COLOSSIANUN 3 - Ottawa New Testament Penteteuch and Psalms 1874

¹ Kishpin dush kenuhwah keweej‐ahbechebahmag Christ, nunduhwanduhmook enewh uhyeëen ishpeming ayaugin, anduhzhe‐wuhwanuhbid Christ emuh ookecheneenjeeng Kesha‐Muhnedoo.

² Sahgetooyook ishpeming duhzhe uhyeëen, kahween dush ween uhkeeng duhzhe uhyeëen.

³ Kegeneboom mahween, kahjegahda dush kebemahdezewinewah emuh Christ anduhzhe ahyaud, emuh Kesha‐Muhnedoong.

⁴ Uhpe dush owh Christ, kenuhwind kebemahdezewinenaun ahyahwid, kapenahgoozid, me suh dush uhpe kenuhwah kaweeje‐nahgoozemag emuh pezhegandahgoozewining.

⁵ Netooyook dush enewh kepukkawezewinewaun oomah uhkeeng ayaugin; pezhigwahdezewin, weenezewin, oonzaumanduhmoowin, pezhigwahdezewine nunduhwanduhmoowin, kuhya shoobezewin, mesuh anandahgwuk debishkoo muzzenene ahnuhmeätuhwind:

⁶ Me suh oonoo uhyeëen wanje‐oodissegoowaud Kesha‐Muhnedoo oonishkahdezewin egewh kagaunzetungig wanejahnesemindjig:

⁷ Ewh kuhya kenuhwah kuhyet kahezhebemoosag oo‐oo keëzhebemahdezeyag.

⁸ Noongoom dush wabenuhmook kuhkenuh oonoo; nishkahdezewin, sheenganindewin, mujje‐kezhwawin, kuhya wahnuk guhnoonindewin wanjebahmahguk emuh kedoonewaung.

⁹ Kagoo kuhkenuhwishkahjemootahdekagoon, kekanduhmag ahzhuh kekesekuhwag owh kata enene kuhya enewh oodezhechegawinun;

¹⁰ Kuhya dush kepesekahwag owh ooshke enene, owh uhyaunjeïnd emuh kekandahsoowining debishkoo azhenahgoozenid enewh kahoozheëgoojin:

¹¹ Emuh kahween pekinoong enanemahsewug owh Greek kuhya owh Jew, owh kakenoowahje‐kishkezhegahzood kuhya owh kakenoowahje‐kishkezhegahzoosig, owh mahyuggezid, owh Scythian, owh ahwuhkaune enene kuhya owh dabandung tebenuhwa weyow; owh suh Christ mahmahwe kushkechega, kuhya ookekishkahwaun kuhkenuh.

¹² Pesekuhmook suh dush, azhekuhgeginenag Kesha‐Muhnedoo, quuhyuk azhewabezeyag kuhya suhyahgeëgooyag, shahwanjegawinun, keshawahdezewin, ahgahsanemoowin, bakahdezewin, minwahdanduhmoowin;

¹³ Kuhnuhga cheähzhittah‐mujje‐doodahdesewag, ahbwayanindeyag, kishpin ahweyah ningood wuhsittuhwanemaud pakahnezenejin; nahsaub owh Christ kahezheäh-bwayanemenag me suh nahsaub kuhya kenuhwah kaëzhechegayag.

¹⁴ Oogechuhyeëeng kuhkenuh oonoo pesekuhmook ewh sahgeëdewin, me suh wanje‐minjemoosing quuhyuk‐ezhewabezewin.

¹⁵ Mahnoo dush oopezaunewawin Kesha‐Muhnedoo tahoogemahkundahgamahgud emuh kedaëwaung, me muh wanje‐nundoomegooyag emuh pazhik weyowemaung; mahmooyahwahganduhmook dush.

¹⁶ Mahnoo tahkeche‐meshenud oodekedoowin Kesha‐Muhnedoo peenjenuh keyowewaung emuh kuhkenuh nebwahkahwining; chekekenooähmahdeyag kuhya cheäungwahmindeyag mamashquaud, emuh ahnuhmeähwine nuhguhmoowining, emuh kedaëwaung ahnuhmeähwining cheezhenuhguhmootahwag owh Tabaningad.

¹⁷ Kuhya wagoodoogwan kaënuhnookeewagwan emuh ekedoowining gamuh emuh ezhechegawining, kuhkenuh ezhedooduhmook emuh oodezhenekahzoowining Tabaningad Jesus, mahmooyahwahmag Kesha‐Muhnedoo Wayoosemind ween oonje.

¹⁸ Wewemahdoog, puggedenedezooyook chenuhittuhwagwah tebenuhwa kenahbamewaug, debishkoo azhenunduhwandahgoozeyag emuh Tabaningang.

¹⁹ Oonahbamemahdoog, sahgeïk keweedegamahgunewaug, kagoo kuhya wuhsittahwanemahkagoon.

²⁰ Wanejahnesemegooyag, nuhittahwik kenegeëgoowaug ewh kuhkenuh menik anenagwah: minwahbuhmenahgwud muh oo‐oo ezhewebezewin emuh anahsuhmuhbid Kesha‐Muhnedoo.

²¹ Oosemahdoog, kagoo nishkeähkagoon kenejahnesewaug, koonemah suh tahahnezheetuhmoog.

²² Buhmeetahgunedoog, nuhittahwik egewh kedoogemahmewaug emuh weyausemaung kuhkenuh menik kaenenenagwah; kahween ween ooshkinzhegoo‐buhmetahgawin nahsaub azhebuhmeetahgawaud egewh manwanduhmeähjig enewh enenewun; emuh dush kedaëwaung menoo‐ezhewabezeyag, koosag Kesha‐Muhnedoo:

²³ Wagoodoogwan dush azhechegawagwan anegookoodaäyag ezhechegayook, debishkoo egewh anookeetahwahjig enewh Tabaninganejin, kahween dush ween enewh enenewun;

²⁴ Kekanduhmag dush wemeenenag Tabaningad ewh tebahahmahdewine tebandahsoowin: kebuhmeetahwahwah muh Tabaningad Christ.

²⁵ Owh dush maje‐ezhechegad tahdoodahwah debishkoo anandahgwudenig oomujjeëzhechegawin: kah kuhya ahweyah pekinoong tahenanemahse.