DEUTERONOMY 1 - Ottawa New Testament Penteteuch and Psalms 1874

¹ Me suh oonoo ekedoowinun Moses kahenaud kuhkenuh enewh Israelun oondause‐nuhkagaum Jordaning emuh buhgwuhduhkummig, mushkoodang debishkoo emuh Misquahgumme‐Kechegummeeng, nahwuhyeëe emuh uhyaug Paran, kuhya Tophel, kuhya Laban, kuhya Hazeroth, kuhya Dizahab.

² (Medahsoogoon uhshe pazhig pemoosam Horebing oonje-mahjaung Kadesh‐barneïng dush ezhaung, Seir wuhjewing bemeëzhaung.)

³ Kepuhgummeühyahmuhgud dush uhpe nemeduhnuh andussoopepoonuhguk, uhpe madahsookeeziswuhguk uhshe pazhig, uhpe washkeühgoojing owh keezis, Moses oogekuhnoonaun Israel oonejahnesun, nahsaub egoo kuhkenuh Jehovahun kahezhemeenegood chekuhgaunzoomaud;

⁴ Ahzhe kahnesaud Sihonun owh wagemahkunduhwahpun enewh Amoritun, kahduhnuhkeed Heshboning, kuhya Ogun owh wagemahkundungebun Bashan, kahduhnuhkeed Asharothing emuh Edreïng:

⁵ Oondaus‐enuhkagaum suh Jordaning, emuh Moab duhzhe uhkeeng, Moses oogemahjeweendaun oo‐oo tebahkoonegawin, oo‐oo keëkedood,

⁶ Jehovah keKesha‐Muhnedoomenaun kegekuhnoonegoonaun ewede Horebing, oo‐oo keëkedood, Menoomenik ahzhegwuh kedinduhnuhkeem oomah wuhjewing:

⁷ Quakegahbuhwik, mahjaug dush, ezhaug ewede oowuhjewimewaung egewh Amoritug, kuhya mezewa pashoo emuh, mushkoodang, wuhjewing, kuhya emuh tuhwuhdenaug, kuhya shahwunoong enuhguhkayah, kuhya jeegkechegummeeng, nuhnaunzh egoo ewede ooduhkeemewaung egewh Canaanitug, kuhya Lebanoning, nuhnaunzh egoo ewede keche sebeeng, ewh sebe Euphrates.

⁸ Benuh kegepuhgedenuhmoonim ewh uhke: peendegayook debanduhmook dush ewh uhke Jehovah kahwahweenduhmuhwahpun enewh koosewahbuneen, Abrahamun, Isaacun, kuhya Jacobun chemeenaud kuhya enewh oonejahnisene wahbemahdezenid.

⁹ ¶ Kegekuhnoonenimwahbun dush ewh uhpe, oo‐oo keëkedooyaun, Kah suh ninkushketooseen neen nezhekawezeyaun chebemoomenuhgoog:

¹⁰ Jehovah keKesha‐Muhnedoomewah kegemeshenooegoowah, benuh dush, noongoom kezhiguk egewh uhnungoog kezhigoong ayahjig azhenoowaud kedezhenoom.

¹¹ (Mahnoo suh Jehovah owh kahoo‐Kesha‐Muhnedoowemegood enewh koosewahbuneen medahswauk duhching uhwuhshema kegahmeshenooëgoowah ewh dush ween noongoom anduhcheyag, kuhya kegahshahwanemegoowah, kahezhewahweenduhmoonag suh goo!)

¹² Ahneen kaëzhekushketooyaumbaun neen nezheka chebemoonduhmaun keduhyeëemewaun, kuhya kemewuhne-kaunewah, kuhya kemegahdewinewah?

¹³ Oodahpenik suh nabwahkahjig enenewug, kuhya kache-kekandahsoojig, kuhya kekandahsoojig, kuhya kakanemindjig emuh uhyahmuhgukkin enewh kedenoodawezewinewaun, ningahenahkoonaug dush chekuhnuhwanemenagwah.

¹⁴ Kegenuhquatuhwim dush, oo‐oo keëzheyag, Ewh suh kahekedooyun oonezheshin cheëzhechegayaungebun.

¹⁵ Ningeöodahpenaug suh dush egewh wagemahkundungig enewh kedenoodawezewinewaun, enenewug nabwahkahjig, kuhya kakanemindjig, ningeënahkoonaug dush chekuhnuhwanemenagwah, egewh mamedahswauk kakuhnuhwanemahjig, kuhya egewh naningoodwauk kahkuhnuhwanemahjig, kuhya egewh nahnahnemeduhnuh kakuhnuhwanemahjig, kuhya egewh mamedahswe kakuhnuhwanemahjig, kuhya egewh kaduhkoonewajig emuh uhyahmuhgukkin enewh kedenoodawezewinewaun.

