgwishenoon: me emah Aaron kenebood, me kuhya emuh kepuhgedanemind; Eleazar dush me enewh oogwissun kebuhmetahga mashquud emuh ooduhnookewining owh sahsahgewejega‐wenene.

⁷ Emuh dush keöonjemahjahwug Gudgodahing dush ketuhgwishenoowaud; Gudgodahing dush keöonjemahjahwaud ketuhgwishenoog Jotbathing, uhke emuh sebekaug.

⁸ ¶ Ewh uhpe Jehovah oogepuhkagahbuhweäun Levi oonejahnesun, chebemewedoonid Jehovah oowahweenduhmahga‐mukkuk, chenebuhwenid anahsuhmeed Jehovah cheähnooketahgood, kuhya cheshahwanjeganid emuh oodezhenekahzoowining, nuhnauzh egoo noongoom.

⁹ Kah suh dush Levi ooweejdebandahsoomahseen weejekewayun; Jehovahun ahwewun oodebandahsoowin, debishkoo suh goo kahezhewuhweenduhmahgood Jehovahun keKesha‐Muhnedoom.

¹⁰ Ningeduhniz dush emuh wuhjewing, debishkoo suh goo netum, nemeduhnuh dussoogoon kuhya nemeduhnuh dussootebik; Jehovah dush ewh uhpe kuhya ningebezindaug, kah dush Jehovah keënandunse chenishwuhnahjeïk.

¹¹ Jehovah dush oo‐oo ningeïg Puhsegween, uhnemahjaun anahsuhmewaud egewh ahnishenahbag, cheühwedebanduhmoowaud dush ewh uhke, ewh kahmushkuhwe‐wahweenduhmuhwemug oosewahbuneen chemeenugwah.

¹² ¶ Benuh dush, Israel, wagoonan suh owh Jehovah keKesha‐Muhnedoom nanduhwanduhmook, me atuh chekoosud Jehovah keKesha‐Muhnedoom, chepemoosayun kuhkenuh oomeekunaung, kuhya chesahgeüd, kuhya chebuhmetuhwud Jehovah keKesha‐Muhnedoom anegookoodaäyun kuhya anegookoojechaugooweyun,

¹³ Chekuhnuhwanduhmun Jehovah ookuhgequawinun, kuhya oodenahkoonegawinun, noongoom azhekuhgaunzoomenaun kaöonjemenooühyahyun?

¹⁴ Benuh, Jehovah keKesha‐Muhnedoom oodebandaun ewh kezhig kuhya ewh kacheïshpaug kezhig, ewh kuhya uhke, kuhya kuhkenuh gagoo emuh atag.

¹⁵ Owh dush Jehovah oogeminwanemaun koosebuneen kesahgeäud dush, oogewuhwanahbuhmaun kuhya oonejahnesene kahnebemahdezenid, kenuhwah suh goo, keäunzwayahbuhmaud dush kuhkenuh bakahnezenejin ahnishenahban, debishkoo suh goo noongoom azhewabuk.

¹⁶ Kekenuhwahjekeeshkezhuhmook suh dush kedaëwah, kagoo dush menuhwah mushkuhwindibakagoon.

¹⁷ Owh mah Jehovah keKesha‐Muhnedoomewah ahwe ooKesha‐Muhnedoomewaun muhnedoog, kuhya tabanemaud enewh tabaninganejin, keche‐Kesha‐Muhnedoo, mashkuhwezeed, kuhya quatahmegwandahgoozid, pekenoong ananemahsig bamahdezenejin, kuhya wadahpenunsig tebuhuhmahgoowin:

¹⁸ Tebahkoonega oonje enewh kahwezenejin kuhya enewh shegaun, oosahgeäun kuhya enewh mayuggezenejin, ewh meenaud mejim kuhya uhgwewin.

¹⁹ Sahgeïk suh dush owh mayuggezid: kegemuhyuggezim mah emuh Egypt duhzhe uhkeeng.

²⁰ Kegahkoosah Jehovah keKesha‐Muhnedoom; me owh kabuhmetahwud, me ewh kuhya owh kaminjemenud, oodezhenekahzoowin kuhya kaweenduhmun uhpe wahmushkuhwekeezhwayunin.

²¹ Me suh owh kewuhwezhanduhmoowin, me kuhya owh keKesha‐Muhnedoom, kahuhyindoodook oonoo kecheühyeëen kuhya quatahmegwandahgwukkin, kahwahbunduhmun kishkeenzhigoon uhyooyun.

²² Koosebuneeg Egypting keëzhahwug neezhwahsemeduhnuhwawaud; benuh dush owh Jehovah keKesha‐Muhnedoom azhenoowaud egewh kezhigoong duhzhe uhnungoog kegeëzhenooïg.