¹⁶ Ningekuhgaunzoomahbuneeg dush egewh ketebahkoonega‐wenenemewaug ewh uhpe, oo‐oo keënugwah, Bezinduhwik suh kaëzhekuhkuhnoonenagwah egewh kekahnisewaug, quuhyuk kuhya tebahkoonik anduhchewaud enenewug kuhya enewh wekahnisewaun, kuhya enewh mayuhgezenejin wauj-duhnuhkemegoowahjin.

¹⁷ Kahween pekenoong kegahenanemahsewaug bamahdezejig uhpe tabahkoonegayagoon; kegahnoonduhwahwaug suh goo egewh noondaush apetandahgoozejig kuhya egewh kachetwahwezejig; kahween kegahkoosahsewah enene; Kesha‐Muhnedoo mah ewh ootebahkoonegawin; ewh dush ween oonzaum sanuhganduhmag, peduhweshig, ningahnoondaun dush.

¹⁸ Kegekuhgaunzoomenenimwahbun dush ewh uhpe kuhkenuh enewh keëzhechegayagoobun.

¹⁹ ¶ Uhpe dush Horebing wanjemahjahyung, kegeshahbooshkuhmin kuhkenuh ewh machaug kuhya quatahmegwandahgwuk puhgwuhduhkummig, kahwahbunduhmag emuh enuhguhkayah oowuhjewimewaung egewh Amoritug, kahezhekuhgaunzoomenung egoo Jehovah keKesha‐Muhnedoomenaun; Kadesh‐barneaïng dush kegeduhgwishenoomin.

²⁰ Oo‐oo dush kegeënenim, keduhgwishenim suh emuh oowuhjewimewaung egewh Amoritug, ewh Jehovah ke‐Kesha‐Muhnedoomenaun mahnenung.

²¹ Benuh, Jehovah keKesha‐Muhnedoom, keduhtuhmaug ewh uhke anahsuhmeyun: uhwetebandun, kahenik egoo Jehovah kahooKesha‐Muhnedoowemegood enewh koosebuneen; kagoo sagezekan, kagoo kuhya shahgwanemookan.

²² ¶ Anduhcheyag dush pashoo kegebeëzhaum emuh uhyahyaun, oo‐oo dush kegeëkedoom, Ningahuhnoonahnahnig enenewug kanegahnejig, tahnunduhwahtoowug dush ewede uhkeeng, ningahbedahjemootahgoonahnig dush menuhwah emuh kaneëzhahyaung, kuhya enewh oodanuhwun kaöodetuhmaungin.

²³ Ningemenootaun dush ewh ekedoowin: ningeöodahpenaug dush medahswe uhshe neezh enenewug emuh uhyahyag, pazhig ewh ningoodoodawezewin:

²⁴ Kegwakegahbuhwewug dush kewuhgedahkewawaud emuh wuhjewing, keduhgwishenoog dush emuh tuhwuhdenaug Eshchol, kenunduhwahtoowug dush emuh.

²⁵ Oogeöodahpenahnahwah dush ooninjewaung ewh mahnewung emuh uhkeeng, kegebedahgoonahnig dush ewh, kegebedahjemootahgoonahnig kuhya menuhwah, oo‐oo keëkedoowaud, Oonezheshin suh ewh uhke Jehovah keKesha‐Muhnedoomenaun mahnenung

²⁶ Kah dush egoo pooch kegeënanduhseem cheëzhahyag, kegekuhgaunzetahnahwah atuh ookuhgequawin owh Jehovah keKesha‐Muhnedoomewah:

²⁷ Kegenahnahpuhgaunezetahgoozim dush kewegewaumewaung, oo‐oo keëkedooyag, Ewh Jehovah kesheenganemenung, me ewh kahoonjesahgejewenenung emuh Egypt duhzhe uhkeeng, chepuhgedenenung emuh ooninjewaung egewh Amoritug, chebuhnahjeënung.

²⁸ Ahneende enuhka kaëzhahyung? kekahnisenahnig kegesagemegoonahnig, oo‐oo keëkedoowaud, Egewh ahnishenahbag nuhwuj bahtuhyenoowug kuhya nuhwuj kenoozewug kenuhwind dush ween; enewh oodanuhwun mechahwun enewh kuhya wahkahkenegunun kewetahuhyeëe achegahdagin ishpeming dabuhquahquuhmoowun; ningewahbuhmahnahnig dush kuhya ewede enewh oogwissun egewh Anakimug.

²⁹ Oo‐oo dush kegeënenim, Kagoo sagezekagoon, kagoo kuhya koosakagoon.

³⁰ Jehovah keKesha‐Muhnedoomewah nahgahneed emuh aneëzhahyag, kegahmegahzootuhmahgoowah, nahsaub egoo kuhkenuh kahuhyindoodoonag ewede Egypting emuh anahsuhmeyag;

³¹ Kuhya emuh buhgwuhduhkummig, kewahbunduhmun Jehovah keKesha‐Muhnedoom kahezhebemoomik, debishkoo enene azhebemoomaud oogwissun, mezewa emuh meekunaung kahbeëzhahyag, nuhnaunzh egoo tagwishenag oomah.

³² Pooch edush egoo kahween kegedabwatuhwahsewah Jehovah keKesha‐Muhnedoomewah,

³³ Owh kahnegahneed emuh kahneëzhahyag, chenunduhwahbundung emuh kakuhbasheyag, ishkooda kahuhyood tabekukkin, chewahbunduhenag emuh kaneëzhahyag, ahnuhquud dush kahzhegukkin.

³⁴ Jehovah dush oogenoondahnun kedekedoowinewaun kenishkahdeze dush, kuhya kemushkuhwekeezhwa, oo‐oo keëkedood,

³⁵ Ahbedakummig kahween kuhnuhga pazhig egoo enenewug majeëzhewabezejig noongoom egoo bamahdezejig oogahwahbunduhseen ewh wanezheshing uhke, ewh kahmushkuhwewahweenduhmagayaumbaun chemeenugwah koosewahbuneeg,

³⁶ Me atuh Caleb oogwissun Jephunneh; ween oogahwahbundaun, ningahmeenah kuhya ewh uhke kahtuhkookahdung, kuhya enewh oonejahnesun, keche wawane mah oogenoopenuhnaun Jehovahun.

³⁷ Jehovah kuhya ningenishkanemig kenuhwah oonje, oo‐oo keëzhid, Keen kuhya kahween ewede kegahpeendegase.

³⁸ Joshua dush ween Nun oogwissun, anahsuhmeyun nahbuhwid, ween ewede tahpeendega: menookuhgekim: oogahtebandahsooäun gooshuh Israelun ewh.

³⁹ Egewh dush ween kedahbenoojeyemewaug, tahtuhkoonahwug kahenagoog, kuhya egewh kenejahnesewaug ewh uhpe kahkekanduhsegoog ewh wanezheshing kuhya ewh mujjeuhyeëewish, wenuhwah ewede tahpeendegawug, ningahmeenaug dush ewh, tahtebandahsoowug dush.

⁴⁰ Kenuhwah dush ween, quakegahbuhweyook, ezhahyook dush buhgwuhduhkummig ewede Misquahgumme‐Kechegummeeng enuhguhkayah.

⁴¹ Kepenuhquatuhwim dush oo‐oo keëzheyag, Ningemujje-dooduhwahwaun Jehovah, Ningahwuhgedahkewamin suh kuhya ningahmegahzoomin, kuhkenuh suh goo Jehovah Ninkesha‐Muhnedoomenaun kahezhekuhgaunzoomeyungid. Uhpe dush kahkejepezooyag anduhcheyag enewh keduhshwewenewaun, kegekezhetaum chewuhgedahkewayag emuh wuhjewing.

⁴² Jehovah dush oo‐oo ningeïg, Oo‐oo suh ezhe, Kagoo wuhgedahkewakagoon, kagoo kuhya megahzookagoon; kah mah keweejewesenoonim; chemuhmaunzheësenoowagwah dush egewh shaunganemenagoog.

⁴³ Kegekuhkuhnoonenim suh dush; kah dush kewenoonduhsenahwahbun, kegekuhgaunsetahnahwah dush Jehovah ookuhgequawin, uhwunjish dush kegewuhgedahkewam wuhjewing.

⁴⁴ Egewh dush Amoritug, kahduhnuhkejig emuh wuhjewing, kegebenuhquashkahgoowaug, kegenoopenuhnegoowaug kuhya, debishkoo ahmoog azhechegawaud, kegekechenesegoowaug dush Seiring, nuhnaunzh egoo Hormahing.

⁴⁵ Kegebekewam dush kuhya kegemuhwim emuh anahsuhmeühyaud Jehovah; Jehovah dush kahween kegebezindahgoosewah, kahween kuhya kegenoondahgoosewah.

⁴⁶ Me dush keduhnezeyag Kadeshing nebewah dussoogoon, nahsaub egoo anandahgwukkin enewh kezhigudoon menik ewede kahduhnezeyag.